Karevorinfo  Իրադարձություններ  264

«Ուզում էր Արցախում ծառայել»․ Սիփան Սողոմոնյանի 19-ամյակը ծնողները Եռաբլուրում են նշել. ՏԵՍԱՆՅՈՒԹ

«Ուզում էր Արցախում ծառայել»․ Սիփան Սողոմոնյանի 19-ամյակը ծնողները Եռաբլուրում են նշել. ՏԵՍԱՆՅՈՒԹ

«Ուզում էր Արցախում ծառայել»․ Սիփան Սողոմոնյանի 19-ամյակը ծնողները Եռաբլուրում են նշել. ՏԵՍԱՆՅՈՒԹ
17:50 երեքշաբթի, 02 փետրվարի, 2021 թ.
«Ուզում էր Արցախում ծառայել»․ Սիփան Սողոմոնյանի 19-ամյակը ծնողները Եռաբլուրում են նշել. ՏԵՍԱՆՅՈՒԹ

19-ամյա զոհված զինծառայող Սիփան Սողոմոնյանի ընտանիքի անդամներն են։ Մայրը արցունքն աչքերին ասում է՝ եկել է որդու տուն՝ Եռաբլուր։

Այստեղ հաղթանակած տղաների շիրիմներն են, ամեն օր դրանց թիվն աճում է։ Ձախից երրորդ շարքում Սիփանի շիրիմն է։ Նրա 19-ամյակը նոյեմբերին է լրացել։ Ծնողները Եռաբլուրում՝ սառը շիրիմների կողքին են շնորհավորել որդու տարեդարձը։ Սիփանի կյանքն ու երազանքներն ընդհատեց Արցախյան երկրորդ պատերազմը․ 9 ամսվա ժամկետային զինծառայողը զոհվեց Թալիշի տարածքում, հակառակորդի անօդաչու թռչող սարքի հարվածի հետևանքով։

Հայրը հիշում է՝ որդին մեծ սիրով էր բանակ զորակոչվել։ Ուզում էր հենց Արցախում ծառայել, այդպես էլ եղել է։ 9 ամսվա ծառայության ընթացքում որդուց ոչ մի անգամ դժգոհություն չեն լսել։ Սեպտեմբերի 26-ին՝ պատերազմից մեկ օր առաջ, ընտանիքը որդու սիրելի ուտելիքներով կապոց էր պատրաստել, որ ուղարկի։ Պատերազմը սկսվեց, կապոցը տեղ չհասավ։

Սիփանի պապն էլ թոռան կատակներն է հիշում, բայց պատմել չի հասցնում՝ արցունքները խոսքերից առաջ են ընկնում։

Սիփան Սողոմոնյանը զոհվել է պատերազմի հենց սկզբում՝ սեպտեմբերի 28-ին։

Մայրը որդուն նկարագրելիս ասում է՝ «Տարիքը 18 էր, բայց մտածելակերպով մեծ էր՝ զուսպ, շրջապատի նկատմամբ հոգատար»։ Հերոսի մայր լինելը պարտավորեցնող է, ասում է տիկին Կարինեն, որդին չէր սիրում, երբ ինքը արտասվում էր, պետք է ամուր մնա։

Որդու հետ խոսելու համար ծնողներն ամեն օր են Եռաբլուր գալիս։ Հայրը խոստովանում է՝ լինում են օրեր, երբ օրվա մեջ մի քանի անգամ են քայլերն այստեղ բերում։ Մի հարցում հանգիստ է՝ որդին այստեղ միայնակ չէ։

Մանրամասները՝ տեսանյութում։

Լիլիթ Շաբոյան

«Ուզում էր Արցախում ծառայել»․ Սիփան Սողոմոնյանի 19-ամյակը ծնողները Եռաբլուրում են նշել. ՏԵՍԱՆՅՈՒԹ

19-ամյա զոհված զինծառայող Սիփան Սողոմոնյանի ընտանիքի անդամներն են։ Մայրը արցունքն աչքերին ասում է՝ եկել է որդու տուն՝ Եռաբլուր։

Այստեղ հաղթանակած տղաների շիրիմներն են, ամեն օր դրանց թիվն աճում է։ Ձախից երրորդ շարքում Սիփանի շիրիմն է։ Նրա 19-ամյակը նոյեմբերին է լրացել։ Ծնողները Եռաբլուրում՝ սառը շիրիմների կողքին են շնորհավորել որդու տարեդարձը։ Սիփանի կյանքն ու երազանքներն ընդհատեց Արցախյան երկրորդ պատերազմը․ 9 ամսվա ժամկետային զինծառայողը զոհվեց Թալիշի տարածքում, հակառակորդի անօդաչու թռչող սարքի հարվածի հետևանքով։

Հայրը հիշում է՝ որդին մեծ սիրով էր բանակ զորակոչվել։ Ուզում էր հենց Արցախում ծառայել, այդպես էլ եղել է։ 9 ամսվա ծառայության ընթացքում որդուց ոչ մի անգամ դժգոհություն չեն լսել։ Սեպտեմբերի 26-ին՝ պատերազմից մեկ օր առաջ, ընտանիքը որդու սիրելի ուտելիքներով կապոց էր պատրաստել, որ ուղարկի։ Պատերազմը սկսվեց, կապոցը տեղ չհասավ։

Սիփանի պապն էլ թոռան կատակներն է հիշում, բայց պատմել չի հասցնում՝ արցունքները խոսքերից առաջ են ընկնում։

Սիփան Սողոմոնյանը զոհվել է պատերազմի հենց սկզբում՝ սեպտեմբերի 28-ին։

Մայրը որդուն նկարագրելիս ասում է՝ «Տարիքը 18 էր, բայց մտածելակերպով մեծ էր՝ զուսպ, շրջապատի նկատմամբ հոգատար»։ Հերոսի մայր լինելը պարտավորեցնող է, ասում է տիկին Կարինեն, որդին չէր սիրում, երբ ինքը արտասվում էր, պետք է ամուր մնա։

Որդու հետ խոսելու համար ծնողներն ամեն օր են Եռաբլուր գալիս։ Հայրը խոստովանում է՝ լինում են օրեր, երբ օրվա մեջ մի քանի անգամ են քայլերն այստեղ բերում։ Մի հարցում հանգիստ է՝ որդին այստեղ միայնակ չէ։

Մանրամասները՝ տեսանյութում։

Լիլիթ Շաբոյան