Հայաստանը բանակում բարեփոխումներ կիրականացնի Ղարաբաղում ռազմական գործողություններից հետո, կօպտիմալացնի բանակի թվաքանակը, կանցնի սպառազինության ու ռազմական տեխնիկայի նոր տեսակների։ Այս մասին «ՌԻԱ Նովոստիին» հայտարարել է երկրի պաշտպանության նախարար Վաղարշակ Հարությունյանը։
«Հայաստանում ռազմական բարեփոխումները ոչ միայն ծրագրվում են, այլ նաև անցկացվում են , ընդ որում այս գործընթացին ամենայն անմիջականորեն ներգրավված են մեր ռուս գործընկերները»,- ասել է Հարությունյանը։
Նրա խոսքով՝ ըստ էության ռազմական կառուցման գործընթացն անդադար է, իսկ այսօր Հարավային Կովկասում ստեղծված ռազմա-քաղաքական իրավիճակը թելադրում է անշրջելի ու անվիճեի կերպով առաջնային դարձնել ազգային զինված ուժերում իրականացվող բարեփոխումները։
«Իհարկե, հաշվի առնելով մարտական փորձը և Ղարաբաղում հայտնի իրադարձությունները, մենք արմատապես կվերանայենք խնդիրները. մարտական և թվային ուժի օպտիմալացում ՝ հաշվի առնելով նպատակային խնդիրները, առաջին հերթին ՝ մարտական բաղադրիչի ավելացման միջոցով, ընտրովի վերազինում զենքի և ռազմական տեխնիկայի նոր համալիրներով և համակարգերով `ըստ ոլորտների առաջնահերթության, կադրային ներուժի պահպանում, սպաների, քաղծառայողների և պայմանագրային զինծառայողների պատրաստվածության մակարդակի բարձրացում», – ասել է Հարությունյանը:
Միևնույն ժամանակ, ըստ Հարությունյանի՝ հիմնական ջանքերն ուղղվելու են կառավարման համակարգերի, հետախուզության, ՀՕՊ և անօդաչու ավիացիայի, հրթիռային ուժերի և հրետանու զարգացմանը:
Տաթև Ֆռանգյան
