Karevorinfo  Իրադարձություններ  537

Ազատանում հավատով սպասում են գերիների վերադարձին

Ազատանում հավատով սպասում են գերիների վերադարձին

Ազատանում հավատով սպասում են գերիների վերադարձին
22:15 երեքշաբթի, 23 փետրվարի, 2021 թ.
Ազատանում հավատով սպասում են գերիների վերադարձին

Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են հետ վերադարձնել։

8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ դարձյալ Գյումրիից։ Մնացյալ 54 գերիները շարունակում են մնալ Ադրբեջանում, որոնց թվում են նաև 5 ազատանցիներ։

Factor.am-ի հետ զրույցում Ազատան համայնքի ղեկավար Վարդան Իկիլիկյանը պատմեց, որ համայնքի բնակիչներից 6-ը գերի էին․ նրանցից մեկը վերադարձել է, մյուս 5-ը դեռևս Ադրբեջանում են։ Համայնքի ղեկավարի խոսքով՝ վերադարձած ազատանցին պատմել է, որ մյուսներին չի տեսել։

«Ինքը մյուսներին չի տեսել։ Մեր տղաներից ոչ մեկը իր խցում չի եղել։ Իրենք ոնց որ ձայներով են լսել իրար։ Մանրամասներ չի պատմում, ասում է՝ բանտի կյանք, հաց ու ջուրը տալիս էին, լողանալու էին տանում, ծխախոտ տալիս»,- ասաց Վարդան Իկիլիկյանը։
Ազատանցի մյուս գերիների հարազատներն էլ հույսով սպասում են իրենց զավակների վերադարձին։

Նշենք նաև, որ վարչապետ Նիկոլ Փաշինյանը փետրվարի 17-ին Գյումրիում հանդիպել էր շիրակցի գերիների հարազատներին, որին մասնակցել են նաև ազատանցի գերեվարվածների հարազատները։

«Ասում են՝ կբերենք, քիչ-քիչ կբերենք։ Բայց ինչպես կբերեն՝ ո՛չ ծնողները գիտեն, ո՛չ մենք։ Դեկտեմբերի կեսերից ասում են՝ կբերենք։ Հարազատները սպասում են, ամեն օր գնում մարզպետարան, գալիս են, որ տեղեկատվություն իմանան»,- նշեց Վարդան Իկիլիկյանը՝ հավելելով․ «Ամեն դեպքում՝ ինչքան մինչև այսօր ժամկետ ասվել է, այդ ժամկետների մեջ չեն տեղավորվել։ Հավատում ենք, սպասում ենք, ուզում ենք հավատալ․․․ ուրիշ ի՞նչ կարող ենք անել»։

Էմմա Չոբանյան

Ազատանում հավատով սպասում են գերիների վերադարձին

Հադրութի Հին Թաղեր ու Խծաբերդ բնակավայրերում դեկտեմբերի 16-ին՝ ռազմական գործողությունների ավարտից հետո, Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են հետ վերադարձնել։

8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ դարձյալ Գյումրիից։ Մնացյալ 54 գերիները շարունակում են մնալ Ադրբեջանում, որոնց թվում են նաև 5 ազատանցիներ։

Factor.am-ի հետ զրույցում Ազատան համայնքի ղեկավար Վարդան Իկիլիկյանը պատմեց, որ համայնքի բնակիչներից 6-ը գերի էին․ նրանցից մեկը վերադարձել է, մյուս 5-ը դեռևս Ադրբեջանում են։ Համայնքի ղեկավարի խոսքով՝ վերադարձած ազատանցին պատմել է, որ մյուսներին չի տեսել։

«Ինքը մյուսներին չի տեսել։ Մեր տղաներից ոչ մեկը իր խցում չի եղել։ Իրենք ոնց որ ձայներով են լսել իրար։ Մանրամասներ չի պատմում, ասում է՝ բանտի կյանք, հաց ու ջուրը տալիս էին, լողանալու էին տանում, ծխախոտ տալիս»,- ասաց Վարդան Իկիլիկյանը։
Ազատանցի մյուս գերիների հարազատներն էլ հույսով սպասում են իրենց զավակների վերադարձին։

Նշենք նաև, որ վարչապետ Նիկոլ Փաշինյանը փետրվարի 17-ին Գյումրիում հանդիպել էր շիրակցի գերիների հարազատներին, որին մասնակցել են նաև ազատանցի գերեվարվածների հարազատները։

«Ասում են՝ կբերենք, քիչ-քիչ կբերենք։ Բայց ինչպես կբերեն՝ ո՛չ ծնողները գիտեն, ո՛չ մենք։ Դեկտեմբերի կեսերից ասում են՝ կբերենք։ Հարազատները սպասում են, ամեն օր գնում մարզպետարան, գալիս են, որ տեղեկատվություն իմանան»,- նշեց Վարդան Իկիլիկյանը՝ հավելելով․ «Ամեն դեպքում՝ ինչքան մինչև այսօր ժամկետ ասվել է, այդ ժամկետների մեջ չեն տեղավորվել։ Հավատում ենք, սպասում ենք, ուզում ենք հավատալ․․․ ուրիշ ի՞նչ կարող ենք անել»։

Էմմա Չոբանյան