Karevorinfo  Իրադարձություններ  174

«Պանդորայի փաստաթղթերի» տվյալները դեռ մեկ տասնամյակ կօգտագործվեն, տվյալներ կան նաև հայ պաշտոնյաների մասին․ Դրյու Սալիվան

«Պանդորայի փաստաթղթերի» տվյալները դեռ մեկ տասնամյակ կօգտագործվեն, տվյալներ կան նաև հայ պաշտոնյաների մասին․ Դրյու Սալիվան

«Պանդորայի փաստաթղթերի» տվյալները դեռ մեկ տասնամյակ կօգտագործվեն, տվյալներ կան նաև հայ պաշտոնյաների մասին․ Դրյու Սալիվան
20:00 չորեքշաբթի, 06 հոկտեմբերի, 2021 թ.
«Պանդորայի փաստաթղթերի» տվյալները դեռ մեկ տասնամյակ կօգտագործվեն, տվյալներ կան նաև հայ պաշտոնյաների մասին․ Դրյու Սալիվան

Շատ երկրներում կոռուպցիայի մասին իրազեկվածությունը բարձրանում է օֆշորային արդյունաբերության հայտնաբերման հետևանքով: Factor.am-ի հետ զրույցում նման կարծիք հայտնեց Կազմակերպված հանցավորությունը և կոռուպցիան լուսաբանող ծրագրի (Organized Crime and Corruption Reporting Program) հիմնադիր, խմբագիր Դրյու Սալիվանը՝ խոսելով վերջերս հանրությանը ներկայացված պատմության ամենախոշոր ֆինանսական տվյալների՝ «Պանդորայի փաստաթղթերի» մասին։ Ի դեպ, նրա հիմնադրած կազմակերպության լրագրողները ևս մասնակցել են աշխարհի առաջնորդների «գաղտնի ունեցվածքների» բացահայտումներին։

«Կարծում եմ, որ ավելի ժողովրդավար երկրներում կառավարություններն ավելի շատ օրենքներ կընդունեն, որոնք նախատեսված կլինեն օֆշորային արդյունաբերությունը սահմանափակելու և կարգավորելու համար: Ժողովրդավարական երկրներում նրանք, ում անունները տրվել են, կառերեսվեն հետաքննությունների հետ: Իսկ կոռումպացված երկրներում կառավարությունները քիչ բան կանեն: Թաքնված փողը թաքնված ուժ է»,- ասաց նա։

Հիշեցնենք, որ վերջին օրերին միջազգային մամուլը ցնցվել է «Պանդորայի փաստաթղթեր» անունը կրող ֆինանսական լայնածավալ հավաքածուի արտահոսքի հետևանքով, որը բացահայտում է աշխարհի քաղաքական գործիչների, պաշտոնյաների և նրանց շրջապատի գաղտնի ակտիվները։

Այն հրապարակվել էր Վաշինգտոնում տեղակայված Հետաքննող լրագրողների միջազգային կոնսորցիումի (ICIJ) միջոցով: ICIJ-ի՝ նախկինում հրապարակած մյուս թղթապանակների համեմատությամբ՝ «Պանդորայի փաստաթղթերը» պարունակում է ամենամեծ ծավալի արտահոսքը։ Այն վերաբերում է 35 գործող և նախկին առաջնորդների, ավելի քան 330 քաղաքական գործիչների և պաշտոնյաների 91 երկրներից ու տարածքներից: Նախագծի վրա աշխատել են 650 լրագրողներ ողջ աշխարհից: Բացահայտումները վերաբերել են նաև ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի գաղտնի ունեցվածքին։

Դրյու Սալիվանի կարծիքով՝ երկրներն այժմ հասկանում են, որ ֆինանսական նման զեղծարարություններն ազգային անվտանգության խնդիր են:

«Նրանք, ովքեր չեն ցանկանում, որ օտարերկրյա փողերը խառնվեն իրենց կառավարություններին և ընտրություններին, կընդունեն նոր օրենքներ, որոնք կսահմանափակեն կեղտոտ փողերի ստեղծումը»,- ասաց նա։

Հարցին՝ արդյո՞ք սպասվող նոր հրապարակումներն ավելի ցնցող են լինելու արդեն հրապարակվածներից, հետաքննող լրագրողը պատասխանեց, որ դեռ շատ ավելի լավ պատմություններ են սպասվում։

«Մոտ երկու շաբաթվա պատմություններ ունենք ծրագրած: Մենք ժամանակին պարզապես ունեցանք «Պանամական փաստաթղթերի» պատմությունը, և այդ տվյալները հրապարակվեցին հինգ տարի առաջ: Այս տվյալները կօգտագործվեն մեկ տասնամյակ, քանի որ այնքան շատ տեղեկություններ կան, որ դեռ պետք է պարզենք, թե ինչ են դրանք նշանակում»,- ասաց նա։

