Karevorinfo  Իրադարձություններ  777

Գաղտնի նամակի և փակ քննարկումների մասին. ի՞նչ են քննարկել և ինչո՞ւ հանրությունը չի իրազեկվում. ՏԵՍԱՆՅՈՒԹ

Գաղտնի նամակի և փակ քննարկումների մասին. ի՞նչ են քննարկել և ինչո՞ւ հանրությունը չի իրազեկվում. ՏԵՍԱՆՅՈՒԹ

Գաղտնի նամակի և փակ քննարկումների մասին. ի՞նչ են քննարկել և ինչո՞ւ հանրությունը չի իրազեկվում. ՏԵՍԱՆՅՈՒԹ
20:25 չորեքշաբթի, 21 հոկտեմբերի, 2020 թ.
Գաղտնի նամակի և փակ քննարկումների մասին. ի՞նչ են քննարկել և ինչո՞ւ հանրությունը չի իրազեկվում. ՏԵՍԱՆՅՈՒԹ

Արցախի և Հայաստանի ներկա մտահոգիչ իրավիճակով պայմանավորված առանձին-առանձին հաճախակի հանդիպումներ են տեղի ունենում քաղաքական ուժերի ներկայացուցիչների, գործող և նախկին ղեկավարների մասնակցությամբ:

Այսօր տեղի է ունեցել խորհրդակցություն, որին մասնակցել են Հայաստանի նախկին նախագահներ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահներ Արկադի Ղուկասյանը և Բակո Սահակյանը:

Լրագրողների հետ ճեպազրույցում ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը հայտնեց, որ իր տեղեկություններով վարչապետ Փաշինյանը ևս հանդիպել է Հայաստանի նախկին ղեկավարների հետ, սակայն վարչապետի մամուլի խոսնակը Factor TV-ի հետ զրույցում հերքեց հանդիպման մասին տեղեկությունը:

Հիշեցնենք՝ երեկ վարչապետը հանդիպել էր Արկադի Ղուկասյանի և Բակո Սահակյանի հետ: Երեկ երեկոյան քաղաքական ուժերի մասնակցությամբ փակ հանդիպում էր եղել նաև Դաշնակցության գրասենյակում, որին մասնակցել են Սերժ Սարգսյանի ղեկավարած ՀՀԿ-ից Էդուարդ Շարմազանովը, ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը, Գագիկ Ծառուկյանի ղեկավարած ԲՀԿ-ից Իվետա Տոնոյանը, ՀՅԴ ԳՄ ներկայացուցիչ Իշխան Սաղաթելյանը, նախկին վարչապետներ Հրանտ Բագրատյանն ու Խոսրով Հարությունյանը և այլք:

ՀՅԴ ԳՄ ներկայացուցիչ Իշխան Սաղաթելյանը հանդիպումից հետո Factor TV-ին փոխանցել էր, որ հանդիպման օրակարգում քննարկվել է արցախյան հիմնախնդիրը: Արտախորհրդարանական ուժերը երկու հանդիպում են ունեցել նաև վարչապետի հետ: Հանդիպումից հետո տեղեկություններ շրջանառվեցին, որ Նիկոլ Փաշինյանը ղարաբաղյան խնդրի կարգավորման վերաբերյալ փաստաթուղթ է ներկայացրել քաղաքական ուժերի ներկայացուցիչներին: Իշխան Սաղաթելյանը փաստաթղթի առկայությունը չհերքեց:

Էդուարդ Շարմազանովը երեկ ՀՅԴ-ում տեղի ունեցած հադիպման վերաբերյալ ասաց, որ կարծիքների փոխանակում է եղել ռազմական և դիվանագիտական ճակատներում տեղի ունեցող զարգացումների շուրջ: Ի տարբերություն Սաղաթելյանի, սակայն, Շարմազանովը հստակ հերքեց, որ Փաշինյանը խնդրի կարգավորման վերաբերյալ ինչ-որ փաստաթուղթ է ներկայացրել:

