Karevorinfo  Իրադարձություններ  170

Քարոզչական գրոհներ Հայաստանի դեմ․ Ադրբեջանը հակահայ բովանդակությամբ նոր տեղեկատվական հարթակներ է ստեղծում

Քարոզչական գրոհներ Հայաստանի դեմ․ Ադրբեջանը հակահայ բովանդակությամբ նոր տեղեկատվական հարթակներ է ստեղծում

Քարոզչական գրոհներ Հայաստանի դեմ․ Ադրբեջանը հակահայ բովանդակությամբ նոր տեղեկատվական հարթակներ է ստեղծում
22:35 երկուշաբթի, 05 հուլիսի, 2021 թ.
Քարոզչական գրոհներ Հայաստանի դեմ․ Ադրբեջանը հակահայ բովանդակությամբ նոր տեղեկատվական հարթակներ է ստեղծում

Արցախյան պատերազմի ավարտից հետո Ադրբեջանը ոչ միայն չի նվազեցրել հայահայկական քարոզչությունն ու տեղեկատվական գրոհները, այլև դրանց պետական մակարդակով նոր թափ է հաղորդում։ Ադրբեջանական պետական գերատեսչությունների կողմից շարունակվում են ստեղծվել հակահայկական քարոզչություն իրականացնող տեղեկատվական տարբեր հարթակներ, որոնք լրացնում են արդեն իսկ գործողների շարքը։

Մասնավորապես, օրերս կայացել է նման մի հարթակի շնորհանդես, որը կոչվում է Karabakh.Center և հասանելի է երեք լեզվով՝ ադբեջաներեն, անգլերեն ու ռուսերեն։ Միջոցառմանը մասնակցել են Ադրբեջանի նախագահի օգնական Հիքմեթ Հաջիևը, պաշտոնատար այլ անձինք, ինչպես նաև, այսպես ասած, «Ղարաբաղի վերածննդի» հիմնադրամի խորհրդի նախագահ Ռահման Հաջիևը։ Այս հարթակը ստեղծվել է աշխարհին Արցախն «ադրբեջանական» ներկայացնելու և հակահայական բովանդակությամբ նյութեր տարածելու համար։

Ռահման Հաջիևը հայտարարել է, որ տեղեկատվական այս հարթակը ստեղծվել է «հայ-ադրբեջանական հակամարտության պատճառների և հայկական ագրեսիայի հետևանքների վերաբերյալ օբյեկտիվ տեղեկատվությունը համակարգելու և դրանք հասարակության լայն զանգվածներին հասցնելու նպատակով»։

Բացի այդ, նա նշել է, որ, իբր, վնասված ու ոչնչացված օբյեկտների ավելի քան 10․000 լուսանկարներ ու տեսանյութեր են տեղադրված կայքի «Ուրբիցիդ» բաժնում։  «Հակամարտություն» և «Հանցագործություն» բաժիններում ներկայացվում են «պատմական փաստաթղթեր ու վերլուծական նյութեր»։ Կա նաև «Գրադարան» բաժին, որտեղ տեղադրվելու են «տարբեր գրքեր, արխիվային փաստաթղթեր, հաշվետվություններ»։

Հակահայ բովանդակությամբ նյութեր տարածելուն միտված նորաստեղծ այս հարթակը էջեր ունի նաև Ֆեյսբուք, Թվիթեր, Ինստագրամ սոցիալական ցանցերում։

Ի դեպ, Ադրբեջանի էկոնոմիկայի նախարար Միքայիլ Ջաբբարովը միջոցառման ընթացքում ունեցած ելություն նշել է, որ Karabakh.Center հարթակը ստեղծվել է Ադրբեջանի առաջին փոխնախագահ ու առաջին տիկին Մեհրիբան Ալիևայի նախաձեռնությամբ։

Հակահայկական բովանդակությամբ մեկ այլ հարթակ էլ Ադրբեջանում գործարկել են YouTube-ում, որը կոչվում է VMedia։ Այստեղ դեռևս մի քանի տեսանյութ է հրապարակվել,  ալիքը հետևորդների մեծ թիվ չունի։ Հեղինակները նշում են, որ  ծրագրի հիմնական նպատակն է «Հայաստանում ստեղծված ֆեյքերի, հատկապես, պատմական ֆեյքերի բացահայտումը, և ձգտումը՝ ցույց տալ, թե ինչով են դրանք վտանգավոր առանձին պետության զարգացման ու անվտանգության, նաև ամբողջ տարածաշրջանի համար»։

Նշենք, որ նման հարթակներից զատ՝ պատերազմից հետո ադրբեջանական կողմը սոցիալական ցանցերում տարբեր էջեր է ստեղծում, որով փորձում է և՛ իր համար ցանկալի տեղեկություններ տարածել, և՛ հայ հասարակության վրա որոշակի հոգեբանական ազդեցություն գործել։

Մասնավորապես, այս տարի հունվարին ստեղծվել են «Khankendi city» թվիթերյան, իսկ ավելի վաղ՝ ֆեյսբուքյան էջերը, որոնք նաև հայերեն գրառումներով են   ադրբեջանական քարոզչական հայտնի թեզերը տարածում։

