Karevorinfo  Իրադարձություններ  431

Ռեյտինգային ընտրակարգը՝ չարիք․ «Իմ քայլը» կողմ քվեարկեց փակ համամասնական ընտրակարգին․ ՏԵՍԱՆՅՈՒԹ

Ռեյտինգային ընտրակարգը՝ չարիք․ «Իմ քայլը» կողմ քվեարկեց փակ համամասնական ընտրակարգին․ ՏԵՍԱՆՅՈՒԹ

Ռեյտինգային ընտրակարգը՝ չարիք․ «Իմ քայլը» կողմ քվեարկեց փակ համամասնական ընտրակարգին․ ՏԵՍԱՆՅՈՒԹ
22:15 հինգշաբթի, 01 ապրիլի, 2021 թ.
Ռեյտինգային ընտրակարգը՝ չարիք․ «Իմ քայլը» կողմ քվեարկեց փակ համամասնական ընտրակարգին․ ՏԵՍԱՆՅՈՒԹ

Ազգային ժողովն այսօր միայն իշխանական «Իմ քայլը» խմբակցության պատգամավորների «կողմ» քվեներով ընդունեց Ընտրական օրենսգրքի փոփոխությունների նախագիծը: Իշխանությունն այսօր հրավիրված արտահերթ նիստում փոփոխեց միայն ռեյտինգային համակարգից փակ համամասնական ընտրակարգին անցումը: Խորհրդարանական ուժերից ԲՀԿ-ական պատգամավորներից որևէ մեկը ներկա չէր նիստին: Գագիկ Ծառուկյանի ղեկավարած ուժը հայտարարել է՝ պատրաստ են ընտրությունների ցանկացած օրենսգրքով: Էդմոն Մարուքյանի ղեկավարած «Լուսավոր Հայաստան»-ի պատգամավորները թեև ներկա էին նիստին, բայց քվեարկությանը չմասնակցեցին: Նրանք ընտրություններից առաջ նոր ԸՕ-ի ընդունումը համարում են խաղի կանոնների փոփոխություն:

Իսկ նախագծի քննարկումն ԱԺ-ում անցավ սուր քննադատությունների ուղեկցությամբ: Էդմոն Մարուքյանն իշխանական խմբակցությանը մեղադրեց ստախոսության մեջ։ Նա պնդում է՝ Հայաստանի իշխանությունները Վենետիկի հանձնաժողով են ուղարկել այլ նախագիծ, իսկ արտահերթ նիստի օրակարգ բերել՝  ուրիշ նախագիծ:

Նախագծի հիմնական զեկուցող, «Իմ քայլից» պատգամավոր Վահագն Հովակիմյանը հակադարձեց՝ նշելով, որ այս պահին կատարվող փոփոխություններն առկա են մեծ փաթեթում, որն ուղարկվել է Վենետիկի հանձնաժողով, պարզապես, ըստ նրա, որոշ կարգավորումներ ավելի շուտ են ընդունում:

Մարուքյանն արձանագրեց, որ իշխանությունն առանց ընդդիմադիր ուժերի է ընդունում Ընտրական օրենսգիրքը։ Ըստ ընդդիմադիր պատգամավորի՝ այդպիսով կասկածի տակ է դրվում սպասվող արտահերթ ընտրությունների լեգիտիմությունը:

2018 թվականին ռեյտինգային ընտրակարգով «Իմ քայլից» ընտրվել են Արարատ Միրզոյանը, Ալեն Սիմոնյանը, Սասուն Միքայելյանը, Արայիկ Հարությունյանը, Լենա Նազարյանը և այլ թեկնածուներ, սակայն, այսօր իմքայլականները ռեյտինգային համակարգը որակեցին չարիք և առաջարկեցին րոպե առաջ հրաժարվել այս ընտրակարգից:

Ռեյտինգային ընտրակարգով շուրջ 22 հազար քվե ստացած ԱԺ փոխնախագահ Ալեն Սիմոնյանը չի կիսում ընդդիմադիրների տեսակետը, որ տարածքային ցուցակների պահպանումն ուղիղ կապ ունի ԱԺ-ում մարզերի ներկայացվածության հետ: Սիմոնյանը կարծում է, որ մարզերում կան բդեշխներ, որոնք միջամտում են ընտրական գործընթացին և չեն կարող լինել մարզերի ներկայացուցիչներ: Փաշինյանի թիմակիցը կարդաց նաև Էդմոն Մարուքյանի՝ 2018 թվականի ելույթը ռեյտինգային ընտրակարգին դեմ:

Մարուքյանն իրեն ուղղված այս մեղադրանքերի վերաբերյալ մի քանի անգամ ասել է, որ նման հայտարարություններ անելով ցանկացել են հեղափոխությունը փրկել: Ըստ Մարուքյանի՝ 2018-ի իշխանափոխությունից անմիջապես հետո կառավարման որոշ օղակներում դեռ մերժվածներն էին և կարող էին վերցնել իշխանությունը, ուստի ԼՀԿ-ն այդ շրջանում հայտարարել է, որ դեմ է ռեյտինգայինին:

Իմքայլական պատգամավոր Արուսյակ Ջուլհակյանը ռեյտինգային ընտրակարգը ոչ միայն չարիք է որակում, այլև համարում է «տասովշիկների» ընտրական համակարգ։ Ըստ նրա՝ այս ընտրակարգով խորհրդարան են գալիս անձինք, որոնք ունեն մեծ ազդեցություն, մասնավորապես՝ բիզնես, ֆինանսական ազդեցություն:

Արուսյակ Ջուլհակյանից հետաքրքրվեցինք՝ ինչո՞ւ է ռեյտինգայինը համարում «տասովշիկների» ընտրակարգ, երբ իրենց դաշինքից 44 հոգի պատգամավոր է դարձել այս ընտրակարգով: Իշխանական պատգամավորը շեշտում է՝ այն ժամանակ հեղափոխական իրավիճակ էր, ձայն հավաքող թաղային հեղինակությունները խուսափում էին քվեներ ապահովել:

Էդմոն Մարուքյանի խոսքով՝ այս ԸՕ-ն ոչ թե «տասովշիկների» դեմ պայքարի համար է, այլ սրանով իշխանությունները ժողովրդին զրկում են պատգամավոր ընտրելու իրավունքից: Մարուքյանը սա հիմնավորում է նրանով, որ տարածքային թեկնածուներ չեն լինելու, նրանք գալու են խորհրդարան՝ ըստ կուսակցության որոշած հերթականության:

Իշխանությունից Էդմոն Մարուքյանի հայտարարությունները, թե Փաշինյանն իրեն ենթարկվող խորհրդարանի մոդել է նախագծում, հակադարձում են՝ նշելով, որ Մարուքյանը հայտարարություններ է անում՝ ըստ իր քաղաքական նպատակահարմարության:

Մանրամասները՝ տեսանյութում։

Նարեկ Կիրակոսյան

Ռեյտինգային ընտրակարգը՝ չարիք․ «Իմ քայլը» կողմ քվեարկեց փակ համամասնական ընտրակարգին․ ՏԵՍԱՆՅՈՒԹ

Ազգային ժողովն այսօր միայն իշխանական «Իմ քայլը» խմբակցության պատգամավորների «կողմ» քվեներով ընդունեց Ընտրական օրենսգրքի փոփոխությունների նախագիծը: Իշխանությունն այսօր հրավիրված արտահերթ նիստում փոփոխեց միայն ռեյտինգային համակարգից փակ համամասնական ընտրակարգին անցումը: Խորհրդարանական ուժերից ԲՀԿ-ական պատգամավորներից որևէ մեկը ներկա չէր նիստին: Գագիկ Ծառուկյանի ղեկավարած ուժը հայտարարել է՝ պատրաստ են ընտրությունների ցանկացած օրենսգրքով: Էդմոն Մարուքյանի ղեկավարած «Լուսավոր Հայաստան»-ի պատգամավորները թեև ներկա էին նիստին, բայց քվեարկությանը չմասնակցեցին: Նրանք ընտրություններից առաջ նոր ԸՕ-ի ընդունումը համարում են խաղի կանոնների փոփոխություն:

Իսկ նախագծի քննարկումն ԱԺ-ում անցավ սուր քննադատությունների ուղեկցությամբ: Էդմոն Մարուքյանն իշխանական խմբակցությանը մեղադրեց ստախոսության մեջ։ Նա պնդում է՝ Հայաստանի իշխանությունները Վենետիկի հանձնաժողով են ուղարկել այլ նախագիծ, իսկ արտահերթ նիստի օրակարգ բերել՝  ուրիշ նախագիծ:

Նախագծի հիմնական զեկուցող, «Իմ քայլից» պատգամավոր Վահագն Հովակիմյանը հակադարձեց՝ նշելով, որ այս պահին կատարվող փոփոխություններն առկա են մեծ փաթեթում, որն ուղարկվել է Վենետիկի հանձնաժողով, պարզապես, ըստ նրա, որոշ կարգավորումներ ավելի շուտ են ընդունում:

Մարուքյանն արձանագրեց, որ իշխանությունն առանց ընդդիմադիր ուժերի է ընդունում Ընտրական օրենսգիրքը։ Ըստ ընդդիմադիր պատգամավորի՝ այդպիսով կասկածի տակ է դրվում սպասվող արտահերթ ընտրությունների լեգիտիմությունը:

2018 թվականին ռեյտինգային ընտրակարգով «Իմ քայլից» ընտրվել են Արարատ Միրզոյանը, Ալեն Սիմոնյանը, Սասուն Միքայելյանը, Արայիկ Հարությունյանը, Լենա Նազարյանը և այլ թեկնածուներ, սակայն, այսօր իմքայլականները ռեյտինգային համակարգը որակեցին չարիք և առաջարկեցին րոպե առաջ հրաժարվել այս ընտրակարգից:

Ռեյտինգային ընտրակարգով շուրջ 22 հազար քվե ստացած ԱԺ փոխնախագահ Ալեն Սիմոնյանը չի կիսում ընդդիմադիրների տեսակետը, որ տարածքային ցուցակների պահպանումն ուղիղ կապ ունի ԱԺ-ում մարզերի ներկայացվածության հետ: Սիմոնյանը կարծում է, որ մարզերում կան բդեշխներ, որոնք միջամտում են ընտրական գործընթացին և չեն կարող լինել մարզերի ներկայացուցիչներ: Փաշինյանի թիմակիցը կարդաց նաև Էդմոն Մարուքյանի՝ 2018 թվականի ելույթը ռեյտինգային ընտրակարգին դեմ:

Մարուքյանն իրեն ուղղված այս մեղադրանքերի վերաբերյալ մի քանի անգամ ասել է, որ նման հայտարարություններ անելով ցանկացել են հեղափոխությունը փրկել: Ըստ Մարուքյանի՝ 2018-ի իշխանափոխությունից անմիջապես հետո կառավարման որոշ օղակներում դեռ մերժվածներն էին և կարող էին վերցնել իշխանությունը, ուստի ԼՀԿ-ն այդ շրջանում հայտարարել է, որ դեմ է ռեյտինգայինին:

Իմքայլական պատգամավոր Արուսյակ Ջուլհակյանը ռեյտինգային ընտրակարգը ոչ միայն չարիք է որակում, այլև համարում է «տասովշիկների» ընտրական համակարգ։ Ըստ նրա՝ այս ընտրակարգով խորհրդարան են գալիս անձինք, որոնք ունեն մեծ ազդեցություն, մասնավորապես՝ բիզնես, ֆինանսական ազդեցություն:

Արուսյակ Ջուլհակյանից հետաքրքրվեցինք՝ ինչո՞ւ է ռեյտինգայինը համարում «տասովշիկների» ընտրակարգ, երբ իրենց դաշինքից 44 հոգի պատգամավոր է դարձել այս ընտրակարգով: Իշխանական պատգամավորը շեշտում է՝ այն ժամանակ հեղափոխական իրավիճակ էր, ձայն հավաքող թաղային հեղինակությունները խուսափում էին քվեներ ապահովել:

Էդմոն Մարուքյանի խոսքով՝ այս ԸՕ-ն ոչ թե «տասովշիկների» դեմ պայքարի համար է, այլ սրանով իշխանությունները ժողովրդին զրկում են պատգամավոր ընտրելու իրավունքից: Մարուքյանը սա հիմնավորում է նրանով, որ տարածքային թեկնածուներ չեն լինելու, նրանք գալու են խորհրդարան՝ ըստ կուսակցության որոշած հերթականության:

Իշխանությունից Էդմոն Մարուքյանի հայտարարությունները, թե Փաշինյանն իրեն ենթարկվող խորհրդարանի մոդել է նախագծում, հակադարձում են՝ նշելով, որ Մարուքյանը հայտարարություններ է անում՝ ըստ իր քաղաքական նպատակահարմարության:

Մանրամասները՝ տեսանյութում։

Նարեկ Կիրակոսյան