Ի դեպ, գաղտնի փաստաթուղթ անվտանգության խորհրդի ընդլայնված նիստի ժամանակ էլ չի ներկայացվել ներկաներին: Տեղեկությունը լրագրողների հետ զրույցում փոխանցեց ԼՀԿ ղեկավար Էդմոն Մարուքյանը: Առայժմ հայտնի չէ՝ արտախորհրդարանական ուժերի և վարչապետի մասնակցությամբ այլ հանդիպումներ նախատեսվո՞ւմ են, թե՝ ոչ:

Էդուարդ Շարմազանովն ասաց, որ քննարկումների նախաձեռնողը կառավարությունն է. «Եթե առաջարկ լինի՝ կքննարկենք, մասնակցե՞նք, թե՝ոչ»: Ըստ ՀՀԿ ներկայացուցչի՝ իրենց համար էական է, թե ինչ օրակարգի շուրջ է լինելու հանդիպումը: Այս պահին անորոշ են նաև 13 կուսակցությունների առաջիկա քայլերը:

ՀՅԴ-ում երեկ քաղաքական ուժերի հանդիպմանը ԲՀԿ-ից մասնակցած Իվետա Տոնոյանն ասաց, որ օրակարգում եղել է երկրում ստեղծված իրավիճակի վերաբերյալ քննարկում, քաղաքական ուժերի ներկայացուցիչները մտահոգություններով են կիսվել: Ըստ Տոնոյանի՝ չեն շրջանցել նաև Փաշինյան-Ալիև հավանական հանդիպումն ու արտգործնախարար Զոհրաբ Մնացականյանի ամերիկյան այցը: Տոնոյանը քննարկումից մանրամաներ չհայտնեց, միայն ասաց ԲՀԿ-ն օպերատիվ տեղեկատվության է տիրապետում և հույս ունի, որ երկրի քաղաքական ղեկավարությունն այն կփոխանցի հասարակությանը: Հստակեցմանը՝ արդյոք օբյեկտիվ տեղեկությունը «տարածքներ՝ խաղաղության դիմաց» կամ «տարածքներ՝ կարգավիճակի դիմաց» թեզի՞ն է վերբերում, Տոնյանը հրաժարվեց այլ մանրամասներ փոխանցել:

Հիշեցնենք՝ վարչապետ Փաշինյանը հոկտեմբերի 14-ին իր ուղերձում նշել էր, որ անընդունելի է «տարածքներ՝ խաղաղության դիմաց» թեզը:

Մանրամասները՝ տեսանյութում:

Նարեկ Կիրակոսյան

Գաղտնի նամակի և փակ քննարկումների մասին. ի՞նչ են քննարկել և ինչո՞ւ հանրությունը չի իրազեկվում. ՏԵՍԱՆՅՈՒԹ

Արցախի և Հայաստանի ներկա մտահոգիչ իրավիճակով պայմանավորված առանձին-առանձին հաճախակի հանդիպումներ են տեղի ունենում քաղաքական ուժերի ներկայացուցիչների, գործող և նախկին ղեկավարների մասնակցությամբ:

Այսօր տեղի է ունեցել խորհրդակցություն, որին մասնակցել են Հայաստանի նախկին նախագահներ Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահներ Արկադի Ղուկասյանը և Բակո Սահակյանը:

Լրագրողների հետ ճեպազրույցում ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը հայտնեց, որ իր տեղեկություններով վարչապետ Փաշինյանը ևս հանդիպել է Հայաստանի նախկին ղեկավարների հետ, սակայն վարչապետի մամուլի խոսնակը Factor TV-ի հետ զրույցում հերքեց հանդիպման մասին տեղեկությունը:

Հիշեցնենք՝ երեկ վարչապետը հանդիպել էր Արկադի Ղուկասյանի և Բակո Սահակյանի հետ: Երեկ երեկոյան քաղաքական ուժերի մասնակցությամբ փակ հանդիպում էր եղել նաև Դաշնակցության գրասենյակում, որին մասնակցել են Սերժ Սարգսյանի ղեկավարած ՀՀԿ-ից Էդուարդ Շարմազանովը, ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը, Գագիկ Ծառուկյանի ղեկավարած ԲՀԿ-ից Իվետա Տոնոյանը, ՀՅԴ ԳՄ ներկայացուցիչ Իշխան Սաղաթելյանը, նախկին վարչապետներ Հրանտ Բագրատյանն ու Խոսրով Հարությունյանը և այլք:

ՀՅԴ ԳՄ ներկայացուցիչ Իշխան Սաղաթելյանը հանդիպումից հետո Factor TV-ին փոխանցել էր, որ հանդիպման օրակարգում քննարկվել է արցախյան հիմնախնդիրը: Արտախորհրդարանական ուժերը երկու հանդիպում են ունեցել նաև վարչապետի հետ: Հանդիպումից հետո տեղեկություններ շրջանառվեցին, որ Նիկոլ Փաշինյանը ղարաբաղյան խնդրի կարգավորման վերաբերյալ փաստաթուղթ է ներկայացրել քաղաքական ուժերի ներկայացուցիչներին: Իշխան Սաղաթելյանը փաստաթղթի առկայությունը չհերքեց:

Էդուարդ Շարմազանովը երեկ ՀՅԴ-ում տեղի ունեցած հադիպման վերաբերյալ ասաց, որ կարծիքների փոխանակում է եղել ռազմական և դիվանագիտական ճակատներում տեղի ունեցող զարգացումների շուրջ: Ի տարբերություն Սաղաթելյանի, սակայն, Շարմազանովը հստակ հերքեց, որ Փաշինյանը խնդրի կարգավորման վերաբերյալ ինչ-որ փաստաթուղթ է ներկայացրել:

Ի դեպ, գաղտնի փաստաթուղթ անվտանգության խորհրդի ընդլայնված նիստի ժամանակ էլ չի ներկայացվել ներկաներին: Տեղեկությունը լրագրողների հետ զրույցում փոխանցեց ԼՀԿ ղեկավար Էդմոն Մարուքյանը: Առայժմ հայտնի չէ՝ արտախորհրդարանական ուժերի և վարչապետի մասնակցությամբ այլ հանդիպումներ նախատեսվո՞ւմ են, թե՝ ոչ:

Էդուարդ Շարմազանովն ասաց, որ քննարկումների նախաձեռնողը կառավարությունն է. «Եթե առաջարկ լինի՝ կքննարկենք, մասնակցե՞նք, թե՝ոչ»: Ըստ ՀՀԿ ներկայացուցչի՝ իրենց համար էական է, թե ինչ օրակարգի շուրջ է լինելու հանդիպումը: Այս պահին անորոշ են նաև 13 կուսակցությունների առաջիկա քայլերը:

ՀՅԴ-ում երեկ քաղաքական ուժերի հանդիպմանը ԲՀԿ-ից մասնակցած Իվետա Տոնոյանն ասաց, որ օրակարգում եղել է երկրում ստեղծված իրավիճակի վերաբերյալ քննարկում, քաղաքական ուժերի ներկայացուցիչները մտահոգություններով են կիսվել: Ըստ Տոնոյանի՝ չեն շրջանցել նաև Փաշինյան-Ալիև հավանական հանդիպումն ու արտգործնախարար Զոհրաբ Մնացականյանի ամերիկյան այցը: Տոնոյանը քննարկումից մանրամաներ չհայտնեց, միայն ասաց ԲՀԿ-ն օպերատիվ տեղեկատվության է տիրապետում և հույս ունի, որ երկրի քաղաքական ղեկավարությունն այն կփոխանցի հասարակությանը: Հստակեցմանը՝ արդյոք օբյեկտիվ տեղեկությունը «տարածքներ՝ խաղաղության դիմաց» կամ «տարածքներ՝ կարգավիճակի դիմաց» թեզի՞ն է վերբերում, Տոնյանը հրաժարվեց այլ մանրամասներ փոխանցել:

Հիշեցնենք՝ վարչապետ Փաշինյանը հոկտեմբերի 14-ին իր ուղերձում նշել էր, որ անընդունելի է «տարածքներ՝ խաղաղության դիմաց» թեզը:

Մանրամասները՝ տեսանյութում:

Նարեկ Կիրակոսյան