Karevorinfo  Համացանց  220

Գյումրիում տեղացած հորդառատ անձրևից ու կարկուտից տուժածներին օգնելու համար ավագանին 10 մլն դրամ ու 6 սոցիալական բնակարան հատկացրեց

Գյումրիում տեղացած հորդառատ անձրևից ու կարկուտից տուժածներին օգնելու համար ավագանին 10 մլն դրամ ու 6 սոցիալական բնակարան հատկացրեց

Գյումրիում տեղացած հորդառատ անձրևից ու կարկուտից տուժածներին օգնելու համար ավագանին 10 մլն դրամ ու 6 սոցիալական բնակարան հատկացրեց
15:40 ուրբաթ, 17 հուլիսի, 2020 թ.
Գյումրիում տեղացած հորդառատ անձրևից ու կարկուտից տուժածներին օգնելու համար ավագանին 10 մլն դրամ ու 6 սոցիալական բնակարան հատկացրեց

Գյումրին ավագանին այսօր արտահերթ նիստում քննարկեց հուլիսի 13-ին քաղաքում տեղացած աննախադեպ քանակությամբ անձրևի ու կարկուտի հետևանքով բնակիչներին ու համայնքին պատճառված վնասների չափը և օգնություն տրամադրելու հարցը։ Մինչ նիստը սկսելը, սակայն, ներկաները մեկ րոպե լռությամբ հարգեցին սահմանին զոհված զինծառայողների հիշատակը։

Անձրևից ու կարկուտից տուժած քաղաքացիների կրած վնասները ուսումնասիրելու  համար համապատասխան հանձնաժողովներ են ստեղծվել։ Քաղաքապետ Սամվել Բալասանյանը տեղեկացրեց, որ ստացել են 120 դիմում, հիմնականում՝ Ավտոկայան տնակային թաղամասից։

Ներկայացված տվյալներով՝ հանձնաժողովը համարժեք է գտել օգնություն տրամադրել 84-ին։ Դիմումներ են ստացվել նաև հասարակական ոլորտից։ Բացի այդ՝ երեկ երեկոյան քաղաքապետարանը ևս 65 դիմում է ստացել, որոնք դեռ չեն ուսումնասիրվել։

«Բազմաբնակարան շենքերի համատիրություններին ենք դիմել, որ ներկայացնեն իրենց մոտ եղած խնդիրները։ Այնտեղ բան չէր կարող լինել՝ բացի նկուղներից, որտեղ ԱԻՆ-ը եկավ և ջուրը հեռացրեց։ Ըստ մեր բյուջեի՝ բազմաբնակարան շենքերին հատկացրել ենք 50 մլն դրամի սուբվենցիա, որից այս պահին 29 մլն-ի նախագծեր ունենք և 20 տոկոսը տրամադրված է։ Բացի այդ՝ 5 մեքենայի համար են դիմում տվել, բայց ասեմ, որ օբյեկտիվ կլինի ընդամենը 3 մեքենայի համար տալ, որոնք սառույցների մեջ էին մխրճվել։ Կան նաև գյուղատնտեսական հողերի հետ կապված դիմումներ, խոսքը 10 հեկտարի մասին է, մեծ գումար չի կազմում»,- ասաց Սամվել Բալասանյանը։

Քաղաքապետը նշեց, որ քաղաքապետարանը կարող է օգնել շինարարությամբ, այդ պատճառով էլ գումար են հատկացնում, որ մարդիկ շինանյութ գնեն։

Հանձնաժողովի ներկայացրած ցուցակների համաձայն էլ օգնություն կտրամադրվի։ Ավագանին որոշեց 10 մլն դրամ հատկացնել հորդառատ անձրևի ու կարկուտի հետևանքով տուժած բնակիչներին։

Միաժամանակ, ավագանին որոշեց «Առդա» բարեգործական հիմնադրամի հետ համագործակցությամբ՝ Գյումրի համայնքի սեփականություն հանդիսացող Մովսես  Խորենացի փողոցի թիվ 46/1 հասցեի բազմաբնակարան բնակելի շենքի 6 սոցիալական բնակարաններն անժամկետ, անհատույց օգտագործման իրավունքով տրամադրել հորդառատ անձրևի և կարկուտի հետևանքով տուժած և ժամանակավոր կացարաններում՝ տնակներում բնակվող անձանց։ Խոսքն Ավտոկայան տնակային թաղամասի բնակիչների մասին է, որոնց տնակների մեծ մասը բնակության համար անպիտան է դարձել։ Սոցիալական 12 բնակարանի բաշխումը կատարվել էր 2019 թվականի դեկտեմբերին, մնացած 6-ն էլ այսօր հատկացվեց անձրևից ու կարկուտից տուժածներին։

Հիշեցնենք, որ Գյումրիում հուլիսի 13-ին աննախադեպ քանակությամբ տեղումներ էին գրանցվել։ Քաղաքի փողոցները ջրածածկ էին եղել, անձրևաջրերը լցվել էին բնակելի տներ, բազմաբնակարան շենքերի նկուղներ, սպասարկման օբյեկտներ։ Քաղաքում երթևեկությունը դարձել էր դժվարանցանելի, հոսանքազրկվել էին թաղամասեր։ Հատկապես մեծ վնաս էին կրել տնակների բնակիչները․ անձրևաջրերն ու կարկուտից գոյացած սառույցի կտորները լցվել էին տնակներ։

