Karevorinfo  Իրադարձություններ  121

Անսպասելի «ռեյդ». ինչ էր փնտրում ոստիկանությունը` քաղաքացիներին տեղեկատվական բլոկադայի մեջ պահելով․ ՏԵՍԱՆՅՈւԹ

Անսպասելի «ռեյդ». ինչ էր փնտրում ոստիկանությունը` քաղաքացիներին տեղեկատվական բլոկադայի մեջ պահելով․ ՏԵՍԱՆՅՈւԹ

Անսպասելի «ռեյդ». ինչ էր փնտրում ոստիկանությունը` քաղաքացիներին տեղեկատվական բլոկադայի մեջ պահելով․ ՏԵՍԱՆՅՈւԹ
22:25 հինգշաբթի, 22 հուլիսի, 2021 թ.
Անսպասելի «ռեյդ». ինչ էր փնտրում ոստիկանությունը` քաղաքացիներին տեղեկատվական բլոկադայի մեջ պահելով․ ՏԵՍԱՆՅՈւԹ

Երեկ գիշեր ոստիկանությունը կարմիր բերետավորների ներգրավվմամբ խստացված ստուգումներ է իրականացրել մայրաքաղաքում եւ Երեւան մտնող ավտոճանապարհներին: Մինչեւ կեսգիշերն անց ոստիկանության ծառայողները կանգնեցնում էին ավտոմեքենաները եւ ստուգումներ իրականացնում:

Երեւանի կենտրոնում երթեւեկությունը ժամեր շարունակ կաթվածահար էր եղել: Սակայն, ուշագրավն այն էր, որ իրավապահների գործողությունների վերաբերյալ ոստիկանությունը որեւէ տեղեկություն չէր տարածում:  Պաշտոնական տեղեկությունը եղավ միայն այսօր՝ օրվա երկրորդ կեսին, իսկ մինչ այդ քաղաքացիների շրջանում խուճապ էր:

Պաշտոնական տեղեկատվության բացակայությունը բազմաթիվ վարկածների շրջանառության պատճառ դարձավ. բանը հասավ նրան, որ ապատեղեկատվություն տարածվեց, թե Երեւանում ոստիկանները դիվերսանտների են փնտրում:

«Մեդիատեռոր» ձեւակերպումը շրջանառության մեջ դրած իշխանությունները քաղաքացիներին, փաստորեն, ժամեր շարունակ պահեցին տեղեկատվական բլոկադայի մեջ: Քաղաքացիներին ժամեր շարունակ անհանգստության մեջ պահելը և իրավիճակը պարզաբանող որևէ մեկնաբանություն չներկայացնելը տարօրինակ է իշխանությունների այն պնդումների ֆոնին, որ այս կառավարությունը թափանցիկ է գործում:

Ինֆորմացիայի ազատության կենտրոնի ղեկավար Շուշան Դոյդոյանը խնդրահարույց է համարում ոստիկանության նման գործելակերպը: Դոյդոյանի խոսքով՝ բացի նրանից, որ տեղեկատվության բացակայությունն ապատեղեկատվության տարածման հիմք է դառնում՝ խուճապի առիթ տալով, նաև ոտնահարվում է քաղաքացիների սահմանադրական իրավունքը:
Ոստիկանությունից Երևանի կենտրոնում և հարակից մայուղիներում ավտոմեքենաները կանգնեցնելու, զննության ու խուզարկությունների վերաբերյալ պարզաբանում ներկայացրին միայն 15 ժամ անց: Իրավապահ կառույցից մանրամասնեցին հասարակական կարգի պահպանության, ճանապարհային երթևեկության անվտանգության ապահովման, հանցագործությունների և վարչական իրավախախտումների կանխման ու բացահայտման նպատակով խստացված ծառայություն են իրականացրել:

Կարմիր բերետավորների եւ ոստիկանության մյուս ծառայողների օպերացիայի արդյունքում տարբեր կասկածանքներով ոստիկանության բաժիններ բերման են ենթարկվել 49 անձ, հայտնաբերվել է հրազեն, փամփուշտներ, սառը զենք և մահակներ։ Բացահայտվել է ապօրինի թմրաշրջանառության 4 դեպք:
Իրավապաշտպան Ժաննա Ալեքսանյանն էլ ոստիկանության իրականացրած հատուկ գործողությունը հետպատերազմական սթրեսային իրավիճակում անթույլատրելի է համարում:
Վերջին շրջանում խոսվում է ոստիկանության բերափոխումների մասին: Երեւանում ծառայության են անցել յոթ հարյուրից ավելի պարեկներ: Ժաննա Ալեքսանյանը մատնացույց անելով իրավապահ կառույցի երեկվա գործողությունները՝ պնդում է, որ ոստիկանությունում բարեփոխման մասին խոսք անգամ չի կարող լինել:

Ոստիկանության ուժեղացված ծառայությունը երեկ գիշեր մեկնարկել էր անսպասելի: Դրանից անմիջապես առաջորեւէ աղմկահարույց միջադեպ տեղի չէր ունեցել: Սակայն վերջին օրերում Երևանի կենտրոնում կրակոցներ էին հնչել: Ամենաթարմ դեպքը գործարար, ԱԺ նորընտրի ՔՊ-ական պատգամավոր Խաչատուր Սուքիասյանի եղբոր՝ Ռոբերտ Սուքիասյանի մասնակցությամբ էր: Նա այսօր կալանավորվել է:

Նարեկ Կիրակոսյան

Անսպասելի «ռեյդ». ինչ էր փնտրում ոստիկանությունը` քաղաքացիներին տեղեկատվական բլոկադայի մեջ պահելով․ ՏԵՍԱՆՅՈւԹ

Երեկ գիշեր ոստիկանությունը կարմիր բերետավորների ներգրավվմամբ խստացված ստուգումներ է իրականացրել մայրաքաղաքում եւ Երեւան մտնող ավտոճանապարհներին: Մինչեւ կեսգիշերն անց ոստիկանության ծառայողները կանգնեցնում էին ավտոմեքենաները եւ ստուգումներ իրականացնում:

Երեւանի կենտրոնում երթեւեկությունը ժամեր շարունակ կաթվածահար էր եղել: Սակայն, ուշագրավն այն էր, որ իրավապահների գործողությունների վերաբերյալ ոստիկանությունը որեւէ տեղեկություն չէր տարածում:  Պաշտոնական տեղեկությունը եղավ միայն այսօր՝ օրվա երկրորդ կեսին, իսկ մինչ այդ քաղաքացիների շրջանում խուճապ էր:

Պաշտոնական տեղեկատվության բացակայությունը բազմաթիվ վարկածների շրջանառության պատճառ դարձավ. բանը հասավ նրան, որ ապատեղեկատվություն տարածվեց, թե Երեւանում ոստիկանները դիվերսանտների են փնտրում:

«Մեդիատեռոր» ձեւակերպումը շրջանառության մեջ դրած իշխանությունները քաղաքացիներին, փաստորեն, ժամեր շարունակ պահեցին տեղեկատվական բլոկադայի մեջ: Քաղաքացիներին ժամեր շարունակ անհանգստության մեջ պահելը և իրավիճակը պարզաբանող որևէ մեկնաբանություն չներկայացնելը տարօրինակ է իշխանությունների այն պնդումների ֆոնին, որ այս կառավարությունը թափանցիկ է գործում:

Ինֆորմացիայի ազատության կենտրոնի ղեկավար Շուշան Դոյդոյանը խնդրահարույց է համարում ոստիկանության նման գործելակերպը: Դոյդոյանի խոսքով՝ բացի նրանից, որ տեղեկատվության բացակայությունն ապատեղեկատվության տարածման հիմք է դառնում՝ խուճապի առիթ տալով, նաև ոտնահարվում է քաղաքացիների սահմանադրական իրավունքը:
Ոստիկանությունից Երևանի կենտրոնում և հարակից մայուղիներում ավտոմեքենաները կանգնեցնելու, զննության ու խուզարկությունների վերաբերյալ պարզաբանում ներկայացրին միայն 15 ժամ անց: Իրավապահ կառույցից մանրամասնեցին հասարակական կարգի պահպանության, ճանապարհային երթևեկության անվտանգության ապահովման, հանցագործությունների և վարչական իրավախախտումների կանխման ու բացահայտման նպատակով խստացված ծառայություն են իրականացրել:

Կարմիր բերետավորների եւ ոստիկանության մյուս ծառայողների օպերացիայի արդյունքում տարբեր կասկածանքներով ոստիկանության բաժիններ բերման են ենթարկվել 49 անձ, հայտնաբերվել է հրազեն, փամփուշտներ, սառը զենք և մահակներ։ Բացահայտվել է ապօրինի թմրաշրջանառության 4 դեպք:
Իրավապաշտպան Ժաննա Ալեքսանյանն էլ ոստիկանության իրականացրած հատուկ գործողությունը հետպատերազմական սթրեսային իրավիճակում անթույլատրելի է համարում:
Վերջին շրջանում խոսվում է ոստիկանության բերափոխումների մասին: Երեւանում ծառայության են անցել յոթ հարյուրից ավելի պարեկներ: Ժաննա Ալեքսանյանը մատնացույց անելով իրավապահ կառույցի երեկվա գործողությունները՝ պնդում է, որ ոստիկանությունում բարեփոխման մասին խոսք անգամ չի կարող լինել:

Ոստիկանության ուժեղացված ծառայությունը երեկ գիշեր մեկնարկել էր անսպասելի: Դրանից անմիջապես առաջորեւէ աղմկահարույց միջադեպ տեղի չէր ունեցել: Սակայն վերջին օրերում Երևանի կենտրոնում կրակոցներ էին հնչել: Ամենաթարմ դեպքը գործարար, ԱԺ նորընտրի ՔՊ-ական պատգամավոր Խաչատուր Սուքիասյանի եղբոր՝ Ռոբերտ Սուքիասյանի մասնակցությամբ էր: Նա այսօր կալանավորվել է:

Նարեկ Կիրակոսյան