Karevorinfo  Իրադարձություններ  632

Ընդդիմությունն առավելապես հետևում է «Մերժիր Նիկոլին» բանաձևին, կոնստրուկտիվ խոսակցությունները քիչ են․ Ալեքսանդր Մանասյան

Ընդդիմությունն առավելապես հետևում է «Մերժիր Նիկոլին» բանաձևին, կոնստրուկտիվ խոսակցությունները քիչ են․ Ալեքսանդր Մանասյան

Ընդդիմությունն առավելապես հետևում է «Մերժիր Նիկոլին» բանաձևին, կոնստրուկտիվ խոսակցությունները քիչ են․ Ալեքսանդր Մանասյան
15:45 ուրբաթ, 12 փետրվարի, 2021 թ.
Ընդդիմությունն առավելապես հետևում է «Մերժիր Նիկոլին» բանաձևին, կոնստրուկտիվ խոսակցությունները քիչ են․ Ալեքսանդր Մանասյան

Նոր իշխանությունների հնարքներից մեկը, որով տիրում են զանգվածներին, տեղեկատվական քաոսն է և սեփական նախագծերը չհրապարակելը։ Այսօր հրավիրված ասուլիսում նման կարծիք հայտնեց քաղաքագետ Ալեքսանդր Մանասյանը։

«Ո՛չ կոռուպցիայի դեմ պայքարը, ո՛չ նախկիններին դատելն ազգային ծրագիր չեն։ Դրանց տակ թաքնվելն ազգային ծրագիր կարող է լինել, բայց՝ բացասական ծրագիր։ Հստակ խոսքի, ծրագրերի բացակայությունը դառնում է տեղեկատվական քաոսի միջոց, որը հեշտ է կառավարել»,- նշեց քաղաքագետը։

Նրա կարծիքով՝ հասարակությունը կարթնանա այն դեպքում, եթե հասկանա, որ դա հատուկ քաղաքականություն է։

«Միակ բանը, որ մենք կարող ենք անել, տեսնել՝ ներկայիս իշխանությունների գործողությունների նպատակը որն է, ինչ ծրագիր կա։ Առայժմ այդ նպատակը երևում է Արցախի զիջումը, Արցախի սուբյեկտայնության, միջազգային իրավունքի զիջումը։ Իսկ հիմա Հայաստանի դեպքում է տեղի ունենում նույն բանը՝ սահմանների «կրծոտումը» Ադրեջանի կողմից GPS-ի միջոցով։ Նախ՝ այդ սահմանների վերաբերյալ տարբեր տեսակետներ, քարտեզներ կան, և այդ սահմանների փոփոխությունը 1938-40 թվականից հօգուտ Ադրբեջանի է եղել։ Հիմա նոր մեթոդաբանություն են առաջարկում՝ GPS-ով։ Հարց է ծագում՝ եթե այդ փաստաթղթերը կան, արդյո՞ք այդ GPS-ի կիրառման օբյեկտիվություն կա, ինչո՞ւ իշխանությունը երբևիցե մեզ բացատրություն չի տալիս, թե ինչու է սահմանների համար այդ մեթոդաբանությունն ընտրել»,- ասաց Մանասյանը։

Քաղաքագետի կարծիքով՝ ստեղծված իրավիճակում մեղքի բաժինն ունի նաև ընդդիմությունը․ ««Մերժիր Սերժին» խմբերից հասարակություն չի ձևավորվել, և այստեղ նաև իր մեղքն ունի ընդդիմությունը, որովհետև իրենք հետևում են առավելապես «Մերժիր Նիկոլին» բանաձևին։ Ընդդիմության բանաձևերում քիչ են հնչում կոնստրուկտիվ բաներ, թե ինչ պետք է արվի։ Հիմա իրավիճակն այնպիսին է, որ Նիկոլ Փաշինյանի նպատակները և այլ անհատների վրա հիմնվելը կամ նրանց մասին խոսելը, իհարկե, ճգնաժամային իրավիճակն է թելադրում, այս իրավիճակից դուրս բերող անհատ ենք փնտրում։ Սա բնական է, բայց, այնուամենայնիվ, գոնե տեսլականի ձևով անընդհատ պետք է մտցվի այն գաղափարը, թե ինչից են հրաժարվելու, այս իշխանությունների ուղեգծում ինչը պետք է փոխվի, ինչ են դնելու սրա փոխարեն»։