Դրյու Սալիվանը նաև նշեց, որ փաստաթղթերում կան տվյալներ հայ պաշտոնյաների մասին, որոնց վերաբերյալ հրապարակումներ առաջիկայում կլինեն։

«Այնպես որ՝ հետևեք մեզ»,- եզրափակեց նա։

Հռիփսիմե Հովհաննիսյան

«Պանդորայի փաստաթղթերի» տվյալները դեռ մեկ տասնամյակ կօգտագործվեն, տվյալներ կան նաև հայ պաշտոնյաների մասին․ Դրյու Սալիվան

Շատ երկրներում կոռուպցիայի մասին իրազեկվածությունը բարձրանում է օֆշորային արդյունաբերության հայտնաբերման հետևանքով: Factor.am-ի հետ զրույցում նման կարծիք հայտնեց Կազմակերպված հանցավորությունը և կոռուպցիան լուսաբանող ծրագրի (Organized Crime and Corruption Reporting Program) հիմնադիր, խմբագիր Դրյու Սալիվանը՝ խոսելով վերջերս հանրությանը ներկայացված պատմության ամենախոշոր ֆինանսական տվյալների՝ «Պանդորայի փաստաթղթերի» մասին։ Ի դեպ, նրա հիմնադրած կազմակերպության լրագրողները ևս մասնակցել են աշխարհի առաջնորդների «գաղտնի ունեցվածքների» բացահայտումներին։

«Կարծում եմ, որ ավելի ժողովրդավար երկրներում կառավարություններն ավելի շատ օրենքներ կընդունեն, որոնք նախատեսված կլինեն օֆշորային արդյունաբերությունը սահմանափակելու և կարգավորելու համար: Ժողովրդավարական երկրներում նրանք, ում անունները տրվել են, կառերեսվեն հետաքննությունների հետ: Իսկ կոռումպացված երկրներում կառավարությունները քիչ բան կանեն: Թաքնված փողը թաքնված ուժ է»,- ասաց նա։

Հիշեցնենք, որ վերջին օրերին միջազգային մամուլը ցնցվել է «Պանդորայի փաստաթղթեր» անունը կրող ֆինանսական լայնածավալ հավաքածուի արտահոսքի հետևանքով, որը բացահայտում է աշխարհի քաղաքական գործիչների, պաշտոնյաների և նրանց շրջապատի գաղտնի ակտիվները։

Այն հրապարակվել էր Վաշինգտոնում տեղակայված Հետաքննող լրագրողների միջազգային կոնսորցիումի (ICIJ) միջոցով: ICIJ-ի՝ նախկինում հրապարակած մյուս թղթապանակների համեմատությամբ՝ «Պանդորայի փաստաթղթերը» պարունակում է ամենամեծ ծավալի արտահոսքը։ Այն վերաբերում է 35 գործող և նախկին առաջնորդների, ավելի քան 330 քաղաքական գործիչների և պաշտոնյաների 91 երկրներից ու տարածքներից: Նախագծի վրա աշխատել են 650 լրագրողներ ողջ աշխարհից: Բացահայտումները վերաբերել են նաև ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի գաղտնի ունեցվածքին։

Դրյու Սալիվանի կարծիքով՝ երկրներն այժմ հասկանում են, որ ֆինանսական նման զեղծարարություններն ազգային անվտանգության խնդիր են:

«Նրանք, ովքեր չեն ցանկանում, որ օտարերկրյա փողերը խառնվեն իրենց կառավարություններին և ընտրություններին, կընդունեն նոր օրենքներ, որոնք կսահմանափակեն կեղտոտ փողերի ստեղծումը»,- ասաց նա։

Հարցին՝ արդյո՞ք սպասվող նոր հրապարակումներն ավելի ցնցող են լինելու արդեն հրապարակվածներից, հետաքննող լրագրողը պատասխանեց, որ դեռ շատ ավելի լավ պատմություններ են սպասվում։

«Մոտ երկու շաբաթվա պատմություններ ունենք ծրագրած: Մենք ժամանակին պարզապես ունեցանք «Պանամական փաստաթղթերի» պատմությունը, և այդ տվյալները հրապարակվեցին հինգ տարի առաջ: Այս տվյալները կօգտագործվեն մեկ տասնամյակ, քանի որ այնքան շատ տեղեկություններ կան, որ դեռ պետք է պարզենք, թե ինչ են դրանք նշանակում»,- ասաց նա։

Դրյու Սալիվանը նաև նշեց, որ փաստաթղթերում կան տվյալներ հայ պաշտոնյաների մասին, որոնց վերաբերյալ հրապարակումներ առաջիկայում կլինեն։

«Այնպես որ՝ հետևեք մեզ»,- եզրափակեց նա։

Հռիփսիմե Հովհաննիսյան