Karevorinfo  Իրադարձություններ  231

Բելառուսում ձերբակալված ցուցարարներին մերկացնում են, ծեծում, սպառնում բռնաբարել. իրավապաշտպան կազմակերպություններ

Բելառուսում ձերբակալված ցուցարարներին մերկացնում են, ծեծում, սպառնում բռնաբարել. իրավապաշտպան կազմակերպություններ

Բելառուսում ձերբակալված ցուցարարներին մերկացնում են, ծեծում, սպառնում բռնաբարել. իրավապաշտպան կազմակերպություններ
11:20 ուրբաթ, 14 օգոստոսի, 2020 թ.
Բելառուսում ձերբակալված ցուցարարներին մերկացնում են, ծեծում, սպառնում բռնաբարել. իրավապաշտպան կազմակերպություններ

Իրավապաշտպան կազմակերպությունները դատապարտել են անմարդկային պայմանները, որոնցում պահվում են Բելառուսում ցույցերի ժամանակ կալանավորված հազարավոր մարդիկ, հաղորդում է Euronews-ը:

Նրանք մեղադրել են ոստիկանությանը ցուցարարներին ծեծի ենթարկելու համար՝ թե՛ ձերբակալություններից առաջ, թե՛ ձերբակալությունների ընթացքում և թե՛ հետո:

Օգոստոսի 9-ին տեղի ունեցած նախագահական ընտություններից հետո, ըստ պաշտոնական տվյալների, ձերբակալվել է ավելի քան 6700 մարդ: Քվեարկության արդյունքների համաձայն՝ երկրի նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների շուրջ 80%-ը: Ընտրությունների արդյունքներից դժգոհ քաղաքացիները շարունակում են բողոքի ցույցերը մայրաքաղաք Մինսկում և այլ քաղաքներում:

Euronews-ի փոխանցմամբ՝ Մինսկում գտնվող մի կալանավայրի դիմաց բարձրաձայն  ընթերցում էին անհետ կորածների անունները հավաքվածների համար, ովքեր ոչ մի լուր չունեն իրենց հարազատներից:

Մի կին, ում որդին անհետացել էր երկուշաբթի օրը, տեղեկացել էր, որ նա գտնվում է հենց այդ կալանավայրում: «Ինձ երեկ հայտնեցին այդ մասին: Որոշ բաներ եմ բերել նրա համար, սակայն թույլ չեն տալիս փոխանցեմ տղայիս»,- կինն ասել է Euronews-ին:

Ըստ աղբյուրի տեղեկությունների՝ Բելառուսի կալանավայրերում պայմանները սարսափելի են: Euronews-ն ունի մի տեսանյութ, որում հստակ երևում է, թե որքան կոպիտ են Մինսկի կալանավայրում անվտանգության աշխատակիցները վերաբերվում ցուցարարներին, անգամ ծեծի են ենթարկում նրանց:

Սոցցանցերը ողողված են ցուցարարներին ֆիզիկական բռնությունների ենթարկելու մասին գրառումներով և լուսանկարներով: Վերջին օրերին ոստիկանությունը բողոքի ցույցերը ցրելու համար օգտագործել է արցունքաբեր գազ, խլացուցիչ նռնակներ, ջրցան մեքենաներ և ռետինե փամփուշտներ, մահակներով դաժանաբար ծեծի ենթարկելով մասնակիցներին, գրում է Euronews-ը:

Իրավապաշտպան կազմակերպությունները շարունակում են հետևել խախտումներին:

«Բանտախցում, որը նախատեսված է 5-6 կալանավորի համար, կա 50-70 մարդ: Նրանք կանգնած են, չեն կարող նստել»,-ասում է «Վիասնա» մարդու իրավունքների կենտրոնի» իրավապաշտպան  Ալես Բելյացկին: «Ջուրը քիչ է: Նրանք ֆիզիկական բռնություն են ենթարկվում:  Բերման ենթարկելիս, ծեծում են, հետո շարունակում են ծեծել կալանավայրում, իսկ հետո էլ ազատելու պահին»,- ավելացնում է նա:

Անգլերենի ուսուցչուհի Իննա Դոբրոթվոր ականատես է եղել նման վերաբերմունքի: Նրան տարել են բաժին քվեարկության օրը, այն բանից հետո,  երբ փորձել է բողոք ներկայացնել տարածքային ընտրական հանձնաժողով՝ ընտրության արդյունքների վերահաշվարկելու պահանջով: Իննան, ում 2 օր պահել են կալանավայրում, տեսել է, թե ինչպես են ցուցարարներին հրմշտելով ներս բերում:

«Տղամարդկանց մերկացնում են՝ ընդհուպ մինչև կոշիկները: Հետո նրանց ստիպվում են քայլել միջանցքով՝ հագուստը ձեռքներին բռնած, հետո ծնկի գալ՝ դեմքով դեպի պատը: Եթե բողոքում են, ծեծի են ենթարկվում»,- պատմում է նա:

Ըստ Amnesty International իրավապաշտպան կազմակերպության՝ Բելառուսից ստացվող տեղեկությունները վկայում են, որ այնտեղ «համատարած խոշտանգումներ են», հաղորդում է BBCին:

Ազատ արձակված ցուցարարները նկարներ են տարածում Nexta-ով, որտեղ երևում են նրանց կապտուկները և այտուցները, մեջքի վնասվածքները, որոնք ենթադրաբար պատճառվել են ոստիկանության կողմից:

Ըստ իրավապաշտպան կազմակերպության՝ ձերբակալվածները նկարագրել են, թե ինչպես են իրենց ստիպել մերկանալ, ծեծի են ենթարկել և անգամ սպառնացել բռնաբարել:

«Նախկին կալանավորները մեզ փոխանցել են, որ կալանավայրերը դարձել են խոշտանգումների վայրեր, որտեղ բողոքողներին ստիպում են պառկել կեղտի մեջ, իսկ ոստիկանները նրանց հարվածում են մահակներով»,- ասում է կազմակերպության տարածաշրջանային հարցերով տնօրեն Մարիե Ստրութերսը:

 

Բելառուսում ձերբակալված ցուցարարներին մերկացնում են, ծեծում, սպառնում բռնաբարել. իրավապաշտպան կազմակերպություններ

Իրավապաշտպան կազմակերպությունները դատապարտել են անմարդկային պայմանները, որոնցում պահվում են Բելառուսում ցույցերի ժամանակ կալանավորված հազարավոր մարդիկ, հաղորդում է Euronews-ը:

Նրանք մեղադրել են ոստիկանությանը ցուցարարներին ծեծի ենթարկելու համար՝ թե՛ ձերբակալություններից առաջ, թե՛ ձերբակալությունների ընթացքում և թե՛ հետո:

Օգոստոսի 9-ին տեղի ունեցած նախագահական ընտություններից հետո, ըստ պաշտոնական տվյալների, ձերբակալվել է ավելի քան 6700 մարդ: Քվեարկության արդյունքների համաձայն՝ երկրի նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների շուրջ 80%-ը: Ընտրությունների արդյունքներից դժգոհ քաղաքացիները շարունակում են բողոքի ցույցերը մայրաքաղաք Մինսկում և այլ քաղաքներում:

Euronews-ի փոխանցմամբ՝ Մինսկում գտնվող մի կալանավայրի դիմաց բարձրաձայն  ընթերցում էին անհետ կորածների անունները հավաքվածների համար, ովքեր ոչ մի լուր չունեն իրենց հարազատներից:

Մի կին, ում որդին անհետացել էր երկուշաբթի օրը, տեղեկացել էր, որ նա գտնվում է հենց այդ կալանավայրում: «Ինձ երեկ հայտնեցին այդ մասին: Որոշ բաներ եմ բերել նրա համար, սակայն թույլ չեն տալիս փոխանցեմ տղայիս»,- կինն ասել է Euronews-ին:

Ըստ աղբյուրի տեղեկությունների՝ Բելառուսի կալանավայրերում պայմանները սարսափելի են: Euronews-ն ունի մի տեսանյութ, որում հստակ երևում է, թե որքան կոպիտ են Մինսկի կալանավայրում անվտանգության աշխատակիցները վերաբերվում ցուցարարներին, անգամ ծեծի են ենթարկում նրանց:

Սոցցանցերը ողողված են ցուցարարներին ֆիզիկական բռնությունների ենթարկելու մասին գրառումներով և լուսանկարներով: Վերջին օրերին ոստիկանությունը բողոքի ցույցերը ցրելու համար օգտագործել է արցունքաբեր գազ, խլացուցիչ նռնակներ, ջրցան մեքենաներ և ռետինե փամփուշտներ, մահակներով դաժանաբար ծեծի ենթարկելով մասնակիցներին, գրում է Euronews-ը:

Իրավապաշտպան կազմակերպությունները շարունակում են հետևել խախտումներին:

«Բանտախցում, որը նախատեսված է 5-6 կալանավորի համար, կա 50-70 մարդ: Նրանք կանգնած են, չեն կարող նստել»,-ասում է «Վիասնա» մարդու իրավունքների կենտրոնի» իրավապաշտպան  Ալես Բելյացկին: «Ջուրը քիչ է: Նրանք ֆիզիկական բռնություն են ենթարկվում:  Բերման ենթարկելիս, ծեծում են, հետո շարունակում են ծեծել կալանավայրում, իսկ հետո էլ ազատելու պահին»,- ավելացնում է նա:

Անգլերենի ուսուցչուհի Իննա Դոբրոթվոր ականատես է եղել նման վերաբերմունքի: Նրան տարել են բաժին քվեարկության օրը, այն բանից հետո,  երբ փորձել է բողոք ներկայացնել տարածքային ընտրական հանձնաժողով՝ ընտրության արդյունքների վերահաշվարկելու պահանջով: Իննան, ում 2 օր պահել են կալանավայրում, տեսել է, թե ինչպես են ցուցարարներին հրմշտելով ներս բերում:

«Տղամարդկանց մերկացնում են՝ ընդհուպ մինչև կոշիկները: Հետո նրանց ստիպվում են քայլել միջանցքով՝ հագուստը ձեռքներին բռնած, հետո ծնկի գալ՝ դեմքով դեպի պատը: Եթե բողոքում են, ծեծի են ենթարկվում»,- պատմում է նա:

Ըստ Amnesty International իրավապաշտպան կազմակերպության՝ Բելառուսից ստացվող տեղեկությունները վկայում են, որ այնտեղ «համատարած խոշտանգումներ են», հաղորդում է BBCին:

Ազատ արձակված ցուցարարները նկարներ են տարածում Nexta-ով, որտեղ երևում են նրանց կապտուկները և այտուցները, մեջքի վնասվածքները, որոնք ենթադրաբար պատճառվել են ոստիկանության կողմից:

Ըստ իրավապաշտպան կազմակերպության՝ ձերբակալվածները նկարագրել են, թե ինչպես են իրենց ստիպել մերկանալ, ծեծի են ենթարկել և անգամ սպառնացել բռնաբարել:

«Նախկին կալանավորները մեզ փոխանցել են, որ կալանավայրերը դարձել են խոշտանգումների վայրեր, որտեղ բողոքողներին ստիպում են պառկել կեղտի մեջ, իսկ ոստիկանները նրանց հարվածում են մահակներով»,- ասում է կազմակերպության տարածաշրջանային հարցերով տնօրեն Մարիե Ստրութերսը: