Karevorinfo  Իրադարձություններ  129

Բաքուն շիրակցի ևս 13 ռազմագերու նկատմամբ քրեական գործ է հարուցել

Բաքուն շիրակցի ևս 13 ռազմագերու նկատմամբ քրեական գործ է հարուցել

Բաքուն շիրակցի ևս 13 ռազմագերու նկատմամբ քրեական գործ է հարուցել
13:05 երեքշաբթի, 08 հունիսի, 2021 թ.
Բաքուն շիրակցի ևս 13 ռազմագերու նկատմամբ քրեական գործ է հարուցել

Ադրբեջանում ավարտվել է ևս 13 շիրակցի ռազմագերիների նկատմամբ հարուցված քրեական գործերի նախաքննությունը, որոնք, իբր, Ադրբեջանի տարածք են թափանցել ահաբեկչական ու դիվերսիոն գործողությունների նպատակով։ Այս մասին ասվում է Ադրբեջանի Պետական անվտանգության ծառայության և Գլխավոր դատախազության համատեղ հայտարարության մեջ։

Քննությամբ, իբր, պարզվել է, որ 2020 թվականի նոյեմբերի 26-27-ը Հայաստանի մի խումբ քաղաքացիներ անօրինական կերպով հատել են Ադրբեջանի պետական սահմանը և մարտական դիրքեր գրավել Հադրութի հյուսիսարևմտյան մասի անտառային գոտում, ինչպես նաև, իբր, մինչև 2020թ․ դեկտեմբերի 13-ը զինված հարձակումներ են գործել այդտեղ գտնվող հաստատությունների, առանձին մարդկանց վրա՝ հասարակական անվտանգությունը խախտելու և բնակչության շրջանում  խուճապ ստեղծելու համար։ Ըստ հայտարարության՝ խմբի անդամները պայթյուններ են կազմակերպել, հրդեհներ և այլ ահաբեկչական գործողություններ։

Ընդհանուր առմամբ, քրեական գործ է հարուցվել 13 հայ ռազմագերու նկատմամբ, գործի նյութերն ուղարկվել են դատարան։ Ադրբեջանական լրատվամիջոցները հրապարակել են նաև նրանց անունները։

Նշենք, որ ավելի վաղ քրեական գործ էր հարուցվել ևս 14 շիրակցի ռազմագերու նկատմամբ։ Բաքվի ծանր հանցագործությունների դատարանում հունիսի 16-ին տեղի կունենա նրանց նկատմամբ հարուցված քրեական գործի նախապատրաստական նիստը։

Հիշեցնենք՝ Հադրութի Հին Թաղեր ու Խծաբերդ բնակավայրերում դեկտեմբերին, ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները տարբեր քրեական գործեր են հարուցել, որակել են դիվերսանտներ ու հրաժարվում են վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Գերիների վերջին խումբը՝ 3 ռազմագերի, Հայաստան վերադարձավ մայիսի 4-ին։ Նրանցից մեկը Շիրակի մարզից է։ Մյուս գերիները շարունակում են մնալ Ադրբեջանում։

Էմմա Չոբանյան

Բաքուն շիրակցի ևս 13 ռազմագերու նկատմամբ քրեական գործ է հարուցել

Ադրբեջանում ավարտվել է ևս 13 շիրակցի ռազմագերիների նկատմամբ հարուցված քրեական գործերի նախաքննությունը, որոնք, իբր, Ադրբեջանի տարածք են թափանցել ահաբեկչական ու դիվերսիոն գործողությունների նպատակով։ Այս մասին ասվում է Ադրբեջանի Պետական անվտանգության ծառայության և Գլխավոր դատախազության համատեղ հայտարարության մեջ։

Քննությամբ, իբր, պարզվել է, որ 2020 թվականի նոյեմբերի 26-27-ը Հայաստանի մի խումբ քաղաքացիներ անօրինական կերպով հատել են Ադրբեջանի պետական սահմանը և մարտական դիրքեր գրավել Հադրութի հյուսիսարևմտյան մասի անտառային գոտում, ինչպես նաև, իբր, մինչև 2020թ․ դեկտեմբերի 13-ը զինված հարձակումներ են գործել այդտեղ գտնվող հաստատությունների, առանձին մարդկանց վրա՝ հասարակական անվտանգությունը խախտելու և բնակչության շրջանում  խուճապ ստեղծելու համար։ Ըստ հայտարարության՝ խմբի անդամները պայթյուններ են կազմակերպել, հրդեհներ և այլ ահաբեկչական գործողություններ։

Ընդհանուր առմամբ, քրեական գործ է հարուցվել 13 հայ ռազմագերու նկատմամբ, գործի նյութերն ուղարկվել են դատարան։ Ադրբեջանական լրատվամիջոցները հրապարակել են նաև նրանց անունները։

Նշենք, որ ավելի վաղ քրեական գործ էր հարուցվել ևս 14 շիրակցի ռազմագերու նկատմամբ։ Բաքվի ծանր հանցագործությունների դատարանում հունիսի 16-ին տեղի կունենա նրանց նկատմամբ հարուցված քրեական գործի նախապատրաստական նիստը։

Հիշեցնենք՝ Հադրութի Հին Թաղեր ու Խծաբերդ բնակավայրերում դեկտեմբերին, ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները տարբեր քրեական գործեր են հարուցել, որակել են դիվերսանտներ ու հրաժարվում են վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Գերիների վերջին խումբը՝ 3 ռազմագերի, Հայաստան վերադարձավ մայիսի 4-ին։ Նրանցից մեկը Շիրակի մարզից է։ Մյուս գերիները շարունակում են մնալ Ադրբեջանում։

Էմմա Չոբանյան