Karevorinfo  Իրադարձություններ  133

Հայաստանի Պրեմիեր լիգայի նոր մրցաշրջանին կմասնակցի 10 թիմ․ ՀՖՖ

Հայաստանի Պրեմիեր լիգայի նոր մրցաշրջանին կմասնակցի 10 թիմ․ ՀՖՖ

Հայաստանի Պրեմիեր լիգայի նոր մրցաշրջանին կմասնակցի 10 թիմ․ ՀՖՖ
21:30 ուրբաթ, 09 հուլիսի, 2021 թ.
Հայաստանի Պրեմիեր լիգայի նոր մրցաշրջանին կմասնակցի 10 թիմ․ ՀՖՖ

Հուլիսի 9-ին կայացավ ՀՖՖ Գործադիր կոմիտեի հերթական նիստը:  Կայացվեցին մի շարք կարևոր որոշումներ, մասնավորապես, VBET Հայաստանի Պրեմիեր Լիգայի, Առաջին խմբի և VBET Հայաստանի գավաթի խաղարկության մասնակից թիմերի և ՀՖՖ Գործադիր կոմիտեի նոր անդամի հաստատման վերաբերյալ: Այս մասին Factor.am-ը տեղեկանում է ՀՖՖ մամուլի ծառայությունից։

ՀՖՖ Գործադիր կոմիտեի անդամները միաձայն կողմ քվեարկեցին ԲԿՄԱ-ի՝ հաջորդ մրցաշրջանում VBET Հայաստանի Պրեմիեր Լիգայում հանդես գալուն: Հարցի շուրջ դրականորեն էին արտահայտվել նաև VBET Հայաստանի Պրեմիեր Լիգայի մասնակից բոլոր ակումբները: Շատ կարևոր է, որ ԲԿՄԱ-ում հանդես եկող ֆուտբոլիստները, որոնք հիմնականում հանդիսանում են Հայաստանի երիտասարդական և պատանեկան հավաքականների անդամներ, խաղան ավելի բարձր մակարդակի առաջնությունում՝ ավելի ուժեղ թիմերի դեմ, ինչը կնպաստի նրանց որակական աճին:

«Շիրակ» ֆուտբոլային ակումբը նախապես չէր տեղեկացրել ՀՖՖ-ին VBET Հայաստանի Պրեմիեր Լիգայում հանդես չգալու որոշման մասին, ինչի պատճառով ՀՖՖ Պրոֆեսիոնալ ֆուտբոլի մրցումների 2021/2022 մրցաշրջանի կանոնակարգը մշակվել և կազմվել էր 10 թիմերի մասնակցությամբ: Կարևորելով հենց 10 թիմով մրցաշար անցկացնելու հանգամանքը՝ ՀՖՖ Գործադիր կոմիտեին առաջարկվեց հավանություն տալ «Նորավանք» ՖԱ-ի՝ VBET Հայաստանի Պրեմիեր Լիգայի՝ 2021/2022 մրցաշրջանում հանդես գալուն:

Չնայած նրան, որ «Նորավանք» ՖԱ-ն չունի VBET Հայաստանի Պրեմիեր Լիգայում հանդես գալու ազգային արտոնագիր, սակայն առկա են այդ ակումբի մասնակցության նպատակահարմարությունը հաստատող մի շարք հանգամանքներ.

Նախևառաջ, «Նորավանք» ՖԱ-ն չի համապատասխանել VBET Հայաստանի Պրեմիեր Լիգայի մասնակցության իրավունք ունեցող ազգային արտոնագիր ստանալուն ընդամենը մի կետով՝ մանկապատանեկան թիմերի համապատասխան քանակի թիմեր չունենալով: ՀՖՖ մանկապատանեկան մրցաշարերի՝ սեպտեմբերին մեկնարկող նոր մրցաշրջանում «Նորավանք» ՖԱ-ն արդեն կունենա համապատասխան քանակի թիմեր:

Երկրորդ, Հայաստանի ֆուտբոլի ֆեդերացիայի համար շատ կարևոր է, որ «Նորավանք» ՖԱ-ն մարզային թիմ է, հանդես է գալու Վայոց Ձորի մարզում՝ արհեստական խոտածածկով սեփական մարզադաշտում (Վայքում): Ակումբը նաև նախատեսում է վերանորոգել բնական խոտածածկով մարզադաշտը Եղեգնաձորում: Մարզային ֆուտբոլի զարգացումը եղել և շարունակում է մնալ Հայաստանի ֆուտբոլի ֆեդերացիայի առաջնահերթություններից մեկը:

Երրորդ, ՀՖՖ-ի համար շատ կարևոր է ունենալ 10 թիմով առաջնություն, որը կանցկացվի 4 շրջանով և թիմերից որևէ մեկը տուրերից մեկի ընթացքում ազատ չի լինի խաղեր անցկացնելուց:

Հաշվի առնելով այս ամենը՝ ՀՖՖ Գործկոմի անդամները միաձայն կողմ քվեարկեցին «Նորավանք» ՖԱ-ի՝ VBET Հայաստանի Պրեմիեր Լիգայի՝ 2021/2022 մրցաշրջանում հանդես գալուն:

Այսպիսով, VBET Հայաստանի Պրեմիեր Լիգայի՝ 2021/2022 մրցաշրջանին կմասնակցի 10 թիմ՝ «Ալաշկերտ», «Նոա», «Ուրարտու», «Արարատ», «Արարատ-Արմենիա», «Վան» «Փյունիկ» «Սևան», ԲԿՄԱ «Նորավանք»: Մրցաշարը կանցկացվի 4 շրջանով:

Այնուհետև քննարկումներ ծավալվեցին Հայաստանի Առաջին խմբի առաջնության մասնակից թիմերի վերաբերյալ: Հաշվի առնելով այն հանգամանքը, որ ԲԿՄԱ-ն այսուհետ հանդես է գալու VBET Հայաստանի Պրեմիեր Լիգայում, ինչպես նաև 2002- 2003 թթ. ծնված, զորակոչային տարիքի ֆուտբոլիստների համար խաղային պրակտիկա ապահովելու համար ՀՖՖ-ն որոշել է ստեղծել նաև ԲԿՄԱ-2, որը հանդես կգա Առաջին խմբում: Այս թիմի կորիզը կկազմեն Հայաստանի մինչև 19 տարեկանների հավաքականի ֆուտբոլիստները: Թիմը կարող են համալրել նաև Հայաստանի մինչև 18 տարեկանների հավաքականում հանդես եկող, 2004 թվականին ծնված լավագույն ֆուտբոլիստները:

Չնայած Գյումրիի «Շիրակը» ուշացումով էր ՀՖՖ ներկայացրել Հայաստանի Առաջին խմբի առաջնության մասնակցության հավաստագիրը, ՀՖՖ Գործադիր կոմիտեն որոշեց ընդառաջել «Շիրակ» ՖԱ-ին և թույլ տալ մասնակցել Առաջին խմբի առաջնությանը՝ կարևորելով Հայաստանի առաջնություններում Գյումրին ներկայացնող թիմի առկայությունը:

Այսպիսով Հայաստանի Առաջին խմբի առաջնության՝ 2021/2022 մրցաշրջանին կմասնակցեն 7 թիմեր՝ «Լեռնային Արցախ», «Շիրակ», ԲԿՄԱ-2, «Արարատ-Արմենիա-2», «Ուրարտու-2», «Փյունիկ ակադեմիա», «Ալաշկերտ-2»: Մրցաշարը կանցկացվի 5 շրջանով:

Այնուհետև հաստատվեց VBET Հայաստանի Գավաթի խաղարկության մասնակից թիմերի քանակը և ձևաչափը: Մրցաշարին կմասնակցեն 12 թիմեր: «Արարատ-Արմենիան», «Վանը» «Փյունիկը» «Սևանը», ԲԿՄԱ-ն, «Նորավանքը», «Լեռնային Արցախը» և «Շիրակը» պայքարը կսկսեն 1/8 եզրափակչից: Քառորդ եզրափակիչ դուրս եկած 4 թիմերին կմիանան VBET Հայաստանի Պրեմիեր Լիգայի նախորդ մրցաշրջանում առաջին 4 տեղերը զբաղեցրած թիմերը՝ «Ալաշկերտը», «Նոան», «Ուրարտուն», «Արարատը»:

ՀՖՖ Գործկոմի անդամները միաձայն կողմ քվեարկեցին ՀՖՖ Ֆուտբոլիստների կարգավիճակի և տեղափոխության, ՀՖՖ Ապահովության և անվտանգության, ՀՖՖ Ենթակառուցվածքային և ՀՖՖ Պրոֆեսիոնալ ֆուտբոլի մրցումների անցկացման կանոնակարգերի հաստատմանը: Բոլոր կանոնակարգերն առաջիկայում կհրապարակվեն ՀՖՖ պաշտոնական կայքում:

Այնուհետև քննարկվեց Արմավիրի մարզադպրոցի վերաբերյալ «Սարդարապատ» ՖԱ-ի առաջարկը: Որոշում կայացվեց կազմել պայմանագիր, համաձայն որի մարզադպրոցը 5 տարով վարձակալության կհանձնվի «Սարդարապատ» ՖԱ-ին: Ծրագրում ներկայացված ներդրումները ժամանակին կատարելու դեպքում վարձակալության պայմանագիրը կերկարաձգվի ևս 10 տարով, իսկ ներդրումների բացակայության դեպքում Արմավիրի մարզադպրոցը կրկին կվերադարձվի ՀՖՖ ենթակայության տակ:

Օրակարգի վերջին հարցը վերաբերում էր ՀՖՖ Գործադիր կոմիտեի թափուր տեղի համալրմանը: Գործադիր կոմիտեի անդամներին առաջարկվեց, որպես ՀՖՖ գործկոմի նոր անդամ, հաստատել ՀՀ 7-րդ գումարման Ազգային Ժողովի Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանի թեկնածությունը:

ՀՖՖ նախագահ Արմեն Մելիքբեկյանը շեշտեց, որ վերջին 2 տարիներին Մխիթար Հայրապետյանը մշտապես եղել է հայկական ֆուտբոլի կողքին, օժանդակել տարբեր հարցերով: ՀՖՖ Գործադիր կոմիտեն կողմ քվեարկեց Մխիթար Հայրապետյանի՝ ՀՖՖ Գործադիր կոմիտեի անդամության հաստատմանը:

Հայաստանի Պրեմիեր լիգայի նոր մրցաշրջանին կմասնակցի 10 թիմ․ ՀՖՖ

Հուլիսի 9-ին կայացավ ՀՖՖ Գործադիր կոմիտեի հերթական նիստը:  Կայացվեցին մի շարք կարևոր որոշումներ, մասնավորապես, VBET Հայաստանի Պրեմիեր Լիգայի, Առաջին խմբի և VBET Հայաստանի գավաթի խաղարկության մասնակից թիմերի և ՀՖՖ Գործադիր կոմիտեի նոր անդամի հաստատման վերաբերյալ: Այս մասին Factor.am-ը տեղեկանում է ՀՖՖ մամուլի ծառայությունից։

ՀՖՖ Գործադիր կոմիտեի անդամները միաձայն կողմ քվեարկեցին ԲԿՄԱ-ի՝ հաջորդ մրցաշրջանում VBET Հայաստանի Պրեմիեր Լիգայում հանդես գալուն: Հարցի շուրջ դրականորեն էին արտահայտվել նաև VBET Հայաստանի Պրեմիեր Լիգայի մասնակից բոլոր ակումբները: Շատ կարևոր է, որ ԲԿՄԱ-ում հանդես եկող ֆուտբոլիստները, որոնք հիմնականում հանդիսանում են Հայաստանի երիտասարդական և պատանեկան հավաքականների անդամներ, խաղան ավելի բարձր մակարդակի առաջնությունում՝ ավելի ուժեղ թիմերի դեմ, ինչը կնպաստի նրանց որակական աճին:

«Շիրակ» ֆուտբոլային ակումբը նախապես չէր տեղեկացրել ՀՖՖ-ին VBET Հայաստանի Պրեմիեր Լիգայում հանդես չգալու որոշման մասին, ինչի պատճառով ՀՖՖ Պրոֆեսիոնալ ֆուտբոլի մրցումների 2021/2022 մրցաշրջանի կանոնակարգը մշակվել և կազմվել էր 10 թիմերի մասնակցությամբ: Կարևորելով հենց 10 թիմով մրցաշար անցկացնելու հանգամանքը՝ ՀՖՖ Գործադիր կոմիտեին առաջարկվեց հավանություն տալ «Նորավանք» ՖԱ-ի՝ VBET Հայաստանի Պրեմիեր Լիգայի՝ 2021/2022 մրցաշրջանում հանդես գալուն:

Չնայած նրան, որ «Նորավանք» ՖԱ-ն չունի VBET Հայաստանի Պրեմիեր Լիգայում հանդես գալու ազգային արտոնագիր, սակայն առկա են այդ ակումբի մասնակցության նպատակահարմարությունը հաստատող մի շարք հանգամանքներ.

Նախևառաջ, «Նորավանք» ՖԱ-ն չի համապատասխանել VBET Հայաստանի Պրեմիեր Լիգայի մասնակցության իրավունք ունեցող ազգային արտոնագիր ստանալուն ընդամենը մի կետով՝ մանկապատանեկան թիմերի համապատասխան քանակի թիմեր չունենալով: ՀՖՖ մանկապատանեկան մրցաշարերի՝ սեպտեմբերին մեկնարկող նոր մրցաշրջանում «Նորավանք» ՖԱ-ն արդեն կունենա համապատասխան քանակի թիմեր:

Երկրորդ, Հայաստանի ֆուտբոլի ֆեդերացիայի համար շատ կարևոր է, որ «Նորավանք» ՖԱ-ն մարզային թիմ է, հանդես է գալու Վայոց Ձորի մարզում՝ արհեստական խոտածածկով սեփական մարզադաշտում (Վայքում): Ակումբը նաև նախատեսում է վերանորոգել բնական խոտածածկով մարզադաշտը Եղեգնաձորում: Մարզային ֆուտբոլի զարգացումը եղել և շարունակում է մնալ Հայաստանի ֆուտբոլի ֆեդերացիայի առաջնահերթություններից մեկը:

Երրորդ, ՀՖՖ-ի համար շատ կարևոր է ունենալ 10 թիմով առաջնություն, որը կանցկացվի 4 շրջանով և թիմերից որևէ մեկը տուրերից մեկի ընթացքում ազատ չի լինի խաղեր անցկացնելուց:

Հաշվի առնելով այս ամենը՝ ՀՖՖ Գործկոմի անդամները միաձայն կողմ քվեարկեցին «Նորավանք» ՖԱ-ի՝ VBET Հայաստանի Պրեմիեր Լիգայի՝ 2021/2022 մրցաշրջանում հանդես գալուն:

Այսպիսով, VBET Հայաստանի Պրեմիեր Լիգայի՝ 2021/2022 մրցաշրջանին կմասնակցի 10 թիմ՝ «Ալաշկերտ», «Նոա», «Ուրարտու», «Արարատ», «Արարատ-Արմենիա», «Վան» «Փյունիկ» «Սևան», ԲԿՄԱ «Նորավանք»: Մրցաշարը կանցկացվի 4 շրջանով:

Այնուհետև քննարկումներ ծավալվեցին Հայաստանի Առաջին խմբի առաջնության մասնակից թիմերի վերաբերյալ: Հաշվի առնելով այն հանգամանքը, որ ԲԿՄԱ-ն այսուհետ հանդես է գալու VBET Հայաստանի Պրեմիեր Լիգայում, ինչպես նաև 2002- 2003 թթ. ծնված, զորակոչային տարիքի ֆուտբոլիստների համար խաղային պրակտիկա ապահովելու համար ՀՖՖ-ն որոշել է ստեղծել նաև ԲԿՄԱ-2, որը հանդես կգա Առաջին խմբում: Այս թիմի կորիզը կկազմեն Հայաստանի մինչև 19 տարեկանների հավաքականի ֆուտբոլիստները: Թիմը կարող են համալրել նաև Հայաստանի մինչև 18 տարեկանների հավաքականում հանդես եկող, 2004 թվականին ծնված լավագույն ֆուտբոլիստները:

Չնայած Գյումրիի «Շիրակը» ուշացումով էր ՀՖՖ ներկայացրել Հայաստանի Առաջին խմբի առաջնության մասնակցության հավաստագիրը, ՀՖՖ Գործադիր կոմիտեն որոշեց ընդառաջել «Շիրակ» ՖԱ-ին և թույլ տալ մասնակցել Առաջին խմբի առաջնությանը՝ կարևորելով Հայաստանի առաջնություններում Գյումրին ներկայացնող թիմի առկայությունը:

Այսպիսով Հայաստանի Առաջին խմբի առաջնության՝ 2021/2022 մրցաշրջանին կմասնակցեն 7 թիմեր՝ «Լեռնային Արցախ», «Շիրակ», ԲԿՄԱ-2, «Արարատ-Արմենիա-2», «Ուրարտու-2», «Փյունիկ ակադեմիա», «Ալաշկերտ-2»: Մրցաշարը կանցկացվի 5 շրջանով:

Այնուհետև հաստատվեց VBET Հայաստանի Գավաթի խաղարկության մասնակից թիմերի քանակը և ձևաչափը: Մրցաշարին կմասնակցեն 12 թիմեր: «Արարատ-Արմենիան», «Վանը» «Փյունիկը» «Սևանը», ԲԿՄԱ-ն, «Նորավանքը», «Լեռնային Արցախը» և «Շիրակը» պայքարը կսկսեն 1/8 եզրափակչից: Քառորդ եզրափակիչ դուրս եկած 4 թիմերին կմիանան VBET Հայաստանի Պրեմիեր Լիգայի նախորդ մրցաշրջանում առաջին 4 տեղերը զբաղեցրած թիմերը՝ «Ալաշկերտը», «Նոան», «Ուրարտուն», «Արարատը»:

ՀՖՖ Գործկոմի անդամները միաձայն կողմ քվեարկեցին ՀՖՖ Ֆուտբոլիստների կարգավիճակի և տեղափոխության, ՀՖՖ Ապահովության և անվտանգության, ՀՖՖ Ենթակառուցվածքային և ՀՖՖ Պրոֆեսիոնալ ֆուտբոլի մրցումների անցկացման կանոնակարգերի հաստատմանը: Բոլոր կանոնակարգերն առաջիկայում կհրապարակվեն ՀՖՖ պաշտոնական կայքում:

Այնուհետև քննարկվեց Արմավիրի մարզադպրոցի վերաբերյալ «Սարդարապատ» ՖԱ-ի առաջարկը: Որոշում կայացվեց կազմել պայմանագիր, համաձայն որի մարզադպրոցը 5 տարով վարձակալության կհանձնվի «Սարդարապատ» ՖԱ-ին: Ծրագրում ներկայացված ներդրումները ժամանակին կատարելու դեպքում վարձակալության պայմանագիրը կերկարաձգվի ևս 10 տարով, իսկ ներդրումների բացակայության դեպքում Արմավիրի մարզադպրոցը կրկին կվերադարձվի ՀՖՖ ենթակայության տակ:

Օրակարգի վերջին հարցը վերաբերում էր ՀՖՖ Գործադիր կոմիտեի թափուր տեղի համալրմանը: Գործադիր կոմիտեի անդամներին առաջարկվեց, որպես ՀՖՖ գործկոմի նոր անդամ, հաստատել ՀՀ 7-րդ գումարման Ազգային Ժողովի Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Մխիթար Հայրապետյանի թեկնածությունը:

ՀՖՖ նախագահ Արմեն Մելիքբեկյանը շեշտեց, որ վերջին 2 տարիներին Մխիթար Հայրապետյանը մշտապես եղել է հայկական ֆուտբոլի կողքին, օժանդակել տարբեր հարցերով: ՀՖՖ Գործադիր կոմիտեն կողմ քվեարկեց Մխիթար Հայրապետյանի՝ ՀՖՖ Գործադիր կոմիտեի անդամության հաստատմանը: