Karevorinfo  Իրադարձություններ  300

Շուշիում «Գորշ գայլերի» կողմից դպրոց կառուցելու համար արդեն տարածք են ընտրում

Շուշիում «Գորշ գայլերի» կողմից դպրոց կառուցելու համար արդեն տարածք են ընտրում

Շուշիում «Գորշ գայլերի» կողմից դպրոց կառուցելու համար արդեն տարածք են ընտրում
21:05 երեքշաբթի, 02 փետրվարի, 2021 թ.
Շուշիում «Գորշ գայլերի» կողմից դպրոց կառուցելու համար արդեն տարածք են ընտրում

Ադրբեջանի նախագահ Իլհամ Ալիևն այսօր հանդիպել է թուրքական «Ազգայնական շարժում» կուսակցության նախագահի տեղակալ Մևլութ Քարաքայի հետ։

Տարբեր հարցերից զատ՝ հանդիպմանը քննարկվել է նաև Շուշիում դպրոց կառուցելու հարցը։ Ալիևը շնորհակալություն է հայտնել նախաձեռնության համար՝ ասելով, որ վերականգնման ու քաղաքաշինական աշխատանքների ընթացքում հաշվի կառնեն այն։ Ադրբեջանի նախագահը նաև ասել է, որ հրահանգ կտա՝ դպրոցի շենքի համար հարմար վայր ընտրելու նպատակով։

Բացի այդ, Քարաքայն այսօր մամուլի ասուլիսով է հանդես եկել՝ խոսելով Ղարաբաղում պատերազմի մասին։

«Շուշիի ազատագրումը Ղարաբաղյան հաղթանակի պսակներից է։ Պարոն Բահչելին ասել է, որ մենք պատասխանատու ենք Շուշիի զարգացման ու երեխաների ապագայի համար, որոնք ապրելու են քաղաքում»,- ասել է Քարաքայը՝ հավելելով, որ եթե Թուրքիայի ու Ադրբեջանի նախագահներն անհրաժեշտ համարեն, Շուշիում դպրոց կկառուցվի։

Հիշեցնենք, որ ավելի վաղ «Ազգայնական կուսակցության» նախագահ Դևլեթ Բահչելին հայտարարել էր, թե պատրաստվում են Շուշիում դպրոց կառուցել, նույնիսկ ցուցադրել էր շենքի հնարավոր էսքիզները։

Նախօրեին էլ Արցախի ԱԳՆ-ն էր մտահոգություն հայտնել ծայրահեղ աջ ազգայնական «Թուրքական ազգայնական շարժում» կուսակցության և դրան հարող ծայրահեղական «Գորշ գայլեր» կազմակերպության մտադրությունների կապակցությամբ՝ որոշ նախագծեր իրականացնելու Արցախի Հանրապետության օկուպացված տարածքներում, մասնավորապես՝ Շուշի քաղաքում:

«Պանթուրքիզմի և նեոֆաշիզմի գաղափարախոսություն քարոզող և ահաբեկչությունը որպես նպատակների իրականացման հիմնական միջոց օգտագործող արտաքին ուժերի ցանկացած ձևով ներկայությունը Արցախի օկուպացված տարածքներում ծայրաստիճան մեծ վտանգ է ներկայացնում ոչ միայն Արցախի Հանրապետության, այլև տարածաշրջանային և համաշխարհային անվտանգության համար: Այն փաստը, որ այդ ուժերը օկուպացված Շուշիում իրենց նախագծերի իրականացման համար ստացել են Թուրքիայի և Ադրբեջանի բարձրագույն ղեկավարության հավանությունը, վկայում է Անկարայի և Բաքվի՝ տարածաշրջանում և հարևան երկրներում լարվածության օջախներ ստեղծելու, ինչպես նաև ադրբեջանա-ղարաբաղյան հակամարտության խաղաղ, համապարփակ, արդար կարգավորմանն ուղղված միջազգային հանրության ջանքերը խափանելու ծրագրերի մասին։ Ծայրահեղ աջ նեոֆաշիստական ուժերի տեղափոխումը Արցախի Հանրապետության օկուպացված տարածքներ, ինչպես նաև Արցախի դեմ զինված ագրեսիայի ժամանակ միջազգային ահաբեկիչների օգտագործումը ոչ միայն Արցախի ու Հարավային Կովկասի, այլև դրանց սահմաններից դուրս գտնվող տարածաշրջանների նկատմամբ Թուրքիայի ծավալապաշտական քաղաքականության նույն շղթայի օղակներն են։»,- ասվում է Արցախի ԱԳՆ-ի հայտարարության մեջ, որով նաև կոչ է արվում միջազգային հանրությանը շահագրգիռ կազմակերպություններին,կառույցներին համապատասխան անհապաղ քայլեր ձեռնարկել` ուղղված նման ապակառուցողական նախաձեռնությունների կանխմանն ու կասեցմանը:

Նշենք, որ «Ազգայնական կուսակցությանը» հարող «Գորշ գայլեր»-ը աջ ծայրահեղական, ուլտրաազգայնական, իսլամիստական, նեոֆաշիստական, պանթուրքական կազմակերպություն է, որը տարբեր երկրներում գործունեություն է ծավալում։ Դրա անդամները սպառնալիք են դարձել այդ երկրների համար և փորձ է արվում կանխարգելել նրանց գործունեությունը։

Մասնավորապես, 2020թ․ նոյեմբերի 4-ին Ֆրանսիայի կառավարությունը որոշեց պաշտոնապես երկրի տարածքում արգելել թուրք ազգայնականներին միավորող «Գորշ գայլեր»-ի գործունեությունը։ Դրա պատճառը հոկտեմբերի 29-ին Ֆրանսիայի Դիժոն քաղաքում «Գորշ գայլերի» կազմակերպած քայլերթն էր, որի ընթացքում հայերի դեմ բռնության և ատելության կոչեր էին հնչեցրել։ Ֆրանսիայի օրինակին հետևելով՝ Գերմանիայում ևս նման գործընթաց է սկսվել։ Ընդդիմադիր և իշխող կուսակցության մի շարք ներկայացուցիչներ բազմաթիվ նախաձեռնություններով են հանդես եկել՝ այդ կազմակերպության գործունեությունը արգելելու համար։

Էմմա Չոբանյան

Շուշիում «Գորշ գայլերի» կողմից դպրոց կառուցելու համար արդեն տարածք են ընտրում

Ադրբեջանի նախագահ Իլհամ Ալիևն այսօր հանդիպել է թուրքական «Ազգայնական շարժում» կուսակցության նախագահի տեղակալ Մևլութ Քարաքայի հետ։

Տարբեր հարցերից զատ՝ հանդիպմանը քննարկվել է նաև Շուշիում դպրոց կառուցելու հարցը։ Ալիևը շնորհակալություն է հայտնել նախաձեռնության համար՝ ասելով, որ վերականգնման ու քաղաքաշինական աշխատանքների ընթացքում հաշվի կառնեն այն։ Ադրբեջանի նախագահը նաև ասել է, որ հրահանգ կտա՝ դպրոցի շենքի համար հարմար վայր ընտրելու նպատակով։

Բացի այդ, Քարաքայն այսօր մամուլի ասուլիսով է հանդես եկել՝ խոսելով Ղարաբաղում պատերազմի մասին։

«Շուշիի ազատագրումը Ղարաբաղյան հաղթանակի պսակներից է։ Պարոն Բահչելին ասել է, որ մենք պատասխանատու ենք Շուշիի զարգացման ու երեխաների ապագայի համար, որոնք ապրելու են քաղաքում»,- ասել է Քարաքայը՝ հավելելով, որ եթե Թուրքիայի ու Ադրբեջանի նախագահներն անհրաժեշտ համարեն, Շուշիում դպրոց կկառուցվի։

Հիշեցնենք, որ ավելի վաղ «Ազգայնական կուսակցության» նախագահ Դևլեթ Բահչելին հայտարարել էր, թե պատրաստվում են Շուշիում դպրոց կառուցել, նույնիսկ ցուցադրել էր շենքի հնարավոր էսքիզները։

