Karevorinfo  Իրադարձություններ  486

Փաշինյանի հրահանգն ԱԱԾ-ին քաղաքական պատվեր, թե՞ իրավական անհրաժեշտություն. իրավապահների կոշտ քայլերը․ ՏԵՍԱՆՅՈՒԹ

Փաշինյանի հրահանգն ԱԱԾ-ին քաղաքական պատվեր, թե՞ իրավական անհրաժեշտություն. իրավապահների կոշտ քայլերը․ ՏԵՍԱՆՅՈՒԹ

Փաշինյանի հրահանգն ԱԱԾ-ին քաղաքական պատվեր, թե՞ իրավական անհրաժեշտություն. իրավապահների կոշտ քայլերը․ ՏԵՍԱՆՅՈՒԹ
22:05 հինգշաբթի, 22 ապրիլի, 2021 թ.
Փաշինյանի հրահանգն ԱԱԾ-ին քաղաքական պատվեր, թե՞ իրավական անհրաժեշտություն. իրավապահների կոշտ քայլերը․ ՏԵՍԱՆՅՈՒԹ

Կապանում ԱԱԾ տնօրենին և հանրապետության ոստիկանապետին Նիկոլ Փաշինյանի կողմից իջեցված հրահանգից հետո իրավապահները Քննչական կոմիտե են հրավիրել և ձերբակալել Մեղրիի համայնքապետ Մխիթար Զաքարյանին: Քննչական կոմիտե է հրավիրվել նաև Շուռնուխ համայնքի վարչական ղեկավար Հակոբ Արշակյանի եղբայրը՝ Արարատ Արշակյանը:

Քննչական կոմիտեում խուլիգանության և իշխանության ներկայացուցչի նկատմամբ բռնություն գործադրելու հոդվածներով քրեական գործ է հարուցվել: Մխիթար Զաքարյանը ձերբակալվել է այս գործի շրջանակում: Նշենք, որ Զաքարյանը երեկ աշխատանքային ժամին Սյունիքի մարզում ներկա էր վարչապետ Նիկոլ Փաշինյանի դեմ իրականացվող բողոքի ակցիային, որն ուղեկցվում էր հայհոյանքներով ու սպառնալիքներով: Նիկոլ Փաշինյանբ Արմեն Աբազյանին և Վահե Ղազարյանին անձամբ հրահանգ տվեց՝ կտրուկ և հատուկ գործողություններ ձեռնարկել տեղի ունեցածի կապակցությամբ:

Ժամեր անց արդեն ականատես եղանք իրավապահների կոշտ գործողություններին: Այս կադրերում Շուռնուխի վարչական ղեկավարի եղբայրն է: Նրան Քննչական կոմիտե են տարել դիմակավորված իրավապահները՝ ձեռնաշղթաներով: Ֆեյսբուքում հրապարակված տեսանյութից պարզ է դառնում, որ Արշակյանն առողջական խնդիրներ ունի, շտապօգնության անհրաժեշտություն կա:

Արարատ Արշակյանը, ըստ փաստաբանի, բերման է ենթարկվել գիշերը: Գրեթե նույն ժամանակահատվածում բերման է ենթարկվել նաև Գորիսի քաղաքապետի տեղակալ Մենուա Հարությունյանը: Նա ևս ՔԿ-ում է: Ընդդիմադիրներն այսօր հայտարարեցին, որ իրավապահները շուրջ հարյուր սյունեցու են բերման ենթարկել, սակայն Հայաստանի փոխոստիկանապետ Արա Ֆիդանյանը այսօր մեր հարցին ի պատասխան՝ հերքեց այս տեղեկությունը՝ նշելով, որ բերման են ենթարկվել 2-3 հոգի: Փոխոստիկանապետն ասաց՝ նշված անձանց գործողություններում առկա են առերևույթ հանցագործության դեպքեր:

Ոստիկանության ծառայողները երեկ մինչ վարչապետի՝ իրավապահ համակարգի ղեկավարներին տրված հրահանգը որևէ գործողություն չէին ձեռնարկում՝ Ֆիդանյանի նշած առևրևույթ հանցագործության դեպքերը կանխելու համար: Արա Ֆիդանյանից հետաքրքրվեցինք՝ արդյո՞ք այսպիսով Ոստիկանությունը քաղաքական պատվեր չի կատարում:

Իրավապաշտպան Ավետիք Իշխանյանն ասում է՝ երկրի ղեկավարի մակարդակով միշտ է իրավապահներին քաղաքական հրահանգ տրվել, բայց նշում է, որ նման դեպքերը երբեք բացահայտ չեն եղել, ինչպես երեկ Կապանում:

Իրավապաշտպանը սուր քննադատում է Արարատ Արշակյանին այս եղանակով բերման ենթարկելը: Իշխանյանը սա համարում է անձի արժանապատվության ոտնահարում, կարծում է՝ Նիկոլ Փաշինյանն է նման հրահանգ տվել:

«Իմ քայլից» պատգամավոր, Նիկոլ Փաշինյանի աներորդի Հրաչյա Հակոբյանը շեշտում է, որ Սյունիքում ուղղորդված անձինք վիրավորել են Հայաստանի քաղաքացիներին, խուլիգանություն են կատարել, ուստի արդարացված է նրանց ստորացնելով բերման ենթարկելը:

Քննադատություններին ի պատասխան, թե վարչապետն ԱԱԾ-ի ու Ոստիկանության պետերին քաղաքական հրահանգ է տվել, Հրաչյա Հակոբյանը հակառակն է պնդում:

Իրավապաշտպան Ժաննա Ալեքսանյանը Փաշինյանի հանձնարարությունը քաղաքական պատվեր չի համարում: Շեշտում է՝ խուլիգանական դեպքեր են տեղի ունեցել, իսկ Ոստիկանությունն անգործություն է ցուցաբերել:

Ժաննա Ալեքսանյանն այլ խնդիր է բարձրաձայնում․ ըստ նրա՝ Փաշինյանը հայտարարությունից առաջ պետք է երաշխավորեր, որ ոստիկանների գործողությունները բռնի չլինեն:

Ի դեպ, Նիկոլ Փաշինյանի՝ Սյունիք կատարած այցը քննադատել է Լևոն Տեր- Պետրոսյանը՝ այն անվանելով «Փաշինյանի Սյունյաց արշավանք» և նշել, որ ամենանողկալի դրվագը ուշ երեկոյան, առանց թույլտվության, նրա ներխուժումն էր շուռնուխցի մի կնոջ բնակարան: «Ավելի նվաստացուցիչ վիճակում չէի ուզի տեսնել երկրիս վարչապետին, որի պատկերացումը քաղաքացու իրավունքների մասին, ցավոք, չի տարբերվում ճորտատիրոջ պատկերացումից»,- նշել է Տեր-Պետրոսյանը:

Մանրամասները՝ տեսանյութում։

Նարեկ Կիրակոսյան

Փաշինյանի հրահանգն ԱԱԾ-ին քաղաքական պատվեր, թե՞ իրավական անհրաժեշտություն. իրավապահների կոշտ քայլերը․ ՏԵՍԱՆՅՈՒԹ

Կապանում ԱԱԾ տնօրենին և հանրապետության ոստիկանապետին Նիկոլ Փաշինյանի կողմից իջեցված հրահանգից հետո իրավապահները Քննչական կոմիտե են հրավիրել և ձերբակալել Մեղրիի համայնքապետ Մխիթար Զաքարյանին: Քննչական կոմիտե է հրավիրվել նաև Շուռնուխ համայնքի վարչական ղեկավար Հակոբ Արշակյանի եղբայրը՝ Արարատ Արշակյանը:

Քննչական կոմիտեում խուլիգանության և իշխանության ներկայացուցչի նկատմամբ բռնություն գործադրելու հոդվածներով քրեական գործ է հարուցվել: Մխիթար Զաքարյանը ձերբակալվել է այս գործի շրջանակում: Նշենք, որ Զաքարյանը երեկ աշխատանքային ժամին Սյունիքի մարզում ներկա էր վարչապետ Նիկոլ Փաշինյանի դեմ իրականացվող բողոքի ակցիային, որն ուղեկցվում էր հայհոյանքներով ու սպառնալիքներով: Նիկոլ Փաշինյանբ Արմեն Աբազյանին և Վահե Ղազարյանին անձամբ հրահանգ տվեց՝ կտրուկ և հատուկ գործողություններ ձեռնարկել տեղի ունեցածի կապակցությամբ:

Ժամեր անց արդեն ականատես եղանք իրավապահների կոշտ գործողություններին: Այս կադրերում Շուռնուխի վարչական ղեկավարի եղբայրն է: Նրան Քննչական կոմիտե են տարել դիմակավորված իրավապահները՝ ձեռնաշղթաներով: Ֆեյսբուքում հրապարակված տեսանյութից պարզ է դառնում, որ Արշակյանն առողջական խնդիրներ ունի, շտապօգնության անհրաժեշտություն կա:

Արարատ Արշակյանը, ըստ փաստաբանի, բերման է ենթարկվել գիշերը: Գրեթե նույն ժամանակահատվածում բերման է ենթարկվել նաև Գորիսի քաղաքապետի տեղակալ Մենուա Հարությունյանը: Նա ևս ՔԿ-ում է: Ընդդիմադիրներն այսօր հայտարարեցին, որ իրավապահները շուրջ հարյուր սյունեցու են բերման ենթարկել, սակայն Հայաստանի փոխոստիկանապետ Արա Ֆիդանյանը այսօր մեր հարցին ի պատասխան՝ հերքեց այս տեղեկությունը՝ նշելով, որ բերման են ենթարկվել 2-3 հոգի: Փոխոստիկանապետն ասաց՝ նշված անձանց գործողություններում առկա են առերևույթ հանցագործության դեպքեր:

Ոստիկանության ծառայողները երեկ մինչ վարչապետի՝ իրավապահ համակարգի ղեկավարներին տրված հրահանգը որևէ գործողություն չէին ձեռնարկում՝ Ֆիդանյանի նշած առևրևույթ հանցագործության դեպքերը կանխելու համար: Արա Ֆիդանյանից հետաքրքրվեցինք՝ արդյո՞ք այսպիսով Ոստիկանությունը քաղաքական պատվեր չի կատարում:

Իրավապաշտպան Ավետիք Իշխանյանն ասում է՝ երկրի ղեկավարի մակարդակով միշտ է իրավապահներին քաղաքական հրահանգ տրվել, բայց նշում է, որ նման դեպքերը երբեք բացահայտ չեն եղել, ինչպես երեկ Կապանում:

Իրավապաշտպանը սուր քննադատում է Արարատ Արշակյանին այս եղանակով բերման ենթարկելը: Իշխանյանը սա համարում է անձի արժանապատվության ոտնահարում, կարծում է՝ Նիկոլ Փաշինյանն է նման հրահանգ տվել:

«Իմ քայլից» պատգամավոր, Նիկոլ Փաշինյանի աներորդի Հրաչյա Հակոբյանը շեշտում է, որ Սյունիքում ուղղորդված անձինք վիրավորել են Հայաստանի քաղաքացիներին, խուլիգանություն են կատարել, ուստի արդարացված է նրանց ստորացնելով բերման ենթարկելը:

Քննադատություններին ի պատասխան, թե վարչապետն ԱԱԾ-ի ու Ոստիկանության պետերին քաղաքական հրահանգ է տվել, Հրաչյա Հակոբյանը հակառակն է պնդում:

Իրավապաշտպան Ժաննա Ալեքսանյանը Փաշինյանի հանձնարարությունը քաղաքական պատվեր չի համարում: Շեշտում է՝ խուլիգանական դեպքեր են տեղի ունեցել, իսկ Ոստիկանությունն անգործություն է ցուցաբերել:

Ժաննա Ալեքսանյանն այլ խնդիր է բարձրաձայնում․ ըստ նրա՝ Փաշինյանը հայտարարությունից առաջ պետք է երաշխավորեր, որ ոստիկանների գործողությունները բռնի չլինեն:

Ի դեպ, Նիկոլ Փաշինյանի՝ Սյունիք կատարած այցը քննադատել է Լևոն Տեր- Պետրոսյանը՝ այն անվանելով «Փաշինյանի Սյունյաց արշավանք» և նշել, որ ամենանողկալի դրվագը ուշ երեկոյան, առանց թույլտվության, նրա ներխուժումն էր շուռնուխցի մի կնոջ բնակարան: «Ավելի նվաստացուցիչ վիճակում չէի ուզի տեսնել երկրիս վարչապետին, որի պատկերացումը քաղաքացու իրավունքների մասին, ցավոք, չի տարբերվում ճորտատիրոջ պատկերացումից»,- նշել է Տեր-Պետրոսյանը:

Մանրամասները՝ տեսանյութում։

Նարեկ Կիրակոսյան