Ընդդիմությունն առավելապես հետևում է «Մերժիր Նիկոլին» բանաձևին, կոնստրուկտիվ խոսակցությունները քիչ են․ Ալեքսանդր Մանասյան

Նոր իշխանությունների հնարքներից մեկը, որով տիրում են զանգվածներին, տեղեկատվական քաոսն է և սեփական նախագծերը չհրապարակելը։ Այսօր հրավիրված ասուլիսում նման կարծիք հայտնեց քաղաքագետ Ալեքսանդր Մանասյանը։

«Ո՛չ կոռուպցիայի դեմ պայքարը, ո՛չ նախկիններին դատելն ազգային ծրագիր չեն։ Դրանց տակ թաքնվելն ազգային ծրագիր կարող է լինել, բայց՝ բացասական ծրագիր։ Հստակ խոսքի, ծրագրերի բացակայությունը դառնում է տեղեկատվական քաոսի միջոց, որը հեշտ է կառավարել»,- նշեց քաղաքագետը։

Նրա կարծիքով՝ հասարակությունը կարթնանա այն դեպքում, եթե հասկանա, որ դա հատուկ քաղաքականություն է։

«Միակ բանը, որ մենք կարող ենք անել, տեսնել՝ ներկայիս իշխանությունների գործողությունների նպատակը որն է, ինչ ծրագիր կա։ Առայժմ այդ նպատակը երևում է Արցախի զիջումը, Արցախի սուբյեկտայնության, միջազգային իրավունքի զիջումը։ Իսկ հիմա Հայաստանի դեպքում է տեղի ունենում նույն բանը՝ սահմանների «կրծոտումը» Ադրեջանի կողմից GPS-ի միջոցով։ Նախ՝ այդ սահմանների վերաբերյալ տարբեր տեսակետներ, քարտեզներ կան, և այդ սահմանների փոփոխությունը 1938-40 թվականից հօգուտ Ադրբեջանի է եղել։ Հիմա նոր մեթոդաբանություն են առաջարկում՝ GPS-ով։ Հարց է ծագում՝ եթե այդ փաստաթղթերը կան, արդյո՞ք այդ GPS-ի կիրառման օբյեկտիվություն կա, ինչո՞ւ իշխանությունը երբևիցե մեզ բացատրություն չի տալիս, թե ինչու է սահմանների համար այդ մեթոդաբանությունն ընտրել»,- ասաց Մանասյանը։

Քաղաքագետի կարծիքով՝ ստեղծված իրավիճակում մեղքի բաժինն ունի նաև ընդդիմությունը․ ««Մերժիր Սերժին» խմբերից հասարակություն չի ձևավորվել, և այստեղ նաև իր մեղքն ունի ընդդիմությունը, որովհետև իրենք հետևում են առավելապես «Մերժիր Նիկոլին» բանաձևին։ Ընդդիմության բանաձևերում քիչ են հնչում կոնստրուկտիվ բաներ, թե ինչ պետք է արվի։ Հիմա իրավիճակն այնպիսին է, որ Նիկոլ Փաշինյանի նպատակները և այլ անհատների վրա հիմնվելը կամ նրանց մասին խոսելը, իհարկե, ճգնաժամային իրավիճակն է թելադրում, այս իրավիճակից դուրս բերող անհատ ենք փնտրում։ Սա բնական է, բայց, այնուամենայնիվ, գոնե տեսլականի ձևով անընդհատ պետք է մտցվի այն գաղափարը, թե ինչից են հրաժարվելու, այս իշխանությունների ուղեգծում ինչը պետք է փոխվի, ինչ են դնելու սրա փոխարեն»։