Նախօրեին էլ Արցախի ԱԳՆ-ն էր մտահոգություն հայտնել ծայրահեղ աջ ազգայնական «Թուրքական ազգայնական շարժում» կուսակցության և դրան հարող ծայրահեղական «Գորշ գայլեր» կազմակերպության մտադրությունների կապակցությամբ՝ որոշ նախագծեր իրականացնելու Արցախի Հանրապետության օկուպացված տարածքներում, մասնավորապես՝ Շուշի քաղաքում:

«Պանթուրքիզմի և նեոֆաշիզմի գաղափարախոսություն քարոզող և ահաբեկչությունը որպես նպատակների իրականացման հիմնական միջոց օգտագործող արտաքին ուժերի ցանկացած ձևով ներկայությունը Արցախի օկուպացված տարածքներում ծայրաստիճան մեծ վտանգ է ներկայացնում ոչ միայն Արցախի Հանրապետության, այլև տարածաշրջանային և համաշխարհային անվտանգության համար: Այն փաստը, որ այդ ուժերը օկուպացված Շուշիում իրենց նախագծերի իրականացման համար ստացել են Թուրքիայի և Ադրբեջանի բարձրագույն ղեկավարության հավանությունը, վկայում է Անկարայի և Բաքվի՝ տարածաշրջանում և հարևան երկրներում լարվածության օջախներ ստեղծելու, ինչպես նաև ադրբեջանա-ղարաբաղյան հակամարտության խաղաղ, համապարփակ, արդար կարգավորմանն ուղղված միջազգային հանրության ջանքերը խափանելու ծրագրերի մասին։ Ծայրահեղ աջ նեոֆաշիստական ուժերի տեղափոխումը Արցախի Հանրապետության օկուպացված տարածքներ, ինչպես նաև Արցախի դեմ զինված ագրեսիայի ժամանակ միջազգային ահաբեկիչների օգտագործումը ոչ միայն Արցախի ու Հարավային Կովկասի, այլև դրանց սահմաններից դուրս գտնվող տարածաշրջանների նկատմամբ Թուրքիայի ծավալապաշտական քաղաքականության նույն շղթայի օղակներն են։»,- ասվում է Արցախի ԱԳՆ-ի հայտարարության մեջ, որով նաև կոչ է արվում միջազգային հանրությանը շահագրգիռ կազմակերպություններին,կառույցներին համապատասխան անհապաղ քայլեր ձեռնարկել` ուղղված նման ապակառուցողական նախաձեռնությունների կանխմանն ու կասեցմանը:

Նշենք, որ «Ազգայնական կուսակցությանը» հարող «Գորշ գայլեր»-ը աջ ծայրահեղական, ուլտրաազգայնական, իսլամիստական, նեոֆաշիստական, պանթուրքական կազմակերպություն է, որը տարբեր երկրներում գործունեություն է ծավալում։ Դրա անդամները սպառնալիք են դարձել այդ երկրների համար և փորձ է արվում կանխարգելել նրանց գործունեությունը։

Մասնավորապես, 2020թ․ նոյեմբերի 4-ին Ֆրանսիայի կառավարությունը որոշեց պաշտոնապես երկրի տարածքում արգելել թուրք ազգայնականներին միավորող «Գորշ գայլեր»-ի գործունեությունը։ Դրա պատճառը հոկտեմբերի 29-ին Ֆրանսիայի Դիժոն քաղաքում «Գորշ գայլերի» կազմակերպած քայլերթն էր, որի ընթացքում հայերի դեմ բռնության և ատելության կոչեր էին հնչեցրել։ Ֆրանսիայի օրինակին հետևելով՝ Գերմանիայում ևս նման գործընթաց է սկսվել։ Ընդդիմադիր և իշխող կուսակցության մի շարք ներկայացուցիչներ բազմաթիվ նախաձեռնություններով են հանդես եկել՝ այդ կազմակերպության գործունեությունը արգելելու համար։

Էմմա Չոբանյան