Karevorinfo  Իրադարձություններ  488

Ի՞նչ նկատի ուներ Նիկոլ Փաշինյանը «ցավոտ փոխզիջումներ» ասելով. ՏԵՍԱՆՅՈՒԹ

Ի՞նչ նկատի ուներ Նիկոլ Փաշինյանը «ցավոտ փոխզիջումներ» ասելով. ՏԵՍԱՆՅՈՒԹ

Ի՞նչ նկատի ուներ Նիկոլ Փաշինյանը «ցավոտ փոխզիջումներ» ասելով. ՏԵՍԱՆՅՈՒԹ
20:25 երեքշաբթի, 27 հոկտեմբերի, 2020 թ.
Ի՞նչ նկատի ուներ Նիկոլ Փաշինյանը «ցավոտ փոխզիջումներ» ասելով. ՏԵՍԱՆՅՈՒԹ

Հայաստանի կառավարությունը չի մեկնաբանում վարչապետ Նիկոլ Փաշինյանի այն հայտարարությունը, որ հայ ժողովուրդը ղարաբաղյան խնդրի կարգավորման հարցում պատրաստ է մինչև անգամ «ցավոտ փոխզիջումների»:

Վարչապետի մամուլի խոսնակ Մանե Գևորգյանը Factor TV-ի հետ զրույցում ասաց՝ սովորաբար, չի մեկնաբանում վարչապետի ելույթները և բնական համարեց այն, որ մարդկանց մոտ հարց է առաջանում, թե Նիկոլ Փաշինյանը «ցավոտ փոխզիջումներ» ասելով ինչ նկատի ուներ:

Նիկոլ Փաշինյանի թիմակից, ԱԺ փոխնախագահ Ալեն Սիմոնյանը խորհրդարանում անդրադառնալով Factor TV-ի հարցին, թե վարչապետն ինչ նկատի ուներ «ցավոտ փոխզիջումներ» ասելով, նշեց՝ խոսքն այն մասին է, որ իշխանությունները մշտապես պատրաստ են եղել բոլոր տեսակի բանակցությունների, իսկ այս պահին դրանք սպառված են:

Ըստ քաղաքագետ Ստյոպա Սաֆարյանի՝ Նիկոլ Փաշինյանը «ցավոտ փոխզիջումներ» ասելով նկատի է ունեցել հենց «Լավրովյան պլանը»՝ տարածքների փուլային հանձնում և զորքերի փուլային դուրսբերում: Սակայն քաղաքագետը նշում է, որ վարչապետի ելույթի հասցեատերը միջազգային հանրությունն է, ոչ թե ներքին լսարանը:

Ըստ Սաֆարյանի՝ վարչապետը միջազգային հանրության ուշադրությունն է հրավիրել այն հանգամանքի վրա, որ Ադրբեջանն արդեն երրորդ անգամ խախտում է մարդասիրական հրադադարի ռեժիմը, իսկ Բաքվի միակ նպատակը Արցախի կապիտուլյացիան է: Քաղաքագետը նշում է՝ Փաշինյանը նկատի է ունեցել այն, որ Ալիևի՝ նման քաղաքականության պարագայում, եթե անգամ հայկական կողմը պատրաստ լինի «ցավոտ զիջումների», այն հնարավոր չի լինի իրականացնել:

«Քաղացու որոշում» կուսակցության անդամ Գարեգին Միսկարյանն այն կարծիքին է, որ վարչապետն այս հայտարարությամբ ցանկանում է ընդգծել, որ հրադադարը խախտողներին պետք է փնտրել հակառակ կողմում: Միսկարյանի համար պարզ չէ, թե վարչապետը «ցավոտ փոխզիջում» ասելով ինչ է նկատի ունեցել:

Նիկոլ Փաշինյանի այս հայտարարությունից մեկ օր անց Հանրային խորհրդի նախկին նախագահ Վազգեն Մանուկյանը հանդես եկավ վարչապետի հրաժարականի պահանջով: Նա նշել էր, որ այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում՝ դա պետք է անի կամավոր, առանց ցնցումների, որոնք կարող են կործանարար լինել։

Ժամեր անց ՀՀ պաշտպանության նախարարությունը և Զինված ուժերի Գլխավոր շտաբը հանդես եկան հայտարարությամբ՝ խստորեն դատապարտելով պառակտիչ հայտարարությունները, դա գնահատելով որպես Հայաստանի Հանրապետության քաղաքական ղեկավարության և Զինված ուժերի միջև հակասություններ սերմանելու փորձ:

Պաշտպանական գերատեսչությունների հայտարարությունում ասված էր, որ ռազմական դրության պայմաններում Հայաստանի Զինված ուժերը հավատարիմ է օրենքով նախատեսված աստիճանակարգությանը և շարունակելու է անվերապահորեն կատարել ՀՀ Գերագույն հրամանատարի, Կառավարության և պաշտպանության նախարարի հրամաններն ու որոշումները:

Նարեկ Կիրակոսյան

Ի՞նչ նկատի ուներ Նիկոլ Փաշինյանը «ցավոտ փոխզիջումներ» ասելով. ՏԵՍԱՆՅՈՒԹ

Հայաստանի կառավարությունը չի մեկնաբանում վարչապետ Նիկոլ Փաշինյանի այն հայտարարությունը, որ հայ ժողովուրդը ղարաբաղյան խնդրի կարգավորման հարցում պատրաստ է մինչև անգամ «ցավոտ փոխզիջումների»:

Վարչապետի մամուլի խոսնակ Մանե Գևորգյանը Factor TV-ի հետ զրույցում ասաց՝ սովորաբար, չի մեկնաբանում վարչապետի ելույթները և բնական համարեց այն, որ մարդկանց մոտ հարց է առաջանում, թե Նիկոլ Փաշինյանը «ցավոտ փոխզիջումներ» ասելով ինչ նկատի ուներ:

Նիկոլ Փաշինյանի թիմակից, ԱԺ փոխնախագահ Ալեն Սիմոնյանը խորհրդարանում անդրադառնալով Factor TV-ի հարցին, թե վարչապետն ինչ նկատի ուներ «ցավոտ փոխզիջումներ» ասելով, նշեց՝ խոսքն այն մասին է, որ իշխանությունները մշտապես պատրաստ են եղել բոլոր տեսակի բանակցությունների, իսկ այս պահին դրանք սպառված են:

Ըստ քաղաքագետ Ստյոպա Սաֆարյանի՝ Նիկոլ Փաշինյանը «ցավոտ փոխզիջումներ» ասելով նկատի է ունեցել հենց «Լավրովյան պլանը»՝ տարածքների փուլային հանձնում և զորքերի փուլային դուրսբերում: Սակայն քաղաքագետը նշում է, որ վարչապետի ելույթի հասցեատերը միջազգային հանրությունն է, ոչ թե ներքին լսարանը:

Ըստ Սաֆարյանի՝ վարչապետը միջազգային հանրության ուշադրությունն է հրավիրել այն հանգամանքի վրա, որ Ադրբեջանն արդեն երրորդ անգամ խախտում է մարդասիրական հրադադարի ռեժիմը, իսկ Բաքվի միակ նպատակը Արցախի կապիտուլյացիան է: Քաղաքագետը նշում է՝ Փաշինյանը նկատի է ունեցել այն, որ Ալիևի՝ նման քաղաքականության պարագայում, եթե անգամ հայկական կողմը պատրաստ լինի «ցավոտ զիջումների», այն հնարավոր չի լինի իրականացնել:

«Քաղացու որոշում» կուսակցության անդամ Գարեգին Միսկարյանն այն կարծիքին է, որ վարչապետն այս հայտարարությամբ ցանկանում է ընդգծել, որ հրադադարը խախտողներին պետք է փնտրել հակառակ կողմում: Միսկարյանի համար պարզ չէ, թե վարչապետը «ցավոտ փոխզիջում» ասելով ինչ է նկատի ունեցել:

Նիկոլ Փաշինյանի այս հայտարարությունից մեկ օր անց Հանրային խորհրդի նախկին նախագահ Վազգեն Մանուկյանը հանդես եկավ վարչապետի հրաժարականի պահանջով: Նա նշել էր, որ այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում՝ դա պետք է անի կամավոր, առանց ցնցումների, որոնք կարող են կործանարար լինել։

Ժամեր անց ՀՀ պաշտպանության նախարարությունը և Զինված ուժերի Գլխավոր շտաբը հանդես եկան հայտարարությամբ՝ խստորեն դատապարտելով պառակտիչ հայտարարությունները, դա գնահատելով որպես Հայաստանի Հանրապետության քաղաքական ղեկավարության և Զինված ուժերի միջև հակասություններ սերմանելու փորձ:

Պաշտպանական գերատեսչությունների հայտարարությունում ասված էր, որ ռազմական դրության պայմաններում Հայաստանի Զինված ուժերը հավատարիմ է օրենքով նախատեսված աստիճանակարգությանը և շարունակելու է անվերապահորեն կատարել ՀՀ Գերագույն հրամանատարի, Կառավարության և պաշտպանության նախարարի հրամաններն ու որոշումները:

Նարեկ Կիրակոսյան