Նմանատիպ նպատակով են այս տարեսկզբին ստեղծվել նաև թվիթերյան «Kelbecer/Kalbacar», «Shusha», «Azerbaijanis of Armenia», «Azerbaijani Refugees of Armenia» և նմանատիպ այլ էջեր։

Էմմա Չոբանյան

Քարոզչական գրոհներ Հայաստանի դեմ․ Ադրբեջանը հակահայ բովանդակությամբ նոր տեղեկատվական հարթակներ է ստեղծում

Արցախյան պատերազմի ավարտից հետո Ադրբեջանը ոչ միայն չի նվազեցրել հայահայկական քարոզչությունն ու տեղեկատվական գրոհները, այլև դրանց պետական մակարդակով նոր թափ է հաղորդում։ Ադրբեջանական պետական գերատեսչությունների կողմից շարունակվում են ստեղծվել հակահայկական քարոզչություն իրականացնող տեղեկատվական տարբեր հարթակներ, որոնք լրացնում են արդեն իսկ գործողների շարքը։

Մասնավորապես, օրերս կայացել է նման մի հարթակի շնորհանդես, որը կոչվում է Karabakh.Center և հասանելի է երեք լեզվով՝ ադբեջաներեն, անգլերեն ու ռուսերեն։ Միջոցառմանը մասնակցել են Ադրբեջանի նախագահի օգնական Հիքմեթ Հաջիևը, պաշտոնատար այլ անձինք, ինչպես նաև, այսպես ասած, «Ղարաբաղի վերածննդի» հիմնադրամի խորհրդի նախագահ Ռահման Հաջիևը։ Այս հարթակը ստեղծվել է աշխարհին Արցախն «ադրբեջանական» ներկայացնելու և հակահայական բովանդակությամբ նյութեր տարածելու համար։

Ռահման Հաջիևը հայտարարել է, որ տեղեկատվական այս հարթակը ստեղծվել է «հայ-ադրբեջանական հակամարտության պատճառների և հայկական ագրեսիայի հետևանքների վերաբերյալ օբյեկտիվ տեղեկատվությունը համակարգելու և դրանք հասարակության լայն զանգվածներին հասցնելու նպատակով»։

Բացի այդ, նա նշել է, որ, իբր, վնասված ու ոչնչացված օբյեկտների ավելի քան 10․000 լուսանկարներ ու տեսանյութեր են տեղադրված կայքի «Ուրբիցիդ» բաժնում։  «Հակամարտություն» և «Հանցագործություն» բաժիններում ներկայացվում են «պատմական փաստաթղթեր ու վերլուծական նյութեր»։ Կա նաև «Գրադարան» բաժին, որտեղ տեղադրվելու են «տարբեր գրքեր, արխիվային փաստաթղթեր, հաշվետվություններ»։

Հակահայ բովանդակությամբ նյութեր տարածելուն միտված նորաստեղծ այս հարթակը էջեր ունի նաև Ֆեյսբուք, Թվիթեր, Ինստագրամ սոցիալական ցանցերում։

Ի դեպ, Ադրբեջանի էկոնոմիկայի նախարար Միքայիլ Ջաբբարովը միջոցառման ընթացքում ունեցած ելություն նշել է, որ Karabakh.Center հարթակը ստեղծվել է Ադրբեջանի առաջին փոխնախագահ ու առաջին տիկին Մեհրիբան Ալիևայի նախաձեռնությամբ։

Հակահայկական բովանդակությամբ մեկ այլ հարթակ էլ Ադրբեջանում գործարկել են YouTube-ում, որը կոչվում է VMedia։ Այստեղ դեռևս մի քանի տեսանյութ է հրապարակվել,  ալիքը հետևորդների մեծ թիվ չունի։ Հեղինակները նշում են, որ  ծրագրի հիմնական նպատակն է «Հայաստանում ստեղծված ֆեյքերի, հատկապես, պատմական ֆեյքերի բացահայտումը, և ձգտումը՝ ցույց տալ, թե ինչով են դրանք վտանգավոր առանձին պետության զարգացման ու անվտանգության, նաև ամբողջ տարածաշրջանի համար»։

Նշենք, որ նման հարթակներից զատ՝ պատերազմից հետո ադրբեջանական կողմը սոցիալական ցանցերում տարբեր էջեր է ստեղծում, որով փորձում է և՛ իր համար ցանկալի տեղեկություններ տարածել, և՛ հայ հասարակության վրա որոշակի հոգեբանական ազդեցություն գործել։

Մասնավորապես, այս տարի հունվարին ստեղծվել են «Khankendi city» թվիթերյան, իսկ ավելի վաղ՝ ֆեյսբուքյան էջերը, որոնք նաև հայերեն գրառումներով են   ադրբեջանական քարոզչական հայտնի թեզերը տարածում։

Նմանատիպ նպատակով են այս տարեսկզբին ստեղծվել նաև թվիթերյան «Kelbecer/Kalbacar», «Shusha», «Azerbaijanis of Armenia», «Azerbaijani Refugees of Armenia» և նմանատիպ այլ էջեր։

Էմմա Չոբանյան