Karevorinfo  Իրադարձություններ  639

Քննչական կոմիտեն ԱԱԾ֊ում պաշտոն ստանալու գործիք. ինչու են կիրառում նախկինների տխրահռչակ սխեման. ՏԵՍԱՆՅՈՒԹ

Քննչական կոմիտեն ԱԱԾ֊ում պաշտոն ստանալու գործիք. ինչու են կիրառում նախկինների տխրահռչակ սխեման. ՏԵՍԱՆՅՈՒԹ

Քննչական կոմիտեն ԱԱԾ֊ում պաշտոն ստանալու գործիք. ինչու են կիրառում նախկինների տխրահռչակ սխեման. ՏԵՍԱՆՅՈՒԹ
21:40 չորեքշաբթի, 12 օգոստոսի, 2020 թ.
Քննչական կոմիտեն ԱԱԾ֊ում պաշտոն ստանալու գործիք. ինչու են կիրառում նախկինների տխրահռչակ սխեման. ՏԵՍԱՆՅՈՒԹ

Դեռ չորս ամիս Ազգային անվտանգության ծառայության տնօրենի պաշտոնը զբաղեցնող 29-ամյա Արգիշտի Քյարամյանն արդեն հասցրել է կառույցում չորս առանցքային պաշտոններում փոփոխություն անել: Արգիշտի Քյարամյանը մայիսի 19-ին իր՝ ԱԱԾ գործուղվելուց ընդամենը 15 օր անց, կառույցի քննչական դեպարտամենտի ղեկավար նշանակեց իր ընկերոջը՝ Արթուր Պողոսյանին: Ազգային անվտանգության ծառայություն տեղափոխվելուց տասը օր անց Արգիշտի Քյարամյանն իր սանիկին՝ Արթուր Նահապետյանին քննչական դեպարտամենտի բաժնի պետ նշանակեց:

Factor TV -ին դեռ նախորդ տարի գրել էր, որ Արթուր Նահապետյանը քավոր-սանիկական կապերի մեջ է Արգիշտի Քյարամյանի հետ: Նա 2019-ին էլ Քյարամյանի՝ ՊՎԾ ղեկավարի պաշտոնակատար լինելու ընթացքում այս կառույցում էր պաշտոն ստացել:

Այսօր ԱԱԾ-ում եղել է երկու նոր նշանակում, որոնք կրկին քննարկումների և քննադատությունների առիթ են հանդիսացել:

Նախագահ Արմեն Սարգսյանն այսօր հրամանագրեր է ստորագրել Արմեն Աբազյանին և Միքայել Համբարձումյանին Ազգային անվտանգության ծառայության տնօրենի տեղակալներ նշանակելու մասին:

Արմեն Աբազյանի նշանակումը իսկական դեժավյու է: Աբազյանը, որը մինչ այս զբաղեցնում էր ԱԱԾ Շիրակի մարզային վարչության պետի պաշտոնը, Ազգային անվտանգության ծառայության կենտրոնական ապարատում պաշտոն ստացավ նույն սխեմայով ինչ Արգիշտի Քյարամյանը: Օգոստոսի 10-ին վարչապետ Նիկոլ Փաշինյանի որոշմամբ Քննչական կոմիտեի նախագահի տեղակալ նշանակված, իսկ օգոստոսի 11-ին պաշտոնից ազատված Արմեն Աբազյանը օգոստոսի 12-ին նշանակվեց ԱԱԾ տնօրենի տեղակալ:

Հիշեցնենք, որ Արգիշտի Քյարամյանն այս նույն ճանապարհով անցել էր մայիսի 4-ին և 5-ին: Ընդ որում, ԱԱԾ տնօրենի տեղակալի նշանակման հրամանի հրապարակումից կես ժամ առաջ Քյարամյանը Factor TV -ին տված հարցազրույցում ասել էր, որ Պետական վերահսկողական ծառայությունում է և դեռ հստակ չգիտի, թե ինչով է զբաղվելու ՔԿ-ում:

Հավելենք, որ թե՛ Արգիշտի Քյարամյանը, թե՛ Արմեն Աբազյանը մինչ ԱԱԾ-ում պաշտոնների նշանակվելը մեկ օրով հասցրեցին զբաղեցնել ՔԿ նախագահի հինգերորդ տեղակալի պաշտոնը, որը մինչ այս հաստիքացուցակում չկար և ստեղծվել էր ապրիլի 30-ի կառավարության նիստի ժամանակ ընդունված որոշմամբ:

ԱԱԾ-ից առաջ մեկ օրով ՔԿ-ում պաշտոնի նշանակումը, թե՛ Քյարամյանի, թե՛ նրա նոր տեղակալ Արմեն Աբազյանի դեպքում պայմանավորված է այն հանգամանքով, որ ԱԱԾ-ում տնօրենի կամ տեղակալի պաշտոն կարող են զբաղեցնել սպայի դասային բարձր կոչում ունեցողները։ Ըստ օրենքի՝ ԱԱԾ-ում սպայական կոչումներ ստանալու համար պետք է տարիներով աշխատել այդ համակարգում, մինչդեռ ՔԿ-ի պարագայում` կարելի է բարձր կոչում ստանալ առանց տարիներ կորցնելու: Միևնույն ժամանակ նշենք, որ ՔԿ-ից այլ համակարգ տեղափոխվելու դեպքում այդ կոչումը պահպանվում է:

Այս մեխանիզմով ԱԱԾ-ում կադրերի համալրումը, որը, ի դեպ, կիրառել են նաև Հանրապետական իշխանության ներկայացուցիչները, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը համարում է իրավապահ կառույցն արժեզրկող տարբերակ: Իրավապաշտպանը կարծում է, որ սա օրենսդրական բացի հետևանք է, ինչը լուծելու համար հեղափոխությունից երկու տարի անց որևէ քայլ չի կատարվում:

ԱԱԾ-ի վերջին նշանակումները կատարվում են շեֆին համատարիմ լինելու սկզբունքով: Նման կարծիք է հայտնում «Թրանսփարենսի ինթերնեյշնլ» հակակոռուպցիոն կենտրոնի ծրագրերի համակարգող Վարուժան Հոկտանյանը:

Դանիել Իոննիսյանը կարծում է, որ նման խնդիրների գործադիրն ու նրա ենթակայությամբ գործող կառույցները չեն բախվի, եթե համապատասխան օրենսդրական փոփոխություններ արվեն: Նա արձանագրում է, որ այս նշանակումներով կառավարությունը օրենքներ է շրջանցում:

Քննչական կոմիտեի միջոցով ԱԱԾ-ում կադրային փոփոխությունների այս տարբերակում Վարուժան Հոկտանյանը չի բացառում քաղաքական կոռուպցիայի ռիսկերը: Վարուժան Հոկտանյանն ԱԱԾ-ում կատարված վերջին նշանակումներում նաև խնամի-ծանոթ-բարեկամ տխրահռչակ ավանդույթի կիրառումն է տեսնում: Վերջինիցս հետաքրքրվեցինք՝ ինչպե՞ս են հնարավոր նոր Հայաստանում նման դրսևորումներ, երբ նախորդ տարվա ապրիլին վարչապետ Նիկոլ Փաշինյանը որպես ձեռքբերում ներկայացրել է, որ պետական կառավարման համակարգում բաջանաղապետության սկզբունքը չկա:

Իշխանության ներկայացուցիչ, ԱԺ փոխնախագահ Ալեն Սիմոնյանն արտառոց ոչինչ չի տեսնում, երբ ԱԱԾ-ում պաշտոն զբաղեցնելու համար անցնում են ՔԿ-ով: Ըստ նրա՝ քաղաքացիներին այժմ ավելի շատ հետաքրքրում է, թե ինչպես իրավական ճանապարհով հետ բերեն Ռուսաստանում թաքնվող ենթադրյալ կոռուպցիոներներին, քան թե ինչ մեխանիզմով կհամալրվեն իրավապահ կառույցները:

Ուշագրավ է սակայն, որ ԱԱԾ ղեկավար կազմում տեղի ունեցած փոփոխություններից հետո էլ դեռ հանրությունը տեղեկություն չունի հայտնի ենթադրյալ կոռուպցիոներների գտնվելու վայրի մասին: Բավական է հիշել, թե ինչպես ԱԱԾ-ի աչքի առաջ «Գալաքսի» ընկերությունների խմբի համանախագահ, ՊԵԿ նախկին նախագահ Գագիկ Խաչատրյանի որդին՝ Գուրգեն Խաչատրյանը, խուսափեց պատասխանատվությունից: Հինգ ամիս է նրա գործով որևէ առաջընթաց չկա:

ԱԱԾ-ում այս տարբերակով նշանակումներից զատ, Դանիել Իոաննիսյանը բարձրաձայնում է նաև կառույցում առկա այլ լրջագույն խնդիրների մասին: Նա նշում է, որ ԱԱԾ-ն զբաղվում է հանցագործությունների բացահայտմամբ, որոնք ՀՔԾ-ի, ՔԿ-ի կամ Ոստիկանության տիրույթում են: Այսպիսով, ըստ Իոաննիսյանի, ԱԱԾ-ն աչքաթող է արել հետախուզությունն ու հակահետախուզությունը, ինչի արդյունքում Հայաստանի պետական կառույցներում առկա մեծածավալ փաստաթղթեր դառնում են Ադրբեջանի սեփականությունը:

Նարեկ Կիրակոսյան

Քննչական կոմիտեն ԱԱԾ֊ում պաշտոն ստանալու գործիք. ինչու են կիրառում նախկինների տխրահռչակ սխեման. ՏԵՍԱՆՅՈՒԹ

Դեռ չորս ամիս Ազգային անվտանգության ծառայության տնօրենի պաշտոնը զբաղեցնող 29-ամյա Արգիշտի Քյարամյանն արդեն հասցրել է կառույցում չորս առանցքային պաշտոններում փոփոխություն անել: Արգիշտի Քյարամյանը մայիսի 19-ին իր՝ ԱԱԾ գործուղվելուց ընդամենը 15 օր անց, կառույցի քննչական դեպարտամենտի ղեկավար նշանակեց իր ընկերոջը՝ Արթուր Պողոսյանին: Ազգային անվտանգության ծառայություն տեղափոխվելուց տասը օր անց Արգիշտի Քյարամյանն իր սանիկին՝ Արթուր Նահապետյանին քննչական դեպարտամենտի բաժնի պետ նշանակեց:

Factor TV -ին դեռ նախորդ տարի գրել էր, որ Արթուր Նահապետյանը քավոր-սանիկական կապերի մեջ է Արգիշտի Քյարամյանի հետ: Նա 2019-ին էլ Քյարամյանի՝ ՊՎԾ ղեկավարի պաշտոնակատար լինելու ընթացքում այս կառույցում էր պաշտոն ստացել:

Այսօր ԱԱԾ-ում եղել է երկու նոր նշանակում, որոնք կրկին քննարկումների և քննադատությունների առիթ են հանդիսացել:

Նախագահ Արմեն Սարգսյանն այսօր հրամանագրեր է ստորագրել Արմեն Աբազյանին և Միքայել Համբարձումյանին Ազգային անվտանգության ծառայության տնօրենի տեղակալներ նշանակելու մասին:

Արմեն Աբազյանի նշանակումը իսկական դեժավյու է: Աբազյանը, որը մինչ այս զբաղեցնում էր ԱԱԾ Շիրակի մարզային վարչության պետի պաշտոնը, Ազգային անվտանգության ծառայության կենտրոնական ապարատում պաշտոն ստացավ նույն սխեմայով ինչ Արգիշտի Քյարամյանը: Օգոստոսի 10-ին վարչապետ Նիկոլ Փաշինյանի որոշմամբ Քննչական կոմիտեի նախագահի տեղակալ նշանակված, իսկ օգոստոսի 11-ին պաշտոնից ազատված Արմեն Աբազյանը օգոստոսի 12-ին նշանակվեց ԱԱԾ տնօրենի տեղակալ:

Հիշեցնենք, որ Արգիշտի Քյարամյանն այս նույն ճանապարհով անցել էր մայիսի 4-ին և 5-ին: Ընդ որում, ԱԱԾ տնօրենի տեղակալի նշանակման հրամանի հրապարակումից կես ժամ առաջ Քյարամյանը Factor TV -ին տված հարցազրույցում ասել էր, որ Պետական վերահսկողական ծառայությունում է և դեռ հստակ չգիտի, թե ինչով է զբաղվելու ՔԿ-ում:

Հավելենք, որ թե՛ Արգիշտի Քյարամյանը, թե՛ Արմեն Աբազյանը մինչ ԱԱԾ-ում պաշտոնների նշանակվելը մեկ օրով հասցրեցին զբաղեցնել ՔԿ նախագահի հինգերորդ տեղակալի պաշտոնը, որը մինչ այս հաստիքացուցակում չկար և ստեղծվել էր ապրիլի 30-ի կառավարության նիստի ժամանակ ընդունված որոշմամբ:

ԱԱԾ-ից առաջ մեկ օրով ՔԿ-ում պաշտոնի նշանակումը, թե՛ Քյարամյանի, թե՛ նրա նոր տեղակալ Արմեն Աբազյանի դեպքում պայմանավորված է այն հանգամանքով, որ ԱԱԾ-ում տնօրենի կամ տեղակալի պաշտոն կարող են զբաղեցնել սպայի դասային բարձր կոչում ունեցողները։ Ըստ օրենքի՝ ԱԱԾ-ում սպայական կոչումներ ստանալու համար պետք է տարիներով աշխատել այդ համակարգում, մինչդեռ ՔԿ-ի պարագայում` կարելի է բարձր կոչում ստանալ առանց տարիներ կորցնելու: Միևնույն ժամանակ նշենք, որ ՔԿ-ից այլ համակարգ տեղափոխվելու դեպքում այդ կոչումը պահպանվում է:

Այս մեխանիզմով ԱԱԾ-ում կադրերի համալրումը, որը, ի դեպ, կիրառել են նաև Հանրապետական իշխանության ներկայացուցիչները, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը համարում է իրավապահ կառույցն արժեզրկող տարբերակ: Իրավապաշտպանը կարծում է, որ սա օրենսդրական բացի հետևանք է, ինչը լուծելու համար հեղափոխությունից երկու տարի անց որևէ քայլ չի կատարվում:

ԱԱԾ-ի վերջին նշանակումները կատարվում են շեֆին համատարիմ լինելու սկզբունքով: Նման կարծիք է հայտնում «Թրանսփարենսի ինթերնեյշնլ» հակակոռուպցիոն կենտրոնի ծրագրերի համակարգող Վարուժան Հոկտանյանը:

Դանիել Իոննիսյանը կարծում է, որ նման խնդիրների գործադիրն ու նրա ենթակայությամբ գործող կառույցները չեն բախվի, եթե համապատասխան օրենսդրական փոփոխություններ արվեն: Նա արձանագրում է, որ այս նշանակումներով կառավարությունը օրենքներ է շրջանցում:

Քննչական կոմիտեի միջոցով ԱԱԾ-ում կադրային փոփոխությունների այս տարբերակում Վարուժան Հոկտանյանը չի բացառում քաղաքական կոռուպցիայի ռիսկերը: Վարուժան Հոկտանյանն ԱԱԾ-ում կատարված վերջին նշանակումներում նաև խնամի-ծանոթ-բարեկամ տխրահռչակ ավանդույթի կիրառումն է տեսնում: Վերջինիցս հետաքրքրվեցինք՝ ինչպե՞ս են հնարավոր նոր Հայաստանում նման դրսևորումներ, երբ նախորդ տարվա ապրիլին վարչապետ Նիկոլ Փաշինյանը որպես ձեռքբերում ներկայացրել է, որ պետական կառավարման համակարգում բաջանաղապետության սկզբունքը չկա:

Իշխանության ներկայացուցիչ, ԱԺ փոխնախագահ Ալեն Սիմոնյանն արտառոց ոչինչ չի տեսնում, երբ ԱԱԾ-ում պաշտոն զբաղեցնելու համար անցնում են ՔԿ-ով: Ըստ նրա՝ քաղաքացիներին այժմ ավելի շատ հետաքրքրում է, թե ինչպես իրավական ճանապարհով հետ բերեն Ռուսաստանում թաքնվող ենթադրյալ կոռուպցիոներներին, քան թե ինչ մեխանիզմով կհամալրվեն իրավապահ կառույցները:

Ուշագրավ է սակայն, որ ԱԱԾ ղեկավար կազմում տեղի ունեցած փոփոխություններից հետո էլ դեռ հանրությունը տեղեկություն չունի հայտնի ենթադրյալ կոռուպցիոներների գտնվելու վայրի մասին: Բավական է հիշել, թե ինչպես ԱԱԾ-ի աչքի առաջ «Գալաքսի» ընկերությունների խմբի համանախագահ, ՊԵԿ նախկին նախագահ Գագիկ Խաչատրյանի որդին՝ Գուրգեն Խաչատրյանը, խուսափեց պատասխանատվությունից: Հինգ ամիս է նրա գործով որևէ առաջընթաց չկա:

ԱԱԾ-ում այս տարբերակով նշանակումներից զատ, Դանիել Իոաննիսյանը բարձրաձայնում է նաև կառույցում առկա այլ լրջագույն խնդիրների մասին: Նա նշում է, որ ԱԱԾ-ն զբաղվում է հանցագործությունների բացահայտմամբ, որոնք ՀՔԾ-ի, ՔԿ-ի կամ Ոստիկանության տիրույթում են: Այսպիսով, ըստ Իոաննիսյանի, ԱԱԾ-ն աչքաթող է արել հետախուզությունն ու հակահետախուզությունը, ինչի արդյունքում Հայաստանի պետական կառույցներում առկա մեծածավալ փաստաթղթեր դառնում են Ադրբեջանի սեփականությունը:

Նարեկ Կիրակոսյան