Էմմա Չոբանյան

Գյումրիում տեղացած հորդառատ անձրևից ու կարկուտից տուժածներին օգնելու համար ավագանին 10 մլն դրամ ու 6 սոցիալական բնակարան հատկացրեց

Գյումրին ավագանին այսօր արտահերթ նիստում քննարկեց հուլիսի 13-ին քաղաքում տեղացած աննախադեպ քանակությամբ անձրևի ու կարկուտի հետևանքով բնակիչներին ու համայնքին պատճառված վնասների չափը և օգնություն տրամադրելու հարցը։ Մինչ նիստը սկսելը, սակայն, ներկաները մեկ րոպե լռությամբ հարգեցին սահմանին զոհված զինծառայողների հիշատակը։

Անձրևից ու կարկուտից տուժած քաղաքացիների կրած վնասները ուսումնասիրելու  համար համապատասխան հանձնաժողովներ են ստեղծվել։ Քաղաքապետ Սամվել Բալասանյանը տեղեկացրեց, որ ստացել են 120 դիմում, հիմնականում՝ Ավտոկայան տնակային թաղամասից։

Ներկայացված տվյալներով՝ հանձնաժողովը համարժեք է գտել օգնություն տրամադրել 84-ին։ Դիմումներ են ստացվել նաև հասարակական ոլորտից։ Բացի այդ՝ երեկ երեկոյան քաղաքապետարանը ևս 65 դիմում է ստացել, որոնք դեռ չեն ուսումնասիրվել։

«Բազմաբնակարան շենքերի համատիրություններին ենք դիմել, որ ներկայացնեն իրենց մոտ եղած խնդիրները։ Այնտեղ բան չէր կարող լինել՝ բացի նկուղներից, որտեղ ԱԻՆ-ը եկավ և ջուրը հեռացրեց։ Ըստ մեր բյուջեի՝ բազմաբնակարան շենքերին հատկացրել ենք 50 մլն դրամի սուբվենցիա, որից այս պահին 29 մլն-ի նախագծեր ունենք և 20 տոկոսը տրամադրված է։ Բացի այդ՝ 5 մեքենայի համար են դիմում տվել, բայց ասեմ, որ օբյեկտիվ կլինի ընդամենը 3 մեքենայի համար տալ, որոնք սառույցների մեջ էին մխրճվել։ Կան նաև գյուղատնտեսական հողերի հետ կապված դիմումներ, խոսքը 10 հեկտարի մասին է, մեծ գումար չի կազմում»,- ասաց Սամվել Բալասանյանը։

Քաղաքապետը նշեց, որ քաղաքապետարանը կարող է օգնել շինարարությամբ, այդ պատճառով էլ գումար են հատկացնում, որ մարդիկ շինանյութ գնեն։

Հանձնաժողովի ներկայացրած ցուցակների համաձայն էլ օգնություն կտրամադրվի։ Ավագանին որոշեց 10 մլն դրամ հատկացնել հորդառատ անձրևի ու կարկուտի հետևանքով տուժած բնակիչներին։

Միաժամանակ, ավագանին որոշեց «Առդա» բարեգործական հիմնադրամի հետ համագործակցությամբ՝ Գյումրի համայնքի սեփականություն հանդիսացող Մովսես  Խորենացի փողոցի թիվ 46/1 հասցեի բազմաբնակարան բնակելի շենքի 6 սոցիալական բնակարաններն անժամկետ, անհատույց օգտագործման իրավունքով տրամադրել հորդառատ անձրևի և կարկուտի հետևանքով տուժած և ժամանակավոր կացարաններում՝ տնակներում բնակվող անձանց։ Խոսքն Ավտոկայան տնակային թաղամասի բնակիչների մասին է, որոնց տնակների մեծ մասը բնակության համար անպիտան է դարձել։ Սոցիալական 12 բնակարանի բաշխումը կատարվել էր 2019 թվականի դեկտեմբերին, մնացած 6-ն էլ այսօր հատկացվեց անձրևից ու կարկուտից տուժածներին։

Հիշեցնենք, որ Գյումրիում հուլիսի 13-ին աննախադեպ քանակությամբ տեղումներ էին գրանցվել։ Քաղաքի փողոցները ջրածածկ էին եղել, անձրևաջրերը լցվել էին բնակելի տներ, բազմաբնակարան շենքերի նկուղներ, սպասարկման օբյեկտներ։ Քաղաքում երթևեկությունը դարձել էր դժվարանցանելի, հոսանքազրկվել էին թաղամասեր։ Հատկապես մեծ վնաս էին կրել տնակների բնակիչները․ անձրևաջրերն ու կարկուտից գոյացած սառույցի կտորները լցվել էին տնակներ։

Էմմա Չոբանյան