Karevorinfo  Իրադարձություններ  604

Ամուլսարի հանքը կշահագործվի՞. ի՞նչ սպասել Նիկոլ Փաշինյանի վերջին հայտարարությունից. ՏԵՍԱՆՅՈՒԹ

Ամուլսարի հանքը կշահագործվի՞. ի՞նչ սպասել Նիկոլ Փաշինյանի վերջին հայտարարությունից. ՏԵՍԱՆՅՈՒԹ

Ամուլսարի հանքը կշահագործվի՞. ի՞նչ սպասել Նիկոլ Փաշինյանի վերջին հայտարարությունից. ՏԵՍԱՆՅՈՒԹ
22:15 երկուշաբթի, 15 փետրվարի, 2021 թ.
Ամուլսարի հանքը կշահագործվի՞. ի՞նչ սպասել Նիկոլ Փաշինյանի վերջին հայտարարությունից. ՏԵՍԱՆՅՈՒԹ

Պատերազմից հետո կրկին օրակարգ է եկել Ամուլսարի հանքի շահագործման հարցը: «Քաղաքացու որոշում» կուսակցության անդամ Գարեգին Միսկարյանը Factor TV-ի հետ զրույցում նշեց՝ խոսակցություններ կան, որ Նիկոլ Փաշինյանը որոշել է ապրիլից շահագործել հանքը։ Ի դեպ, Փաշինյանը փետրվարի 4-ի Կառավարության նիստի ժամանակ, ընդգծված շեշտելով, որ հանքարդյունաբերությունը տնտեսության համար առանցքային դեր ունի, ասել էր՝ առաջիկայում որոշում են կայացնելու Ամուլսարի հանքի ներդրումային ծրագրի հետ կապված:

Գարեգին Միսկարյանը նշում է՝ առաջիկայում հանքի հավանական շահագործման մասին խոսակցությունների հիմքում նաև Փաշինյանի՝ փետրվարի 4-ին արված հայտարարությունն է:

Շրջակա միջավայրի նախարար Ռոմանոս Պետրոսյանը Factor TV-ի հետ զրույցում ասաց՝ իշխանությունները Ամուլսարի հանքի շահագործումը թույլ տալու հետ կապված քաղաքական որոշում չունեն: Նախարարը վստահեցնում է՝ հարցը կարգավորվելու է օրենքի շրջանակում:

Հիշեցնենք՝ դեռևս 2018 թվականին Քննչական կոմիտեում քրեական գործ էր հարուցվել՝ «Լիդիան Արմենիա»-ի կողմից Ամուլսարի հանքավայրի շահագործման հետ կապված՝ շրջակա միջավայրի աղտոտման մասին տեղեկությունները և բնապահպանական ու սոցիալական ազդեցության գնահատման փաստաթղթերը ՀՀ Բնապահպանության նախարարության պաշտոնատար անձանց կողմից դիտավորությամբ թաքցնելու առերևույթ դեպքի առթիվ: Նախաքննության փուլում համալիր փորձաքննությունների համար ներգրավվեց «Էլարդ» միջազգային փորձագիտական թիմը։ Ընկերությունը Կառավարությունից ստացած 400 հազար դոլարի դիմաց պետք է պատասխաներ՝ արդյո՞ք Ամուլսարի հանքի շահագործումը բնության համար ռիսկեր պարունակում է:

Շրջակա միջավայրի նախարարն ընդգծում է՝ եթե քրգործով օբյեկտիվ պատճառներ վերհանվեն, որոնք կասկածի տակ կդնեն գործող լիցենզիաները, ՇՄԱԳ-ի եզրակացությունը և այլ թույլտվություններ, Կառավարությունն ըստ այդմ էլ որոշում կկայացնի:

Գարեգին Միսկարյանը հիշեցնում է՝ Ջերմուկի բնակիչները ստորագրահավաք են կազմակերպել, որ դեմ են հանքի շահագործմանը, սակայն Նիկոլ Փաշինյանի Կառավարությունն ուշադրություն չի դարձնում բնակիչների պահանջին: Ըստ այդմ, Միսկարյանը կարծում է, որ Ռոմանոս Պետրոսյանի՝ ՔԿ-ի որոշմանը սպասելու հայտարարությունը ձևական է:

Ամուլսարի պահապանները հայտարարում են բողոքի ակցիաների վերսկսման մասին, եթե Կառավարությունը թույլատրի հանքի շահագործումը: Իրավաբան, բնապահպան Նազելի Վարդանյանը, անդրադառնալով Կառավարության նիստին Փաշինյանի հնչեցրած մտքին, թե հանքարդյունաբերությունը տնտեսության շարժից ուժն է, ասում է՝ սնանկ ընկերությունից ի՞նչ օգուտներ են ակնկալում:

Ռոմանոս Պետրոսյանն էլ նշում է՝ Ամուլսարի հարցով հակակառավարական ցույցերն աննպատակ չպետք է լինեն: Կառավարությունը պետք է առաջնորդվի պետական շահով:

Նազելի Վարդանյանն էլ ուշադրություն է հրավիրում այն խնդրի վրա, որն առաջացել է պատերազմից հետո:

Ամուլսարի պահապանները նաև հիշեցնում են Նիկոլ Փաշինյանի չկատարված խոստումը, որ եթե «Էլարդ» ընկերությունը բացասական եզրակացություն տա, Կառավարությունը կդադարեցնի հանքի շահագործումը:

Մանրամասները՝ տեսանյութում։

Նարեկ Կիրակոսյան

Ամուլսարի հանքը կշահագործվի՞. ի՞նչ սպասել Նիկոլ Փաշինյանի վերջին հայտարարությունից. ՏԵՍԱՆՅՈՒԹ

Պատերազմից հետո կրկին օրակարգ է եկել Ամուլսարի հանքի շահագործման հարցը: «Քաղաքացու որոշում» կուսակցության անդամ Գարեգին Միսկարյանը Factor TV-ի հետ զրույցում նշեց՝ խոսակցություններ կան, որ Նիկոլ Փաշինյանը որոշել է ապրիլից շահագործել հանքը։ Ի դեպ, Փաշինյանը փետրվարի 4-ի Կառավարության նիստի ժամանակ, ընդգծված շեշտելով, որ հանքարդյունաբերությունը տնտեսության համար առանցքային դեր ունի, ասել էր՝ առաջիկայում որոշում են կայացնելու Ամուլսարի հանքի ներդրումային ծրագրի հետ կապված:

Գարեգին Միսկարյանը նշում է՝ առաջիկայում հանքի հավանական շահագործման մասին խոսակցությունների հիմքում նաև Փաշինյանի՝ փետրվարի 4-ին արված հայտարարությունն է:

Շրջակա միջավայրի նախարար Ռոմանոս Պետրոսյանը Factor TV-ի հետ զրույցում ասաց՝ իշխանությունները Ամուլսարի հանքի շահագործումը թույլ տալու հետ կապված քաղաքական որոշում չունեն: Նախարարը վստահեցնում է՝ հարցը կարգավորվելու է օրենքի շրջանակում:

Հիշեցնենք՝ դեռևս 2018 թվականին Քննչական կոմիտեում քրեական գործ էր հարուցվել՝ «Լիդիան Արմենիա»-ի կողմից Ամուլսարի հանքավայրի շահագործման հետ կապված՝ շրջակա միջավայրի աղտոտման մասին տեղեկությունները և բնապահպանական ու սոցիալական ազդեցության գնահատման փաստաթղթերը ՀՀ Բնապահպանության նախարարության պաշտոնատար անձանց կողմից դիտավորությամբ թաքցնելու առերևույթ դեպքի առթիվ: Նախաքննության փուլում համալիր փորձաքննությունների համար ներգրավվեց «Էլարդ» միջազգային փորձագիտական թիմը։ Ընկերությունը Կառավարությունից ստացած 400 հազար դոլարի դիմաց պետք է պատասխաներ՝ արդյո՞ք Ամուլսարի հանքի շահագործումը բնության համար ռիսկեր պարունակում է:

Շրջակա միջավայրի նախարարն ընդգծում է՝ եթե քրգործով օբյեկտիվ պատճառներ վերհանվեն, որոնք կասկածի տակ կդնեն գործող լիցենզիաները, ՇՄԱԳ-ի եզրակացությունը և այլ թույլտվություններ, Կառավարությունն ըստ այդմ էլ որոշում կկայացնի:

Գարեգին Միսկարյանը հիշեցնում է՝ Ջերմուկի բնակիչները ստորագրահավաք են կազմակերպել, որ դեմ են հանքի շահագործմանը, սակայն Նիկոլ Փաշինյանի Կառավարությունն ուշադրություն չի դարձնում բնակիչների պահանջին: Ըստ այդմ, Միսկարյանը կարծում է, որ Ռոմանոս Պետրոսյանի՝ ՔԿ-ի որոշմանը սպասելու հայտարարությունը ձևական է:

Ամուլսարի պահապանները հայտարարում են բողոքի ակցիաների վերսկսման մասին, եթե Կառավարությունը թույլատրի հանքի շահագործումը: Իրավաբան, բնապահպան Նազելի Վարդանյանը, անդրադառնալով Կառավարության նիստին Փաշինյանի հնչեցրած մտքին, թե հանքարդյունաբերությունը տնտեսության շարժից ուժն է, ասում է՝ սնանկ ընկերությունից ի՞նչ օգուտներ են ակնկալում:

Ռոմանոս Պետրոսյանն էլ նշում է՝ Ամուլսարի հարցով հակակառավարական ցույցերն աննպատակ չպետք է լինեն: Կառավարությունը պետք է առաջնորդվի պետական շահով:

Նազելի Վարդանյանն էլ ուշադրություն է հրավիրում այն խնդրի վրա, որն առաջացել է պատերազմից հետո:

Ամուլսարի պահապանները նաև հիշեցնում են Նիկոլ Փաշինյանի չկատարված խոստումը, որ եթե «Էլարդ» ընկերությունը բացասական եզրակացություն տա, Կառավարությունը կդադարեցնի հանքի շահագործումը:

Մանրամասները՝ տեսանյութում։

Նարեկ Կիրակոսյան