Karevorinfo  Իրադարձություններ  187

Դատարանը կրկին կքննի Ալվինա Գյուլումյանի հայցը՝ ընդդեմ վարչապետի ընտանիքին պատկանող «Հայկական ժամանակ»-ի հրատարակիչ «Դարեսկիզբ» ՍՊԸ-ի

Դատարանը կրկին կքննի Ալվինա Գյուլումյանի հայցը՝ ընդդեմ վարչապետի ընտանիքին պատկանող «Հայկական ժամանակ»-ի հրատարակիչ «Դարեսկիզբ» ՍՊԸ-ի

Դատարանը կրկին կքննի Ալվինա Գյուլումյանի հայցը՝ ընդդեմ վարչապետի ընտանիքին պատկանող «Հայկական ժամանակ»-ի հրատարակիչ «Դարեսկիզբ» ՍՊԸ-ի
12:55 ուրբաթ, 31 հուլիսի, 2020 թ.
Դատարանը կրկին կքննի Ալվինա Գյուլումյանի հայցը՝ ընդդեմ վարչապետի ընտանիքին պատկանող «Հայկական ժամանակ»-ի հրատարակիչ «Դարեսկիզբ» ՍՊԸ-ի

Երևան քաղաքի դատարանը վարույթ է ընդունել Սահմանադրական դատարանի նախկին փոխնախագահ Ալվինա Գյուլումյանն ընդդեմ «Դարեսկիզբ» ՍՊԸ-ի՝ զրպարտությունը հերքելու և փոխհատուցում վճարելու պահանջների մասին գործը, որը Վերաքննիչ քաղաքացիական դատարանի որոշմամբ ուղարկվել էր նույն դատարան՝ նոր քննության։ Այս մասին Factor.am-ը տեղեկացավ Դատական տեղեկատվական համակարգից։

Գործը վարույթ ընդունած դատավոր Երեմ Ասոյանը որոշում է կայացրել քննությունը սկսել սկզբից։ Նախնական դատական նիստի օր է նշանակվել սեպտեմբերի 16-ը։

Հիշեցնենք, որ Ալվինա Գյուլումյանի լիազորությունները վաղաժամ դադարեցվեցին ԱԺ-ում ընդունված Սահմանադրական փոփոխությունների արդյունքում։

Գյուլումյանը 2 տարի առաջ հայց էր ներկայացրել վարչապետի ընտանիքին պատկանող «Հայկական ժամանակ» օրաթերթի հրատարակիչ «Դարեսկիզբ» ՍՊԸ-ի դեմ՝ «ՍԴ-ն մնացել է առանց փոխնախագահի» վերտառությամբ հոդվածի պատճառով։ Հայցվոր կողմը դատարանում վիճարկում է հոդվածում տեղ գտած հետևյալ արտահայտությունները. «Գյուլումյանն իր՝ ՍԴ փոխնախագահ դառնալու ամբիցիան մոտիվացրել է նաև այն հանգամանքով, որ երբ ՄԻԵԴ-ում որպես դատավոր ներկայացնում էր Հայաստանը, ջանք չի խնայել, որպեսզի Մարտի 1-ի իրադարձություններով Մարդու իրավունքների եվրոպական դատարան ներկայացրած գործերից մեկի քննարկումը հետաձգվի»:

Հայցվորի ներկայացուցիչը խնդրել էր դատարանին՝ պարտավորեցնել պատասխանողին հերքել հոդվածում ընդգրկված Ալվինա Գյուլումյանի պատիվը և արժանապատվությունը զրպարտող և արատավորող տեղեկությունները, ինչպես նաև պատասխանողից, հօգուտ հայցվորի, բռնագանձել 500.000 ՀՀ դրամ՝ որպես պատճառված ոչ նյութական վնասի փոխհատուցում և գումարը փոխանցել «Աջակցություն վիրավոր զինվորներին և զինվորական հաշմանդամներին» հիմնադրամի հաշվեհամարին:

Երևան քաղաքի ընդհանուր իրավասության դատարանի դատավոր Ռուբեն Ափինյանը 2019 թվականի դեկտեմբերի 6-ին վճռել էր Գյուլումյանի հայցը մերժել` հայցային վաղեմություն կիրառելու հիմքով, և Ալվինա Գյուլումյանից, հօգուտ «Դարեսկիզբ» ՍՊԸ-ի, բռնագանձել 100.000 ՀՀ դրամ՝ որպես փաստաբանի խելամիտ վարձատրության գումար:

Ալվինա Գյուլումյանն այս վճիռը բողոքարկել էր Վերաքննիչ քաղաքացիական դատարանում, որն էլ այս տարվա ապրիլի 15-ին որոշում էր կայացրել բավարարել բողոքը, բեկանել Երևան քաղաքի ընդհանուր իրավասության դատարանի կայացրած վճիռը և գործն ուղարկել նույն դատարան՝ նոր քննության։

Մերի Մարտիրոսյան

Դատարանը կրկին կքննի Ալվինա Գյուլումյանի հայցը՝ ընդդեմ վարչապետի ընտանիքին պատկանող «Հայկական ժամանակ»-ի հրատարակիչ «Դարեսկիզբ» ՍՊԸ-ի

Երևան քաղաքի դատարանը վարույթ է ընդունել Սահմանադրական դատարանի նախկին փոխնախագահ Ալվինա Գյուլումյանն ընդդեմ «Դարեսկիզբ» ՍՊԸ-ի՝ զրպարտությունը հերքելու և փոխհատուցում վճարելու պահանջների մասին գործը, որը Վերաքննիչ քաղաքացիական դատարանի որոշմամբ ուղարկվել էր նույն դատարան՝ նոր քննության։ Այս մասին Factor.am-ը տեղեկացավ Դատական տեղեկատվական համակարգից։

Գործը վարույթ ընդունած դատավոր Երեմ Ասոյանը որոշում է կայացրել քննությունը սկսել սկզբից։ Նախնական դատական նիստի օր է նշանակվել սեպտեմբերի 16-ը։

Հիշեցնենք, որ Ալվինա Գյուլումյանի լիազորությունները վաղաժամ դադարեցվեցին ԱԺ-ում ընդունված Սահմանադրական փոփոխությունների արդյունքում։

Գյուլումյանը 2 տարի առաջ հայց էր ներկայացրել վարչապետի ընտանիքին պատկանող «Հայկական ժամանակ» օրաթերթի հրատարակիչ «Դարեսկիզբ» ՍՊԸ-ի դեմ՝ «ՍԴ-ն մնացել է առանց փոխնախագահի» վերտառությամբ հոդվածի պատճառով։ Հայցվոր կողմը դատարանում վիճարկում է հոդվածում տեղ գտած հետևյալ արտահայտությունները. «Գյուլումյանն իր՝ ՍԴ փոխնախագահ դառնալու ամբիցիան մոտիվացրել է նաև այն հանգամանքով, որ երբ ՄԻԵԴ-ում որպես դատավոր ներկայացնում էր Հայաստանը, ջանք չի խնայել, որպեսզի Մարտի 1-ի իրադարձություններով Մարդու իրավունքների եվրոպական դատարան ներկայացրած գործերից մեկի քննարկումը հետաձգվի»:

Հայցվորի ներկայացուցիչը խնդրել էր դատարանին՝ պարտավորեցնել պատասխանողին հերքել հոդվածում ընդգրկված Ալվինա Գյուլումյանի պատիվը և արժանապատվությունը զրպարտող և արատավորող տեղեկությունները, ինչպես նաև պատասխանողից, հօգուտ հայցվորի, բռնագանձել 500.000 ՀՀ դրամ՝ որպես պատճառված ոչ նյութական վնասի փոխհատուցում և գումարը փոխանցել «Աջակցություն վիրավոր զինվորներին և զինվորական հաշմանդամներին» հիմնադրամի հաշվեհամարին:

Երևան քաղաքի ընդհանուր իրավասության դատարանի դատավոր Ռուբեն Ափինյանը 2019 թվականի դեկտեմբերի 6-ին վճռել էր Գյուլումյանի հայցը մերժել` հայցային վաղեմություն կիրառելու հիմքով, և Ալվինա Գյուլումյանից, հօգուտ «Դարեսկիզբ» ՍՊԸ-ի, բռնագանձել 100.000 ՀՀ դրամ՝ որպես փաստաբանի խելամիտ վարձատրության գումար:

Ալվինա Գյուլումյանն այս վճիռը բողոքարկել էր Վերաքննիչ քաղաքացիական դատարանում, որն էլ այս տարվա ապրիլի 15-ին որոշում էր կայացրել բավարարել բողոքը, բեկանել Երևան քաղաքի ընդհանուր իրավասության դատարանի կայացրած վճիռը և գործն ուղարկել նույն դատարան՝ նոր քննության։

Մերի Մարտիրոսյան