Karevorinfo  Իրադարձություններ  560

Վանեցյանը հեռանո՞ւմ է Սերժ Սարգսյանից. «Պատիվ ունեմ»-ը գոյատևեց մեկ տարի․ ՏԵՍԱՆՅՈւԹ

Վանեցյանը հեռանո՞ւմ է Սերժ Սարգսյանից. «Պատիվ ունեմ»-ը գոյատևեց մեկ տարի․ ՏԵՍԱՆՅՈւԹ

Վանեցյանը հեռանո՞ւմ է Սերժ Սարգսյանից. «Պատիվ ունեմ»-ը գոյատևեց մեկ տարի․ ՏԵՍԱՆՅՈւԹ
21:20 երեքշաբթի, 21 հունիսի, 2022 թ.
Վանեցյանը հեռանո՞ւմ է Սերժ Սարգսյանից. «Պատիվ ունեմ»-ը գոյատևեց մեկ տարի․ ՏԵՍԱՆՅՈւԹ

«Այս իշխանությունների օրոք Ազգային ժողով չեմ վերադառնալու»,- այս հայտարարությունից շուրջ 20 օր անց Արթուր Վանեցյանը հայտնեց պատգամավորական մանդատից հրաժարվելու մասին։ Նիկոլ Փաշինյանին իշխանությունից հեռացնելու պահանջով նստացույց սկսելուց երկու ամիս անց «Պատիվ ունեմ» խմբակցության ղեկավարը հրաժարական է ներկայացրել խորհրդարանի նախագահին:

Մանդատը վայր դնելու որոշման առնչությամբ այսօր տարածած հայտարարությունում Վանեցյանը կրկին շեշտել է այն միտքը, թե խորհրդարանը չի սպասարկում ժողովրդի շահերը և ինքն այնտեղ անելիք չունի:

Արթուր Վանեցյանը ոչ միայն մանդատը վայր դնելու, այլ նաև Սերժ Սարգսյանի ղեկավարած ՀՀԿ-ի ու իր հիմնադրած «Հայրենիք» կուսակցությունների միավորմամբ ստեղծված «Պատիվ ունեմ» դաշինքի լուծարման մասին է հայտնել: Հիշեցնենք՝ այս դաշինքը ստեղծվել էր շուրջ մեկ տարի առաջ՝ 2021 թվականի արտահերթ խորհրդարանական ընտրություններին մասնակցելու նպատակով:

Մանդատից հրաժարվելու որոշման ֆոնին հիշարժան է դառնում այն արձանագրումը, որ Վանեցյանը «Դիմադրություն» շարժման հետ վերջին շրջանում չէր մասնակցում բողոքի գործողություններին: ԱԱԾ նախկին տնօրենը շեշտել է, որ իր պայքարը շարունակվում է, թե ինչ ձևաչափով՝ մանրամասներ չի հայտնել: Հայտարարությունում որևէ կերպ անդրադարձ չկա նաև հարցին՝ արդյո՞ք Փաշինյանին իշխանությունից հեռացնելու պայքարը շարունակելու է Սերժ Սարգսյանի ու Ռոբերտ Քոչարյանի ղեկավարած թիմերի հետ, թե՞ առանձին: Վանեցյանն այսօր հրաժարվեց Factor TV-ի հարցերին պատասխանել՝ նշելով, որ կխոսի առաջիկայում:

Չնայած Վանեցյանն իր գործողությունների պլանն առայժմ չի գաղտնազերծում, այնուհանդերձ, իշխանափոխության պայքարը սկսելու առաջին օրերին հայտարարել էր․ «Մինչև Փաշինյանը չհեռանա, տուն չեմ գնալու»։

Վանեցյանը կշարունակի՞ այս տրամաբանությամբ պայքարը՝ անհայտ է: Բայց ակնհայտ է մեկ բան․ քաղաքագետ Անդրիաս Ղուկասյանի խոսքով՝ ՀՀԿ-ն խորհրդարանում ինքնուրույն խմբակցություն դարձավ:

Քաղաքագետը նշում է՝ Վանեցյանը մանդատը վայր դնելով և «Պատիվ ունեմ» դաշինքի գործունեության դադարեցման մասին տեղեկացնելով՝ նաև արձանագրում է «Դիմադրություն» շարժումից հեռանալու փաստը:

20 տարի ԱԱԾ-ում աշխատած 43-ամյա Վանեցյանի պատգամավորական գործունեությունը տևեց մեկ տարուց էլ պակաս: Նա այդպես էլ աչքի չընկավ ակտիվ օրենսդրական աշխատանքով:

Ազգային ժողովի նախագահ Ալեն Սիմոնյանը հայտարարություն է տարածել Վանեցյանի՝ մանդատից հրաժարվելու դիմումը ստանալուց մի քանի ժամ հետո: ԱԺ կանոնակարգ սահմանադրական օրենքի համաձայն՝ ԱԺ նախագահի հայտարարությունից հետո յոթ օրվա ընթացքում, եթե Վանեցյանը դիմումը հետ չվերցնի, ապա մեկ շաբաթ անց լիազորությունները կհամարվեն դադարեցված:

«Պատիվ ունեմ» դաշինքի ընտրական ցուցակում հաջորդը գյումրեցի Մարտուն Գրիգորյանն է: Նա այսօր Factor TV-ի հետ զրույցում չի հստակեցրել՝ Վանեցյանի հրաժարականի հաստատումից հետո վերցնելո՞ւ է մանդատը, թե՞ ոչ: Նա մինչ այս պատգամավոր եղել է, սակայն ԲՀԿ-ի ցուցակով:

Մանրամասները՝ տեսանյութում։

Նարեկ Կիրակոսյան

Վանեցյանը հեռանո՞ւմ է Սերժ Սարգսյանից. «Պատիվ ունեմ»-ը գոյատևեց մեկ տարի․ ՏԵՍԱՆՅՈւԹ

«Այս իշխանությունների օրոք Ազգային ժողով չեմ վերադառնալու»,- այս հայտարարությունից շուրջ 20 օր անց Արթուր Վանեցյանը հայտնեց պատգամավորական մանդատից հրաժարվելու մասին։ Նիկոլ Փաշինյանին իշխանությունից հեռացնելու պահանջով նստացույց սկսելուց երկու ամիս անց «Պատիվ ունեմ» խմբակցության ղեկավարը հրաժարական է ներկայացրել խորհրդարանի նախագահին:

Մանդատը վայր դնելու որոշման առնչությամբ այսօր տարածած հայտարարությունում Վանեցյանը կրկին շեշտել է այն միտքը, թե խորհրդարանը չի սպասարկում ժողովրդի շահերը և ինքն այնտեղ անելիք չունի:

Արթուր Վանեցյանը ոչ միայն մանդատը վայր դնելու, այլ նաև Սերժ Սարգսյանի ղեկավարած ՀՀԿ-ի ու իր հիմնադրած «Հայրենիք» կուսակցությունների միավորմամբ ստեղծված «Պատիվ ունեմ» դաշինքի լուծարման մասին է հայտնել: Հիշեցնենք՝ այս դաշինքը ստեղծվել էր շուրջ մեկ տարի առաջ՝ 2021 թվականի արտահերթ խորհրդարանական ընտրություններին մասնակցելու նպատակով:

Մանդատից հրաժարվելու որոշման ֆոնին հիշարժան է դառնում այն արձանագրումը, որ Վանեցյանը «Դիմադրություն» շարժման հետ վերջին շրջանում չէր մասնակցում բողոքի գործողություններին: ԱԱԾ նախկին տնօրենը շեշտել է, որ իր պայքարը շարունակվում է, թե ինչ ձևաչափով՝ մանրամասներ չի հայտնել: Հայտարարությունում որևէ կերպ անդրադարձ չկա նաև հարցին՝ արդյո՞ք Փաշինյանին իշխանությունից հեռացնելու պայքարը շարունակելու է Սերժ Սարգսյանի ու Ռոբերտ Քոչարյանի ղեկավարած թիմերի հետ, թե՞ առանձին: Վանեցյանն այսօր հրաժարվեց Factor TV-ի հարցերին պատասխանել՝ նշելով, որ կխոսի առաջիկայում:

Չնայած Վանեցյանն իր գործողությունների պլանն առայժմ չի գաղտնազերծում, այնուհանդերձ, իշխանափոխության պայքարը սկսելու առաջին օրերին հայտարարել էր․ «Մինչև Փաշինյանը չհեռանա, տուն չեմ գնալու»։

Վանեցյանը կշարունակի՞ այս տրամաբանությամբ պայքարը՝ անհայտ է: Բայց ակնհայտ է մեկ բան․ քաղաքագետ Անդրիաս Ղուկասյանի խոսքով՝ ՀՀԿ-ն խորհրդարանում ինքնուրույն խմբակցություն դարձավ:

Քաղաքագետը նշում է՝ Վանեցյանը մանդատը վայր դնելով և «Պատիվ ունեմ» դաշինքի գործունեության դադարեցման մասին տեղեկացնելով՝ նաև արձանագրում է «Դիմադրություն» շարժումից հեռանալու փաստը:

20 տարի ԱԱԾ-ում աշխատած 43-ամյա Վանեցյանի պատգամավորական գործունեությունը տևեց մեկ տարուց էլ պակաս: Նա այդպես էլ աչքի չընկավ ակտիվ օրենսդրական աշխատանքով:

Ազգային ժողովի նախագահ Ալեն Սիմոնյանը հայտարարություն է տարածել Վանեցյանի՝ մանդատից հրաժարվելու դիմումը ստանալուց մի քանի ժամ հետո: ԱԺ կանոնակարգ սահմանադրական օրենքի համաձայն՝ ԱԺ նախագահի հայտարարությունից հետո յոթ օրվա ընթացքում, եթե Վանեցյանը դիմումը հետ չվերցնի, ապա մեկ շաբաթ անց լիազորությունները կհամարվեն դադարեցված:

«Պատիվ ունեմ» դաշինքի ընտրական ցուցակում հաջորդը գյումրեցի Մարտուն Գրիգորյանն է: Նա այսօր Factor TV-ի հետ զրույցում չի հստակեցրել՝ Վանեցյանի հրաժարականի հաստատումից հետո վերցնելո՞ւ է մանդատը, թե՞ ոչ: Նա մինչ այս պատգամավոր եղել է, սակայն ԲՀԿ-ի ցուցակով:

Մանրամասները՝ տեսանյութում։

Նարեկ Կիրակոսյան