Karevorinfo  Իրադարձություններ  275

Սոցփաթեթի ծախսման ուղղությունները կընդլայնվեն․ շահառուները կօգտվեն լողավազաններից, կմարեն ուսանողական վարկը

Սոցփաթեթի ծախսման ուղղությունները կընդլայնվեն․ շահառուները կօգտվեն լողավազաններից, կմարեն ուսանողական վարկը

Սոցփաթեթի ծախսման ուղղությունները կընդլայնվեն․ շահառուները կօգտվեն լողավազաններից, կմարեն ուսանողական վարկը
12:00 չորեքշաբթի, 06 հոկտեմբերի, 2021 թ.
Սոցփաթեթի ծախսման ուղղությունները կընդլայնվեն․ շահառուները կօգտվեն լողավազաններից, կմարեն ուսանողական վարկը

ԱԺ- ն երկրորդ ընթերցմամբ և ամբողջությամբ ընդունեց Կառավարության ներկայացրած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքում փոփոխություն և լրացում կատարելու մասին նախագիծը։

Նախագծի ընդունմամբ՝ պետական պաշտոն և պետական ծառայության պաշտոն զբաղեցնող անձանց տրամադրվող սոցփաթեթի ծառայությունների շրջանակը կընդլայնվի:

Այսպիսով՝ պետական աշխատողները սոցփաթեթի գումարը կկարողանան ծախսել նաև մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից օգտվելու համար սահմանված վճարի և պետական սուբսիդավորմամբ ուսանողական վարկերի մարման վրա։

Մինչ այժմ սոցփաթեթի ծախսման ուղղություններն են եղել հանգստի ապահովում, հիփոթեքային վարկի մարում, ուսման վճար, առողջապահական ծառայություններ։

Նախագծի հեղինակներն ընդգծեցին, որ սա չի ենթադրում լրացուցիչ գումարների հատկացում, այսինքն՝ պետական բյուջեում փոփոխություններ այս նախգծով տեղի չեն ունենալու: Փոխարենը՝ արդեն հատկացված գումարների ծախսման ուղղություններն են ավելանում:

Սոցփաթեթի շահառուներն են պետական համակարգի աշխատողները՝ սկսած առաջատար մասնագետներից, մինչև բաժնի պետեր, վարչության ղեկավարներ և այլն:
Այն չի վերաբերելու քաղաքական պաշտոններ զբաղեցնող անձանց, այսինքն՝ փոխնախարարներին, նախարարներին,պատգամավորներին, վարչապետին և այլն:

ՀՀ աշխատանքի և սոցիալական հարցերի փոխնախարար Ռուբեն Սարգսյանը հայտնեց, որ առաջինից երկրորդ ընթերցմամբ քննարկման ընթացքում նախագծում կատարվել է խմբագրական փոփոխություն: «Հայաստան» խմբակցության կողմից արվել են առաջարկներ, որոնք, սակայն, չեն ընդունվել: «Մեր մոտեցմամբ՝ դրանք հակասում են սոցիալական փաթեթի գաղափարին»,- նշեց փոխնախարարը:

«Հայաստան» խմբակցության պատգամավոր Թադևոս Ավետիսյանը հակադարձեց․ «Մեր առաջարկները սոցիալական փաթեթին ավելի համապատասխան են, քան ձեր բերած առաջարկները»։

«Հայաստան» խմբակցությունն առաջարկել էր սոցփաթեթի գումարի ծախսման ևս 3 ուղղություն ավելացնել, որոնցից են սպառողական վարկերի մարումն ու տան վարձավճարի մարումը։

«Քաղաքացիական պայմանագիր» խմբակցության պատգամավոր Բաբկեն Թունյանի կարծիքով՝ սպառողական վարկերի մարումը փոխհատուցելու առաջարկը համարեց ծայրահեղ անթույլատրելի: «Պետությունը մարդուն գումար է տրամադրում, որ նա կարողանա դրանով հանգստանալ, առողջություն վերականգնել, մենք ասենք՝ կարող ես գնալ քո համար հեռախոս գնել և դրա տոկոսը փակե՞լ»,- նշեց նա:

«Հայաստան» խմբակցությունից Արծվիկ Մինասյանը քվեարկությունից առաջ տեղեկացրեց, որ իրենց խմբակցությունը նախագծին «ձեռնպահ» է քվեարկելու:

Նախագիծը ԱԺ նիստում քվեարկությամբ ստացավ 56 «կողմ», 1 «դեմ», 23 «ձեռնպահ» ձայներ:

 

Անժելա Պողոսյան

Սոցփաթեթի ծախսման ուղղությունները կընդլայնվեն․ շահառուները կօգտվեն լողավազաններից, կմարեն ուսանողական վարկը

ԱԺ- ն երկրորդ ընթերցմամբ և ամբողջությամբ ընդունեց Կառավարության ներկայացրած «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքում փոփոխություն և լրացում կատարելու մասին նախագիծը։

Նախագծի ընդունմամբ՝ պետական պաշտոն և պետական ծառայության պաշտոն զբաղեցնող անձանց տրամադրվող սոցփաթեթի ծառայությունների շրջանակը կընդլայնվի:

Այսպիսով՝ պետական աշխատողները սոցփաթեթի գումարը կկարողանան ծախսել նաև մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից օգտվելու համար սահմանված վճարի և պետական սուբսիդավորմամբ ուսանողական վարկերի մարման վրա։

Մինչ այժմ սոցփաթեթի ծախսման ուղղություններն են եղել հանգստի ապահովում, հիփոթեքային վարկի մարում, ուսման վճար, առողջապահական ծառայություններ։

Նախագծի հեղինակներն ընդգծեցին, որ սա չի ենթադրում լրացուցիչ գումարների հատկացում, այսինքն՝ պետական բյուջեում փոփոխություններ այս նախգծով տեղի չեն ունենալու: Փոխարենը՝ արդեն հատկացված գումարների ծախսման ուղղություններն են ավելանում:

Սոցփաթեթի շահառուներն են պետական համակարգի աշխատողները՝ սկսած առաջատար մասնագետներից, մինչև բաժնի պետեր, վարչության ղեկավարներ և այլն:
Այն չի վերաբերելու քաղաքական պաշտոններ զբաղեցնող անձանց, այսինքն՝ փոխնախարարներին, նախարարներին,պատգամավորներին, վարչապետին և այլն:

ՀՀ աշխատանքի և սոցիալական հարցերի փոխնախարար Ռուբեն Սարգսյանը հայտնեց, որ առաջինից երկրորդ ընթերցմամբ քննարկման ընթացքում նախագծում կատարվել է խմբագրական փոփոխություն: «Հայաստան» խմբակցության կողմից արվել են առաջարկներ, որոնք, սակայն, չեն ընդունվել: «Մեր մոտեցմամբ՝ դրանք հակասում են սոցիալական փաթեթի գաղափարին»,- նշեց փոխնախարարը:

«Հայաստան» խմբակցության պատգամավոր Թադևոս Ավետիսյանը հակադարձեց․ «Մեր առաջարկները սոցիալական փաթեթին ավելի համապատասխան են, քան ձեր բերած առաջարկները»։

«Հայաստան» խմբակցությունն առաջարկել էր սոցփաթեթի գումարի ծախսման ևս 3 ուղղություն ավելացնել, որոնցից են սպառողական վարկերի մարումն ու տան վարձավճարի մարումը։

«Քաղաքացիական պայմանագիր» խմբակցության պատգամավոր Բաբկեն Թունյանի կարծիքով՝ սպառողական վարկերի մարումը փոխհատուցելու առաջարկը համարեց ծայրահեղ անթույլատրելի: «Պետությունը մարդուն գումար է տրամադրում, որ նա կարողանա դրանով հանգստանալ, առողջություն վերականգնել, մենք ասենք՝ կարող ես գնալ քո համար հեռախոս գնել և դրա տոկոսը փակե՞լ»,- նշեց նա:

«Հայաստան» խմբակցությունից Արծվիկ Մինասյանը քվեարկությունից առաջ տեղեկացրեց, որ իրենց խմբակցությունը նախագծին «ձեռնպահ» է քվեարկելու:

Նախագիծը ԱԺ նիստում քվեարկությամբ ստացավ 56 «կողմ», 1 «դեմ», 23 «ձեռնպահ» ձայներ:

 

Անժելա Պողոսյան